ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍កាលពីថ្ងៃទី១៤ កញ្ញាថា អ្នកទេសចរជនជាតិអាមេរិកម្នាក់លោក MATTHEW TODD MILLER ដែលជាប់ឃុំឃាំងនៅកូរ៉េខាងជើងពីបទប្រព្រឹត្តអំពើនានាប្រឆាំងប្រទេសនេះ ត្រូវបានកាត់ទោសដាក់គុកបង្ខំឱ្យធ្វើការរយៈពេល៦ឆ្នាំ ។
ទីភ្នាក់ងារព័ត៌មានផ្លូវការកូរ៉េខាងជើង KCNA រាយការណ៍កាលពីថ្ងៃទី១៤ កញ្ញាថា អ្នកទេសចរជនជាតិអាមេរិកម្នាក់លោក MATTHEW TODD MILLER ដែលជាប់ឃុំឃាំងនៅកូរ៉េខាងជើងពីបទប្រព្រឹត្តអំពើនានាប្រឆាំងប្រទេសនេះ ត្រូវបានកាត់ទោសដាក់គុកបង្ខំឱ្យធ្វើការរយៈពេល៦ឆ្នាំ ។
យុវជនអាមេរិកអាយុ២៤ឆ្នាំរូបនេះត្រូវចាប់ឃុំឃាំងចាប់ពីថ្ងៃទី១០ មេសាមក ពេលគេហែកទិដ្ឋាការចោល ខណៈមកដល់ព្រលានយន្តហោះអន្តរជាតិក្រុងព្យុងយ៉ាង ក្នុងគោលបំណងស្វែងរកការជ្រកកោនក្នុងប្រទេសនេះ ។កូរ៉េខាងជើងធ្លាប់បានប្រកាសកាលពីថ្ងៃទី៧ កញ្ញាថា លោក MILLER នឹងត្រូវបញ្ជូនឡើងតុលាការកំពូលដែលត្រូវបើកសវនាការកាត់ទោសរូបគេនាថ្ងៃទី១៤ កញ្ញា ។
ជនជាតិអាមេរិកម្នាក់ទៀត លោក JEFFREY EDWARD FOWLE អាយុ៥៦ឆ្នាំ ដែលចូលមកកូរ៉េខាងជើងកាលពីថ្ងៃទី២៩ មេសា ត្រូវបានចាប់ខ្លួនពីបទប្រព្រឹត្តអំពើនានាផ្ទុយពីគោលដៅទេសចរណ៍ និងពីបទរំលោភបំពានច្បាប់របស់កូរ៉េខាងជើង ។ លោក FOWLE នឹងត្រូវនាំខ្លួនឡើងតុលាការនាពេលខាងមុខនេះ ៕
ចែករំលែកព័តមាននេះ