ការព្យាបាលជំងឺមហារីកពោះវៀនធំ និងចុងពោះវៀនធំមានការរីកចម្រើនយ៉ាងខ្លាំង ក្នុងរយៈពេលប៉ុន្មានឆ្នាំចុងក្រោយនេះ។
បើតាមលោកវេជ្ជបណ្ឌិត Wong Seng Weng យុទ្ធសាស្ដ្រព្យាបាលជំងឺមហារីកពោះវៀនធំ និងចុងពោះវៀនធំ មានការអាស្រ័យយ៉ាងខ្លាំងទៅលើដំណាក់កាលនៃជំងឺ។
លោកវេជ្ជបណ្ឌិត Wong បានមានប្រសាសន៍ថា «ជំងឺនៅដំណាក់កាលចុងក្រោយទាមទារនូវការព្យាបាលដោយគីមី»។ «គុណវិបត្ដិនៃការព្យាបាលដោយគីមីធម្មតា កើតឡើងពីយន្ដការនៃសកម្មភាពមិនសូវជាក់លាក់់ ដែលធ្វើឱ្យខូចមិនត្រឹមតែកោសិកាមហារីកប៉ុណ្ណោះទេ ប៉ុន្ដែថែមទាំងកោសិកាធម្មតានៃរាងកាយផងដែរ»។
ដោយហេតុនេះ ការរួមបញ្ចូលគ្នាកាន់តែខ្លាំងក្លានៃការព្យាបាលដោយគីមីតែងតែធ្វើឱ្យការព្យាបាល កាន់តែមានផលរំខានខ្លាំងឡើងៗ ។ ដើម្បីទទួលបានការព្យាបាលកាន់តែប្រសើរឡើង ការព្យាបាលជាក់លាក់ដែលផ្ដោតគោលដៅទៅលើកោសិកាមហារីក និងពន្លឿនប្រសិទ្ធភាពដោយកាត់បន្ថយ «ការបំផ្លាញដោយអចេតនា» ទៅលើកោសិកាធម្មតានៃរាងកាយ នៅតែជាពែងព្រះយេស៊ូ (Holy Grail) នៃយុទ្ធសាស្ដ្រព្យាបាលជំងឺមហារីក។
ប៉ុន្មានឆ្នាំចុងក្រោយនេះ ការព្យាបាលផ្ដោតចំគោលដៅបានក្លាយជាការពិត។ ឥឡូវនេះ ឱសថប្រឆាំងមហារីកមានលក្ខណៈដូចគ្រាប់បែកវៃឆ្លាត ដែលមានសមត្ថភាពតម្រង់ឆ្ពោះទៅបំផ្លាញកោសិកាមហារីក ដោយមិនបំផ្លាញកោសិកាធម្មតានៃរាងកាយឡើយ។ យុគ «ឱសថវៃឆ្លាត» បានមកដល់ហើយ។
«ជំងឺមហារីកពោះវៀនធំ និងចុងពោះវៀនធំ គឺជាជំងឺមហារីកមួយក្នុងចំណោមជំងឺមហារីកនានា ដែលការព្យាបាលផ្ដោតចំគោលដៅមានឥទ្ធិពលធំធេង។ យុទ្ធសាស្ដ្រមួយនៃការព្យាបាលផ្ដោតចំគោលដៅ ចំពោះជំងឺមហារីកពោះវៀនធំ គឺជា «ការរាំងខ្ទប់» ឬ «ការបញ្ឈប់» កុងតាក់វិវឌ្ឍនៅលើសាច់កោសិកាមហារីកពោះវៀនធំ ដែលជំរុញកោសិកាមហារីកឱ្យរីកលូតលាស់ និងបំបែកខ្លួន។ កុងតាក់វិវឌ្ឍនេះ ត្រូវបានគេហៅថា អ្នកទទួលកត្ដារីកលូតលាស់នៃស្រទាប់ខាងក្រៅ (epidermal growth factor receptor – EGFR)។ យើងអាចបិទកុងតាក់នេះបាន ដោយប្រើអង្គបដិបក្ខដែលត្រូវបានបង្កើតដោយសប្បនិម្មិត ឈ្មោះ cetuximab (Erbitux®) ។
