ខេត្តកំពង់ចាម ៖ ស្ត្រីម្នាក់ឈ្មោះ ថៃ ហួយ អាយុ៥២ឆ្នាំ មានទីលំនៅក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ត្រូវបានកម្មកររបស់ខ្លួនចំនួន២នាក់ព្រួតវាយ និងអារកសម្លា.ប់យ៉ាងសាហា.វព្រៃ.ផ្សៃ រួចសែងសពទម្លាក់ចូលក្នុងអណ្តូងទឹកដែលមានជម្រៅប្រមាណ៨ម៉ែត្រ ថែមទាំងយកស័ង្កសីគ្របភស្តុតាងមិនឱ្យគេដឹងគេឃើញទៀតផង ។
ខេត្តកំពង់ចាម ៖ ស្ត្រីម្នាក់ឈ្មោះ ថៃ ហួយ អាយុ៥២ឆ្នាំ មានទីលំនៅក្នុងសង្កាត់ចតុមុខ ខណ្ឌដូនពេញ រាជធានីភ្នំពេញ ត្រូវបានកម្មកររបស់ខ្លួនចំនួន២នាក់ព្រួតវាយ និងអារកសម្លាប់យ៉ាងសាហាវព្រៃផ្សៃ រួចសែងសពទម្លាក់ចូលក្នុងអណ្តូងទឹកដែលមានជម្រៅប្រមាណ៨ម៉ែត្រ ថែមទាំងយកស័ង្កសីគ្របភស្តុតាងមិនឱ្យគេដឹងគេឃើញទៀតផង ។ នេះជាសកម្មភាពប្លន់យកប្រាក់អស់ចំនួន១.៥០០ដុល្លារ និងម៉ូតូគុប១គ្រឿង ។
តាមការស្រាវជ្រាវព័ត៌មាន ហេតុការណ៍នេះកើតឡើងតាំងពីថ្ងៃទី១១ ខែកញ្ញាម្ល៉េះ បុ៉ន្តែសពទើបត្រូវបានគេប្រទះឃើញនៅវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៤ កញ្ញា ក្នុងចម្ការស្វាយចន្ទីមួយកន្លែង ស្ថិតនៅភូមិស្រម៉ ឃុំស្រម៉ ស្រុកជើងព្រៃ ដែលមានចម្ងាយពីផ្លូវជាតិលេខ៦ ប្រហែលជាង៤គីឡូម៉ែត្រ ។
លោកអនុសេនីយ៍ឯក ជឹម សុផល អធិការរងនគរបាលស្រុកជើងព្រៃ ឱ្យដឹងថា ម្ចាស់អាហារដ្ឋានមានលាភ៩៩ បានជិះរថយន្តកាត់ចម្ការស្វាយចន្ទីរបស់ក្មួយស្រីគាត់ គឺអ្នកស្រី ថៃ ហួយ នៅវេលាម៉ោង៧យប់ថ្ងៃទី១៣ កញ្ញា ឃើញទ្វាររបងដែកខាងមុខចំហខុសប្លែកពីធម្មតា ហើយមិនឃើញមានមនុស្សណាម្នាក់នៅ ព្រមទាំងឃើញទ្វារដែកឡៅតឿមានស្នាមកាប់ដាច់ល្មមនឹងមនុស្សចូលបាន ។
លោកអធិការរងបន្តថា ភ្លាមៗនោះម្ចាស់ភោជនីយដ្ឋានជាឪពុកមា ក៏បានទូរស័ព្ទរាយការណ៍ជាបន្ទាន់មកលោកវរសេនីយ៍ទោ ហេង វុទ្ធី អធិការនគរបាលស្រុកជើងព្រៃ ដើម្បីសុំកម្លាំងចុះមកអន្តរាគមន៍តាមរកក្មួយស្រីរបស់គាត់ ព្រោះសង្ស័យថាអាចមានគ្រោះថ្នាក់ ។ នាយប់ថ្ងៃទី១៣ កញ្ញា សមត្ថកិច្ច និងប្រជាពលរដ្ឋជាច្រើននាក់ប្រដាប់ដោយពិលបញ្ចាំងបានដើរស្រែកហៅរកតាមព្រៃចម្ការស្វាយចន្ទីអស់ជាច្រើនម៉ោង បុ៉ន្តែមិនឃើញមនុស្សណាម្នាក់ សូម្បីតែកម្មករនៅជាមួយចំនួន២នាក់ក៏បាត់ដែរ។ ចំណែកអណ្តូងទឹកនៅចំហៀងផ្ទះថ្ម ពេលបញ្ចាំងភ្លើងពិលចូលទៅមិនឃើញមានអ្វីឡើយ។ បន្ទាប់មកក៏នាំគ្នាមករង់ចាំនៅអាហារដ្ឋានមានលាភ៩៩ ដែលនៅជាប់ផ្លូវជាតិលេខ៦វិញ ។
