អាជ្ញាធរមូលដ្ឋានរាយការណ៍ថា មនុស្សយ៉ាងតិច១៧នាក់បានត្រូវស្លា.ប់ដោយសារការលិចនាវាមួយគ្រឿង កាលពីថ្ងៃទី១៤ កញ្ញា ពេលនាវានេះប្រើក្នុងប្រតិបត្តិការជួយសង្គ្រោះមនុស្សទាំងឡាយដែលរងគ្រោះដោយសារទឹកជំនន់នៅប៉ាគីស្ថាន ។ នាវានេះដែលដឹកភ្ញៀវចូលរួមក្នុងពិធីរៀបការមួយ បានលិចពេលបើកឆ្លងកាត់ស្ទឹងមួយកំពុងមានទឹកជោរជាន់ខ្លាំងនៅស្រុក MUZAFFARGARH តំបន់
អាជ្ញាធរមូលដ្ឋានរាយការណ៍ថា មនុស្សយ៉ាងតិច១៧នាក់បានត្រូវស្លាប់ដោយសារការលិចនាវាមួយគ្រឿង កាលពីថ្ងៃទី១៤ កញ្ញា ពេលនាវានេះប្រើក្នុងប្រតិបត្តិការជួយសង្គ្រោះមនុស្សទាំងឡាយដែលរងគ្រោះដោយសារទឹកជំនន់នៅប៉ាគីស្ថាន ។ នាវានេះដែលដឹកភ្ញៀវចូលរួមក្នុងពិធីរៀបការមួយ បានលិចពេលបើកឆ្លងកាត់ស្ទឹងមួយកំពុងមានទឹកជោរជាន់ខ្លាំងនៅស្រុក MUZAFFARGARH តំបន់ PENJAB កណ្តាល ។
អ្នកទទួលខុសត្រូវម្នាក់នៃភ្នាក់ងារជួយសង្គ្រោះនិយាយថា ចំនួនអ្នកស្លាប់ឡើងដល់១៧នាក់ ក្នុងនោះមាននារី២នាក់ ហើយគេកំពុងបន្តរុករកជនរងគ្រោះដទៃៗទៀត ។ មុននេះអ្នកទទួលខុសត្រូវតំបន់ម្នាក់និយាយប្រាប់ AFP ថា មនុស្ស២២នាក់ត្រូវបានជួយសង្គ្រោះ ។
អ្នកទទួលខុសត្រូវមន្ទីរពេទ្យ NISHTAR លោកអាស៊ីត ម៉ាលិក និយាយថា អ្នកស្លាប់៧នាក់ជាសមាជិកគ្រួសាររបស់កូនកំលោះដែលរៀបការហើយមានកុមារ២នាក់ស្ថិតក្នុងចំណោមនោះ ។ ចំនួនមនុស្សជិះក្នុងនាវាលិច គេពុំដឹងឡើយ ក៏បុ៉ន្តែភាគច្រើនជាភ្ញៀវអញ្ជើញចូលរួមមង្គលការ ដែលសុំឱ្យនាវានោះជួយដឹកទៅ ៕
ចែករំលែកព័តមាននេះ