ខេត្តប៉ៃលិន ៖ បុរសវ័យក្មេងម្នាក់ ត្រូវគេស្គាល់ថាជាចៅចុងរបស់លោកតាចំណាស់ម្នាក់ ដោយរូបគេបានលើកគ្នាចំនួន៦នាក់ ចូលទៅកា.ប់បំផ្លាញដំណាំចេកអស់ចំនួន៣៥គុម្ព និងដកស្លឹកគ្រៃចំនួន៨២គុម្ពចោល ដែលគាត់ខិតខំប្រឹងប្រែងដាំដើម្បីចិញ្ចឹមចៅប្រុសស្រីចំនួន៣នាក់ទៀតនៅក្នុងបន្ទុក បណ្តាលឱ្យរងការខូច
ខេត្តប៉ៃលិន ៖ បុរសវ័យក្មេងម្នាក់ ត្រូវគេស្គាល់ថាជាចៅចុងរបស់លោកតាចំណាស់ម្នាក់ ដោយរូបគេបានលើកគ្នាចំនួន៦នាក់ ចូលទៅកាប់បំផ្លាញដំណាំចេកអស់ចំនួន៣៥គុម្ព និងដកស្លឹកគ្រៃចំនួន៨២គុម្ពចោល ដែលគាត់ខិតខំប្រឹងប្រែងដាំដើម្បីចិញ្ចឹមចៅប្រុសស្រីចំនួន៣នាក់ទៀតនៅក្នុងបន្ទុក បណ្តាលឱ្យរងការខូចខាតខ្ទេចខ្ទី ដោយសារតែចង់បានដីចម្ការមួយកន្លែងនេះ ធ្វើជាកម្មសិទ្ធផ្ទាល់ខ្លួន ។ លុះក្រោយពីដឹងដល់ខាងមន្ទីរបរិស្ថាន ក៏ហៅទាំងជនបង្កហេតុ និង ជនរងគ្រោះមកសួរនាំនៅមន្ទីរបរិស្ថានខេត្ត កាលពីវេលាម៉ោង១០ និង៣០នាទីព្រឹក ថ្ងៃទី១៥ សីហា ២០១៤ ។
ហេតុការណ៍ កាប់បំផ្លាញដើមចេក ស្លឹកគ្រៃ និង អណ្តេងនេះ បានកើតឡើងកាលពីវេលាម៉ោង៩ និង៣នាទីព្រឹកថ្ងៃទី១២ កញ្ញា ២០១៤ ស្ថិតនៅចំណុចជើងភ្នំក្បែរអាងជីងចក់ ក្នុងភូមិអូរច្រាលើ សង្កាត់ទួលល្វា ក្រុងប៉ៃលិន ។
ប្រភពព័ត៌មានបានឱ្យដឹងថា បុរសចំណាស់ដែលត្រូវចៅចុងលើកគ្នាទៅកាប់បំផ្លាញដំណាំនេះ ឈ្មោះ ឡាយ ឆាង អាយុ៦២ឆ្នាំ មានប្រពន្ធឈ្មោះ មិត្ត ផង់ អាយុ៦៤ឆ្នាំ គាត់មានស្រុកកំណើតរស់នៅភូមិអូរដំបងពីរ ឃុំអូរដំបងពីរ ស្រុកសង្កែ ខេត្តបាត់ដំបង បច្ចុប្បន្នរស់នៅភូមិកើតហេតុខាងលើ មានចៅចំនួន៣នាក់នៅក្នុងបន្ទុក ។ទី១. ឈ្មោះ ម៉ៅ ស្រីម៉ី ហៅមុំ អាយុ១៤ឆ្នាំ ទី២. ឈ្មោះ ម៉ៅ សុគា ភេទប្រុស អាយុ១១ឆ្នាំ និងទី៣.ឈ្មោះ ម៉ៅ គង់គីម ភេទប្រុស អាយុ១០ឆ្នាំ ។
ចំណែកបុរសវ័យក្មេងត្រូវជាចៅចុង និងបក្សពួកដែលកាប់បំផ្លាញដំណាំចេក ទី១.ឈ្មោះ មុំ ម៉ៃ ភេទប្រុស អាយុ២៧ឆ្នាំ ត្រូវជាចៅចុង ជាអ្នកដឹកនាំលើកគ្នាទៅកាប់ដំណាំក្នុងចម្ការ ទី២.ឈ្មោះ អ៊ុង មករា ភេទប្រុស អាយុ១៦ឆ្នាំ ទី៣.ឈ្មោះ ចក់ ប៊ុនសុង ភេទប្រុស អាយុ១៦ឆ្នាំ ទី៤.ឈ្មោះ តាពៅ អាយុ៥៤ឆ្នាំ និងបុរសពីរនាក់ទៀតមិនស្គាល់អត្តសញ្ញាណ ទាំងអស់គ្នារស់នៅភូមិបរយ៉ាខា សង្កាត់បរយ៉ាខា ក្រុងប៉ៃលិន ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