រហូតដល់កណ្តាលអធ្រាត្រ លោកជា ហុង អាយុ៥០ឆ្នាំ ត្រូវជាប្តី រួមនឹងកូន២នាក់ ក៏បានមកដល់ ហើយនាំគ្នាធ្វើដំណើរចូលទៅក្នុងចម្ការស្វាយចន្ទីនោះតាមរកម្តងទៀត ។ លុះនៅវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១៤ កញ្ញា សាច់ញាតិជនរងគ្រោះ និងសមត្ថកិច្ចជាច្រើននាក់ដឹកនាំដោយលោកអធិការនគរបាលស្រុក បានបញ្ចាំងភ្លើងពិលចូលក្នុងអណ្តូងទឹកនោះម្តងទៀត ស្រាប់តែប្រទះឃើញដៃសព និងមុខ ព្រមទាំងស្បែកជើងអណ្តែត ក៏ទៅរកតាអាចារ្យ និងអ្នកចុះអណ្តូងមកស្រង់យកសពឡើងលើគោក ។ បន្ទាប់ពីស្រង់សពចេញពីក្នុងអណ្តូងទាំងយប់មកពិនិត្យឃើញមានស្នាមអារកមានមុខកាត់២សង់ទីម៉ែត្រ និងបណ្តោយរយះ១តឹកកន្លះ ដាច់ដល់បំពង់ខ្យល់ និងជាំច្រមុះ ។ សពពាក់អាវដៃវែងក្រឡាការ៉ូ ។ អណ្តូងមានជម្រៅ៨ម៉ែត្រ មានទឹកជម្រៅ០,៧០ម៉ែត្រ ។ សមត្ថកិច្ចអះអាងថា ជនរងគ្រោះត្រូវឃាតករសម្លាប់តាំងតែពីថ្ងៃទី១១ កញ្ញា ម្ល៉េះ ។
តាមរយៈការត្រួតពិនិត្យនៅលើបន្ទប់ឡៅតឿ ឃើញមានបាត់លុយអស់ចំនួន១.៥០០ដុល្លារ និងម៉ូតូគុប១គ្រឿង ។ ចំណែកលុយ១.០០០ដុល្លារទៀតដាក់នៅក្នុងអាំងប៉ាវ ចោររកមិនឃើញ ។ ចំពោះទង្វើប្លន់សម្លាប់ថៅកែស្រីនេះ ត្រូវបានគេសង្ស័យទៅលើកម្មករប្រុសចំនួន២នាក់ដែលនៅជាមួយ ហើយក៏បាត់ខ្លួន ។ សមត្ថកិច្ចបានតាមឡោមព័ទ្ធទាំងយប់ដើម្បីចាប់ខ្លួនកម្មករទាំង២នាក់នោះដែលនៅក្នុងស្រុកជើងព្រៃនេះដែរ បុ៉ន្តែមិនឃើញស្រមោលកម្មករទាំងនោះនៅផ្ទះទេ ។ ស្ត្រីចំណាស់ឈ្មោះ ជួប នាង អាយុ៦០ឆ្នាំ ដែលជាភរិយាម្ចាស់ភោជនីយដ្ឋានមានលាភ៩៩ ប្រាប់ឱ្យដឹងថា នៅយប់ថ្ងៃទី១៣ កញ្ញា រូបគាត់និងប្តីបានជិះរថយន្តចេញពីហាងលក់ដូរដើម្បីទៅមើលចម្ការរបស់គាត់ នៅខាងក្រោយហាង ។ លុះពេលជិះត្រឡប់មកវិញកាត់មុខផ្ទះរបស់ក្មួយស្រីឈ្មោះ ថៃ ហួយ ឃើញទ្វារចំហខាងមុខ ក៏មានការសង្ស័យចុះទៅមើលមិនមានមនុស្សណាម្នាក់នៅក្នុងផ្ទះទេ ដំបូងគាត់នឹកស្មានតែក្មួយស្រី និងកម្មករត្រូវជនណាម្នាក់ចាប់ចងយកទៅ ។
គ្រានោះប្តីគាត់ឃើញទ្វារដែកឡៅតឿត្រូវគេកាត់ ក៏សន្និដ្ឋានថា ក្មួយស្រីប្រាកដជាត្រូវគេសម្លាប់មិនខាន ។ បន្ទាប់មកក៏ហៅកម្មករប្រមាណជិត៣០នាក់ឱ្យនាំគ្នាដើររក ជាមួយនឹងសមត្ថកិច្ច បុ៉ន្តែរកមិនឃើញសោះក្នុងចម្ការស្វាយចន្ទី សូម្បីតែក្នុងអណ្តូងទឹក ក៏បាននាំគ្នាបញ្ចាំងពិលមើលដែរ បុ៉ន្តែមិនឃើញតាំងពីដំបូង ។
លោកអនុសេនីយ៍ឯក ជឹម សុផល បញ្ជាក់ថា រហូតមកដល់វេលាម៉ោង៣រសៀលថ្ងៃទី១៤ កញ្ញា ជនសង្ស័យជាកម្មករទាំង២នាក់នោះមិនទាន់ត្រូវបានចាប់ខ្លួននៅឡើយទេ ។ ជាមួយនោះដែរ លោកឧត្តមសេនីយ៍ត្រី បែន រ័ត្ន ស្នងការនគរបាលខេត្ត កំពុងតែឱ្យកម្លាំងសមត្ថកិច្ចមូលដ្ឋានតាមប្រមាញ់ឃាតករដ៏សាហាវទាំង២នាក់នោះឱ្យខាងតែបាន ៕
ចែករំលែកព័តមាននេះ