តាមបទពិសោធន៍កន្លងមក យើងដឹងថា មានប្រភេទជំងឺមហារីកពោះវៀនធំ និងចុងពោះវៀនធំ ដែលអាចធន់នឹងយុទ្ធសាស្ដ្ររាំងខ្ទប់កុងតាក់វិវឌ្ឍបាន។ ប្រភេទជំងឺមហារីកពោះវៀនធំមួយចំនួន មានការផ្លាស់ប្ដូរមួយចំនួន នៅក្នុងហ្សែនជាក់លាក់ (ហៅថា K-ras និង N-ras) ដែលអនុញ្ញាតឱ្យជំងឺមហារីកនោះបន្ដបង្កើតសញារីកលូតលាស់ឡើងវិញ ទោះបីជាមានការរាំងខ្ទប់កុងតាក់វិវឌ្ឍក៏ដោយ។
ពេលនេះ យើងមានសមត្ថភាពស្វែងរកការផ្លាស់ប្ដូរទាំងនេះ នៅក្នុងជំងឺមហារីកពោះវៀនធំ តាមរយៈការធ្វើតេស្ដហ្សេនេទិក ដោយចៀសវាងការប្រើប្រាស់ទម្រង់នៃការព្យាបាលផ្ដោតចំគោលដៅដ៏មានតម្លៃថ្លៃនេះ នៅក្នុងស្ថានភាពដែលយើងនឹងមិនទទួលបានលទ្ធផលល្អ។ នេះគឺជាការបង្ហាញដ៏ល្អមួយនៃចំណេះដឹងកាន់តែប្រសើរដូច «ទីភ្នាក់ងារស៊ើបការណ៍យោធា ដែលណែនាំការប្រើប្រាស់អាវុធប្រឆាំងជំងឺមហារីកឱ្យកាន់តែត្រឹមត្រូវ» នេះបើតាមការពន្យល់របស់លោកវេជ្ជបណ្ឌិត Wong។
ការព្យាបាលផ្ដោតចំគោលដៅមួយទៀត មានការពាក់ព័ន្ធនឹងការកាត់ផ្ដាច់់ការផ្គត់ផ្គង់ឈាមដល់ជំងឺមហារីក ដោយប្រើអង្គបដិបក្ខបង្កើតពីកោសិកាក្លូនសិប្បនិម្មិតមួយទៀត ឈ្មោះ bevacizumab (Avastin®)។
ការព្យាបាលផ្ដោតចំគោលដៅថ្មីៗផ្ដល់ក្ដីសង្ឃឹមឱ្យយើង នៅពេលដែលការព្យាបាលដោយគីមីធម្មតាបរាជ័យ។ ដោយប្រើប្រាស់បច្ចេកទេសព្យាបាលផ្ដោតចំគោលដៅ ជាមួយនឹងការរាំងខ្ទប់កុងតាក់វិវឌ្ឍ និងការបង្កើតសរសៃឈាម ដោយប្រើបច្ចេកទេសចុងក្រោយនៃការព្យាបាលផ្ដោតចំគោលដៅ ពេលនេះលោកវេជ្ជបណ្ឌិត Wong អាចជម្នះលើប្រភេទមួយចំនួននៃការធន់របស់ដុំសាច់ទៅនឹងការព្យាបាលដោយគីមី និងគ្រប់គ្រងលើវាបានម្ដងទៀត។
វិធីព្យាបាលផ្ដោតចំគោលដៅដែលគាត់បានប្រើឱ្យមានប្រសិទ្ធភាពល្អ គឺ regorafenib (Stivarga®)
លោកវេជ្ជបណ្ឌិត Wong ក៏ធ្លាប់មានអ្នកជំងឺ ដែលមានជំងឺមហារីកពោះវៀនធំរីករាលដាលដល់តំបន់ធំទូលាយគួរសមមួយនៃថ្លើម ដែលធ្វើឱ្យការវះកាត់ពេញលេញដើម្បីយកសាច់មហារីកចេញពីថ្លើមមិនអាចធ្វើទៅបាន។ តាមទ្រឹស្ដីការជាសះស្បើយទាំងស្រុង គឺហួសពីសមត្ថភាព។
