ភ្នាក់ងារសើុបការណ៍ឥណ្ឌា បានស្នើកាលពីថ្ងៃទី៤ កញ្ញា ដល់អាជ្ញាធរខេត្តនៃរដ្ឋទាំងឡាយឱ្យស្ថិតក្នុងការប្រកាសអាសន្នក្រោយការប្រកាសពីការបង្កើតសាខាអាល់កៃដាមួយនៅអាស៊ីខាងត្បូង ។ ប្រមុខចលនាអ៊ិស្លាមនិយម លោកអៃម៉ាន់ អាល់ហ្សាអ៊ូអារី ប្រកាសបែបនេះក្នុងវីដេអូមួយចាក់ផ្សាយ កាលពីថ្ងៃទី៣ កញ្ញា តាមអីុនធើរណេត ។
ភ្នាក់ងារសើុបការណ៍ឥណ្ឌា បានស្នើកាលពីថ្ងៃទី៤ កញ្ញា ដល់អាជ្ញាធរខេត្តនៃរដ្ឋទាំងឡាយឱ្យស្ថិតក្នុងការប្រកាសអាសន្នក្រោយការប្រកាសពីការបង្កើតសាខាអាល់កៃដាមួយនៅអាស៊ីខាងត្បូង ។ ប្រមុខចលនាអ៊ិស្លាមនិយម លោកអៃម៉ាន់ អាល់ហ្សាអ៊ូអារី ប្រកាសបែបនេះក្នុងវីដេអូមួយចាក់ផ្សាយ កាលពីថ្ងៃទី៣ កញ្ញា តាមអីុនធើរណេត ។
ជននេះនិយាយថា ការបង្កើតសាខាអាល់កៃដានៅអនុតំបន់ឥណ្ឌា គឺជាដំណឹងល្អមួយសម្រាប់បណ្តាជនអ៊ិស្លាមនៅភូមា បង់ក្លាដែស រដ្ឋអាសាម ហ្គូហ្សារា៉ត អាហ៍មេដាបាដ និងកាស្មៀរ ប្រឈមមុខនឹងអំពើអយុត្តិធម៌ និងការគាបសង្កត់នានា ។ លោកក៏អះអាងជាថ្មីផងដែរពីការស្មោះត្រង់របស់លោកចំពោះប្រមុខតាលីបង់អាហ្វហ្គានីស្ថាន លោកមុលឡាហ៍អូមា៉ ។
ការចាក់ផ្សាយវីដេអូរយៈពេល៥៥នាទីនោះ ធ្វើឡើងខណៈដែលការលេចមុខខ្លាំងរបស់រដ្ឋអ៊ិស្លាមនៅស៊ីរី និងនៅអីុរ៉ាក់ធ្វើឱ្យអាល់កៃដាត្រូវផុយស្រួយ ។ចលនាអាល់កៃដា ដែលបង្កើតឡើងដោយអូសាមា៉ ប៊ីនឡាដេន ហាក់ដូចជាចុះខ្សោយប្រឈមមុខនឹងចលនារដ្ឋអ៊ិស្លាមរបស់លោកអាប៊ូ បាក់អាល់បាក់ដាឌី ដែលប្រកាសពីការបង្កើតកាលីហ្វាតរបស់រដ្ឋអ៊ិស្លាម ហើយអំពាវនាវដល់ចលនាជីហាដទាំងអស់ឱ្យគោរពរូបគេ ។
កើតចេញពីចលនាអាល់កៃដា នៅអីុរា៉ក់ ដឹកនាំដោយលោក អាប៊ូ មូសាប អាល់ហ្សាកាហ្វី ដែលត្រូវកងទ័ពអាមេរិកសម្លាប់កាលពីឆ្នាំ២០០៦ ក្រុមរដ្ឋអ៊ិស្លាមបានកាត់ផ្តាច់ទំនាក់ទំនងជាមួយលោកហ្សាអ៊ូ អារី កាលពីឆ្នាំ២០១៣ ៕
ចែករំលែកព័តមាននេះ