សារព័ត៌មានក្នុងស្រុករាយការណ៍ថា ព្រះមហាក្សត្រីយានី ចក្រភពអង់គ្លេស អេលីហ្សាបែតទី២ កាលពីថ្ងៃទី១៤ កញ្ញា ទ្រង់ស្នើដល់ពលរដ្ឋតំបន់អេកូសឱ្យធ្វើការពិចារណាដោយប្រុងប្រយ័ត្នមុនការបោះប្រជាមតិ ស្តីពីឯករាជ្យរបស់អេកូសដែលគ្រោងធ្វើនាថ្ងៃទី១៨ កញ្ញា ខាងមុខនេះ ។
សារព័ត៌មានក្នុងស្រុករាយការណ៍ថា ព្រះមហាក្សត្រីយានី ចក្រភពអង់គ្លេស អេលីហ្សាបែតទី២ កាលពីថ្ងៃទី១៤ កញ្ញា ទ្រង់ស្នើដល់ពលរដ្ឋតំបន់អេកូសឱ្យធ្វើការពិចារណាដោយប្រុងប្រយ័ត្នមុនការបោះប្រជាមតិ ស្តីពីឯករាជ្យរបស់អេកូសដែលគ្រោងធ្វើនាថ្ងៃទី១៨ កញ្ញា ខាងមុខនេះ ។
ពេលយាងចេញពីព្រះវិហារកាតូលិកមួយជិតវិមាន BALMORAL ភាគខាងជើងអេកូស ព្រះមហាក្សត្រីយានីទ្រង់អំពាវនាវដល់ពលរដ្ឋអេកូសឱ្យពិចារណាលើការបោះប្រជាមតិដែលប្រព្រឹត្តទៅនាថ្ងៃទី១៨ កញ្ញា ។ នេះជាការគូសបញ្ជាក់របស់កាសែត SCOTTISH DAILY។ កាសែតនោះបន្តថា នេះជាលើកដំបូងហើយដែលព្រះមហាក្សត្រីយានីនៃចក្រភពអង់គ្លេសមានព្រះរាជបន្ទូលពីបញ្ហាឯករាជ្យភាពតំបន់អេកូស ឬស្កុតឡែន ខណៈព្រះអង្គតាមធម្មតាមិនឡូកឡំក្នុងនយោបាយ ។
កាលពីសប្តាហ៍មុន ព្រះមហាក្សត្រីយានីគូសបញ្ជាក់ថា ព្រះអង្គពុំចង់ប្រើឥទ្ធិពលលើការបោះប្រជាមតិអំពីឯករាជ្យភាពឡើយ ដោយព្រះអង្គមានបន្ទូលថា ការបោះប្រជាមតិនេះគឺជាបញ្ហាមួយដែលទាក់ទិនដល់ប្រជាជនអេកូស ។គួរកត់សម្គាល់ថា បណ្តាអ្នកប្រឆាំងនឹងការបោះប្រជាមតិបានទូលស្នើឱ្យព្រះមហាក្សត្រីយានីជួយធ្វើអន្តរាគមន៍ ខណៈដែលបើយោងតាមព័ត៌មាននានាថា ព្រះអង្គទ្រង់មានការព្រួយព្រះទ័យកាន់តែខ្លាំងចំពោះទស្សនៈវិស័យនៃការបំបែកខ្លួន ។
កាលពីខែតុលាឆ្នាំ២០១២ នាយករដ្ឋមន្ត្រីអង់គ្លេស លោកដាវីដ កាមីរ៉ូន និងនាយករដ្ឋមន្ត្រីអេកូស លោក ALEX SALMOND បានចុះហត្ថលេខាលើកិច្ចព្រមព្រៀងក្រុង EDIMBOURG ដែលអនុញ្ញាតឱ្យអេកូសរៀបចំការបោះប្រជាមតិមួយស្តីពីឯករាជ្យ នារដូវស្លឹកឈើជ្រុះឆ្នាំ២០១៤ ៕
ចែករំលែកព័តមាននេះ