ខេត្តកំពង់ចាម ៖ ទីតាំងឃ្លាំងស្តុបឈើគ្រញូងដ៏ធំមួយកន្លែង ត្រូវកម្លាំងនគរបាលសេដ្ឋកិច្ចខេត្ត សហការជាមួយកម្លាំងនគរបាល ស្រុកព្រៃឈរ ធ្វើការចុះបង្ក្រាប កាលពីវេលាម៉ោង១០ និង៣០នាទីព្រឹកថ្ងៃទី១៤ កញ្ញា ២០១៤ ស្ថិតនៅភូមិដូនដី ឃុំជ្រៃវៀន ស្រុកព្រៃឈរ ។
ប្រភពបានឱ្យដឹងថា ក្នុងប្រតិបត្តិការណ៍នេះ កម្លាំងដកហូតបានឈើគ្រញូងចំនួនជាង១០តោន, រថយន្តម៉ាកហ៊ីយ៉ាន់ដាយចំណុះ២តោនកន្លះ១គ្រឿង ពាក់ស្លាកលេខកំពង់ចាម 3A-0489, ជញ្ជីងសម្រាប់ថ្លឹងឈើគ្រញូងចំនួន៣គ្រឿង ។
លោកឧត្តមសេនីយ៍ត្រី បែន រ័ត្ន ស្នងការនគរបាលខេត្ត បានឱ្យដឹងថា លោកបានចាត់ឱ្យកម្លាំងនគរបាលការិយាល័យសេដ្ឋកិច្ចខេត្ត ធ្វើការតាមដានជាច្រើនខែមកហើយ ដោយដឹងថា ពួកគេដឹកមានទំហំតូចតាច ហើយនិងឱ្យតាមដានជាបន្តទៀត ទើបដឹងថាមានរថយន្តចំនួន២គ្រឿងដឹកឈើគ្រញូងចូលមកក្នុងពេលថ្មីៗនេះ ថែមទាំងឱ្យសមត្ថកិច្ចឡោមព័ទ្ធមិនឱ្យម្ចាស់ដឹងនោះទេ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