ខេត្តកំពង់ធំ ៖ ជនសង្ស័យកាច់សោ.ក ម៉ូតូ២នាក់ ម្នាក់ត្រូវសមត្ថកិច្ចចាប់ឃាត់ខ្លួនបានកាលពីវេលាម៉ោង៣និង២៥នាទីល្ងាច ថ្ងៃទី១៥ ខែកញ្ញា ឆ្នាំ២០១៤ ហើយម្នាក់ទៀតរត់គេចខ្លួនបាត់ស្រមោល បន្ទាប់ពីធ្វើសកម្មភាពកាច់សោ.ក ម៉ូតូរបស់ប្រជាពលរដ្ឋកន្លងមក ។
ប្រភពព័ត៌មានបានឲ្យដឹងថានៅមុនពេលកើតហេតុជនរងគ្រោះឈ្មោះ ភូ រិទ្ធីសះ ភេទប្រុស អាយុ២៣ឆ្នាំមានទីលំនៅក្នុងភូមិសិរីសុខុម ឃុំឈូកខ្សាច់ ស្រុបារាយណ៍ ខេត្តកំពង់ធំ បានជិះម៉ូតូម៉ាក់សង់សេ១២៥ ស៊េរីឆ្នាំ២០០៨ ពណ៌ខ្មៅ មានពាក់ស្លាកលេខមណ្ឌលគីរី 1A-0665 ទៅកម្សាន្តខណៈម្ចាស់ម៉ូតូទុកម៉ូតូចោលរួចចុះទៅងូតទឹកលេងនៅចំណុចទំនប់៦មករា ស្ថិតនៅភូមិត្បែង ឃុំបឹងល្វា ស្រុកសន្ទុក ខេត្តកំពង់ធំ ក៏ត្រូវជនសង្ស័យ២នាក់ធ្វើសកម្មភាពកាច់.ក ម៉ូតូជិះយកទៅបាត់ ភ្លាមៗនោះជនរងគ្រោះក៍បានប្ដឹងទៅសមត្ថិកិច្ចដែលនៅក្បែរទីនោះដើម្បីតាមចាប់ជនសង្ស័យទាំងពីរនាក់។
សមត្ថកិច្ចប៉ូលិសប៉ុស្តិ៍កំពង់ថ្មសហការណ៍ជាមួយប្រជាការពារភូមិបន្ទាប់ពីទទួលពាក្យបណ្ដឹងពីជនរងគ្រោះដែលក្រុមចោរបានធ្វើសកម្មភាពកាច់សោក ម៉ូតូ ក៏ធ្វើការស្ទាក់ចាប់បានជនសង្ស័យឈ្មោះ អុក ថេង ភេទប្រុស អាយុ២៨ឆ្នាំ នៅចំណុចភូមិកំពង់ថ្ម ឃុំកំពង់ថ្ម ស្រុកសន្ទុក ជនសង្ស័យមានទីលំនៅក្នុងភូមិត្នោតជុំ ឃុំត្នោតជុំ ស្រុកបារាយណ៍ ខេត្តកំពង់ធំ ចំណែកជនសង្ស័យម្នាក់ទៀតបានរត់គេចខ្លួនបាត់ស្រមោល។
សមត្ថិកិច្ចបានប្រាប់ថាជនសង្ស័យម្នាក់ជាមុខសញ្ញាចាស់ធ្លាប់ជាប់ពន្ធធនាគារបន្ទាប់ពីចាប់បានម្នាក់សមត្ថកិច្ចក្តាប់មុខសញ្ញាបាន ហើយកំពុងតែធ្វើការស្រាវជ្រាវតាមប្រមាញ់ចាប់យកមកផ្តន្ទាទោសចំពោះមុខច្បាប់។ក្រោយពីតាមប្រមាញ់ជនសង្ស័យបានភ្លាមៗសមត្ថកិច្ចក៍បានប្រគល់ម៉ូតូឲ្យទៅម្ចាស់ដើមវិញនៅនឹងកន្លែងកើតហេតុភ្លាមៗចំណែកជនសង្ស័យត្រូវសមត្ថកិច្ចបញ្ជូនខ្លួនទៅអធិការដ្ឋានស្រុកសន្ទុកដើម្បីចាត់ការបន្តតាមនិតិវិធីច្បាប់ ។
ចែករំលែកព័តមាននេះ