កីឡាការិនីក្រូអាស៊ី Mirjana Lucic-Baroni ដណ្តើមបានពានជើងឯកសមាគម WTA Tour ជាលើកដំបូង បន្ទាប់ពីបានផ្តួលអតីតកីឡាការិនីលំដាប់ទី១ ពិភពលោក វេនីស វីលៀម យកឈ្នះពានកម្មវិធី Quebec City នៅក្រុងកេបិច ប្រទេសកាណាដា កាលពីថ្ងៃអាទិត្យ ទី១៤ ខែកញ្ញា ។
កីឡាការិនីក្រូអាស៊ី Mirjana Lucic-Baroni ដណ្តើមបានពានជើងឯកសមាគម WTA Tour ជាលើកដំបូង បន្ទាប់ពីបានផ្តួលអតីតកីឡាការិនីលំដាប់ទី១ ពិភពលោក វេនីស វីលៀម យកឈ្នះពានកម្មវិធី Quebec City នៅក្រុងកេបិច ប្រទេសកាណាដា កាលពីថ្ងៃអាទិត្យ ទី១៤ ខែកញ្ញា ។
កីឡាការិនីវ័យ៣២ឆ្នាំរូបនេះបានផ្តួលនាងវេនីស ក្នុងលទ្ធផល៦-៤ និង៦-៣ ។ ការផ្តួលនាងវេនីស លើកនេះនាំឱ្យនាងបញ្ចប់បាននូវចន្លោះពេលដ៏វែងឆ្ងាយនៃការឈ្នះពានជើងឯកក្នុងប្រវត្តិកីឡាវាយកូនបាល់ស្ត្រី ។ គិតពីឆ្នាំ១៩៩៨ ដែលនាងដណ្តើមបានពានជើងឯក Croatian Open មកទល់នឹងពេលនេះ គឺមានរយៈពេលជាង១៦ឆ្នាំមកហើយ ។
នាងបានថ្លែងថា ៖ «វាកន្លងផុតទៅដ៏យូរលង់ណាស់មកហើយ ។ ខ្ញុំស្ទើរមិនអាចចាំបានពីឥរិយាបថឡើងទទួលពាននាពេលនោះឡើយ» ។ ឯនាងវេនីសវិញ ការបរាជ័យលើកនេះបាននាំឱ្យយុទ្ធនាការដណ្តើមយកពាន WTA Tour លើកទី៤៦ ត្រូវបានអាក់ខាន ។
នាងបានថ្លែងថា ៖ «គូប្រកួតរបស់ខ្ញុំលេងបានល្អខ្លាំងណាស់ ជាពិសេសគឺកម្លាំងនៃការវាយសឺវីស ។ ខ្ញុំវិញ ក៏លេងបានល្អណាស់ដែរ បុ៉ន្តែបើប្រៀបធៀបជាមួយនាង Lucic-Baroni គឺនៅល្អតិចជាង» ។
សូមបញ្ជាក់ថា ការជួបគ្នាក្នុងព្រឹត្តិការណ៍សមាគម WTA Tour ២លើកកន្លងទៅ នាងវេនីស គឺជាអ្នកដណ្តើមបានជ័យជម្នះ ។ ការជួបគ្នាថ្មីបំផុត គឺនៅប្រទេសប្រេស៊ីលនាឆ្នាំទៅមិញ ៕
ចែករំលែកព័តមាននេះ