ដោយរួមបញ្ចូលការព្យាបាលផ្ដោតចំគោលដៅដែលត្រូវបានជ្រើសរើសជាមួយការព្យាបាលដោយគីមី លោកវេជ្ជបណ្ឌិត Wong អាចសម្រេចបានការបង្រួមជំងឺមហារីកក្នុងថ្លើមឱ្យមកកាន់តែតូចដែលអនុញ្ញាតឱ្យវះកាត់យកសាច់មហារីកចេញពីថ្លើមបាន។ ការធ្វើដូច្នេះបានផ្លាស់ប្ដូរជោគវាសនារបស់អ្នកជំងឺយ៉ាងមានប្រសិទ្ធភាពពីជំងឺមហារីកមិនអាចព្យាបាលឱ្យជាសះស្បើយបាន ទៅជាជំងឺមហារីកអាចព្យាបាល ឱ្យជាសះស្បើយបាន។
យុគនៃការព្យាបាលផ្ដោតចំគោលដៅធ្វើឱ្យយើងមានហេតុផលក្នុងការមានសុទិដ្ឋិនិយមទៅលើការបន្ដស្វែងរកឥតឈប់ឈរលើការព្យាបាលជំងឺមហារីកកាន់តែប្រសើរឡើង។
អំពី អេសអឹមជី – SMG (ស៊ីងហ្គាពួរមេឌីខលគ្រូប Singapore Medical Group)
អេសអឹមជី – (SMG) គឺជាអ្នកផ្ដល់ការថែទាំសុខភាព ឯកទេសឯកជនមួយដែលមានបណ្ដាញគ្រួពេទ្យឯកទេសចំនួន២២ ។ ក្រុមការងារនេះ ប្ដេជ្ញាចិត្ដបំពេញការសន្យារបស់ខ្លួនក្នុងការផ្ដល់ការថែទាំ និងបទពិសោធន៍ ផ្នែកវេជ្ជសាស្ដ្រដោយផ្ដោតលើអ្នកជំងឺដល់បុគ្គលគ្រប់រូប។
បច្ចុប្បន្ន ក្រុមការងារនេះមានគ្លីនិកសរុបចំនួន១៤កន្លែង ដែលមានទីតាំងយុទ្ធសាស្ដ្រនៅក្នុងមជ្ឈមណ្ឌលឯកទេស Paragon មជ្ឈមណ្ឌលឯកទេស Mount Elizabeth Novena មជ្ឈមណ្ឌលវេជ្ជសាស្ដ្រ Novena និងមជ្ឈមណ្ឌលវេជ្ជសាស្ដ្រ Gleneagles ដែលមានបណ្ដាញគ្លីនិក SMGAssociates កាន់តែច្រើនឡើងៗ។
អេសអឹមជី មានភ្នាក់ងារខ្មែរពិសេសសម្រាប់ជួយលោកអ្នកទៅតាមតម្រូវការ ដូចជា ៖
* ការណាត់ជួបជាមួយវេជ្ជបណ្ឌិតជំនាញ
* ការសាកសួរព័តមាន និងតំលៃ
* ការធ្វើដំណើរ និងការស្នាក់នៅ
* ការទទួលនៅអាកាសយាន្ដដ្ឋាន និងការបញ្ជូនមកកាន់មន្ទីរពេទ្យ
* សេវាកម្មបកប្រែដោយឥតគិតថ្លៃ
* ការស្នើរសុំលទ្ធផលព្យាបាល និងការទិញថ្នាំ
សំរាប់ព័ត៌មានបន្ថែមសូមទំនាក់ទំនង
បុគ្គលិកខ្មែរប្រចាំ អេសអឹមជី (SMG)
ទូរស័ព្ទទំនាក់ទំនង ២៤ ម៉ោង ៖ +៦៥ ៩៨៤២ ៣៥៦០
អ៊ីម៉េល ៖ vanessa.sophors@smg.sg
ទីស្នាក់ការ អេសអឹមជី – SMG ប្រចាំនៅកម្ពុជា
ទូរស័ព្ទ ៖ ០៩២ ៨៥២ ៩២៣, ០៩៧៧ ៦៦៨ ២៦៦
អីុម៉េល ៖ enquiry@singaporemedical.sg
វេបសាយ ៖ www.singaporemedical.sg
ចែករំលែកព័តមាននេះ