របាយការណ៍នានាបានបង្ហាញថា ជំងឺមហារីកក្រពះ និងជំងឺមហារីកពោះវៀនធំ និងចុងពោះវៀនធំត្រូវបានចាត់ថ្នាក់ទី៣ និងទី៤ រៀងគ្នាថា ជាជំងឺមហារីកដែលបណ្ដាលឱ្យស្លាប់ក្នុងចំណោមបុរសកម្ពុជា។ ដោយសារជំងឺមហារីកក្រពះពោះវៀន ទាំងនេះមិនមានរោគសញ្ញាច្បាស់លាស់ អ្នកជំងឺរហូតដល់ ៧០% ជាធម្មតា ត្រូវបានធ្វើរោគវិនិច្ឆ័យដឹងនៅដំណាក់កាលទី៣ ឬទី៤។
ដូច្នេះ ចាំបាច់ត្រូវមានការប្រុងប្រយ័ត្នចំពោះសុខភាពរបស់លោកអ្នកផ្ទាល់ និងរៀបចំគម្រោងពិនិត្យរកជំងឺជាប្រចាំ ដូចជា ការឆ្លុះក្រពះ និងការឆ្លុះពោះវៀនធំ។
ការពិនិត្យរកជំងឺ គឺជាដំណើរការពិនិត្យសុខភាពឱ្យអ្នកដែលមិនមានរោគសញ្ញា ដើម្បីរកជំងឺមិនសង្ស័យ ដែលបន្ទាប់មកអាចព្យាបាលដោយជោគជ័យជាងធៀបនឹងជំងឺដែលត្រូវបានទុកចោលរហូតដល់ពេលវាបង្ហាញរោគសញ្ញា។
ការឆ្លុះក្រពះ-ការពិនិត្យរកជំងឺមហារីកក្រពះ
ការឆ្លុះក្រពះ (ការឆ្លុះផ្នែកខាងលើ) គឺជាវិធីសាស្ដ្រមួយ ដែលប្រើប្រាស់ឧបករណ៍ឆ្លុះស្ដើងមួយមានអំពូល និងកាមេរ៉ានៅខាងចុង ដើម្បីពិនិត្យមើលខាងក្នុងផ្លូវរំលាយអាហារផ្នែកខាងលើ – បំពង់អាហារ ក្រពះ និងផ្នែកទីមួយនៃពោះវៀនតូច ហៅថា កំណាត់ទីមួយនៃពោះវៀនតូច (duodenum)។
សម្រាប់ការស្វែងរកការរលាក ជំងឺដំបៅក្រពះ និងការដុះសាច់មិនប្រក្រតី ដូចជា ជំងឺមហារីក និងសម្រាប់ការពិនិត្យ ខាងក្នុងប្រព័ន្ធរំលាយអាហារផ្នែកខាងលើ ការឆ្លុះក្រពះមានសុក្រឹត្យភាពជាងការថតកាំរស្មីអ៊ិច។ លើសពីនេះទៀត ភាពមិនប្រក្រតីមួយចំនួនអាចព្យាបាលបានតាមរយៈម៉ាស៊ីនឆ្លុះ។ ឧទាហរណ៍ ៖
* ដុំសាច់អាចត្រូវបានរកឃើញ និងកាត់ចោល ហើយសំណាកជាលិកា (ការច្រិបសាច់យកទៅពិនិត្យ) អាចយកទៅវិភាគ។
* តំបន់រួមតូចនៃបំពង់អាហារ ក្រពះ ឬកំណាត់ទីមួយនៃពោះវៀនតូច (duodenum) ដោយសារជំងឺមហារីក ឬជំងឺផ្សេងទៀត អាចត្រូវបានពង្រីក ឬសន្ធឹង ដោយប្រើបំពង់កែវ ឬឧបករណ៍ញែកសាច់ (បំពង់ទីបខ្សែ ឬសំណាញ់ជ័រ)។
* វត្ថុរាំងស្ទះនៅក្នុងបំពង់អាហារអាចត្រូវបានយកចេញ។
* ការហូរឈាមដោយសារដំបៅក្រពះ ជំងឺមហារីក ឬការប៉ោងសរសៃឈាមអាចត្រូវបានព្យាបាល។
ការឆ្លុះពោះវៀនធំ-ការពិនិត្យរកជំងឺមហារីកពោះវៀនធំ
ជំងឺមហារីកពោះវៀនធំ និងចុងពោះវៀនធំ គឺជាជំងឺមហារីកទូទៅបំផុតក្នុងចំណោមបុរសនៅប្រទេសកម្ពុជា និងជាជំងឺមហារីកកើតច្រើនបំផុត ទីពីរក្នុងចំណោមស្ដ្រីកម្ពុជា។
ជំងឺមហារីកពោះវៀនធំ និងចុងពោះវៀនធំភាគច្រើន កើតឡើងពីដុំសាច់មិនមែនមហារីក (ស្លូត) ហើយការប្រែទៅជាកាចនៃ ដុំសាច់ស្លូតទាំងនេះ មានរយៈពេលពី៥ទៅ១០ឆ្នាំ។ ក្នុងអំឡុងពេលនោះ ជាទូទៅដុំសាច់ទាំងនេះមិនបង្ហាញរោគសញ្ញាអ្វីទេ។
ដុំសាច់ទាំងនេះកើតនៅលើមនុស្សដែលមានអាយុ៥០ឆ្នាំ រហូតដល់២៥% ហើយអត្រានេះកើនឡើងទៅតាមអាយុ។ ដុំសាច់ ភាគច្រើន (៩០%) អាចកាត់ចោលបានតាមការឆ្លុះពោះវៀនធំ ដោយមិនចាំបាច់ធ្វើការវះកាត់ធំដុំឡើយ។
ការពិនិត្យរកដុំសាច់ស្លូត និងជំងឺមហារីកដំណាក់កាលដំបូងឱ្យអ្នកដែលមិនបង្ហាញរោគសញ្ញាដំបូងអាចបង្កើនអត្រាស្លាប់ដោយសារជំងឺមហារីកពោះវៀនធំ និងចុងពោះវៀនធំបាន។
អ្នកដែលមិនមានកត្ដាប្រឈម គួរចាប់ផ្ដើមពិនិត្យនៅអាយុ៥០ឆ្នាំ និងអាចពិនិត្យឡើងវិញរៀងរាល់ពី៥ទៅ១០ឆ្នាំម្ដង។ ចំពោះអ្នកដែលមានការប្រឈមខ្ពស់ ដោយមានប្រវត្ដិគ្រួសារធ្លាប់មានជំងឺមហារីកពោះវៀនធំ និងចុងពោះវៀនធំ (ជាពិសេស សាច់ញាតិ ថ្នាក់ទីមួយដែលមានអាយុតិចជាង៤៥ឆ្នាំ) និងបណ្ដុំរោគសញ្ញាដុំសាច់នៅពោះវៀនធំ និងចុងពោះវៀន ការពិនិត្យរកជំងឺគួរចាប់ផ្ដើម ឆាប់ជាងនេះ មុនអាយុ៥០ឆ្នាំ។
ការពិនិត្យដោយឆ្លុះពោះវៀនធំរកជំងឺមហារីកពោះវៀនធំ និងចុងពោះវៀនធំអាចបង្ការជំងឺមហារីក តាមរយៈការកាត់ចោលដុំសាច់ក្នុង អំឡុងពេលពិនិត្យ និងស្វែងរកជំងឺមហារីកដំណាក់កាលដំបូង ដោយមានឱកាសនៃអត្រាជាសះស្បើយច្រើនសម្រាប់អ្នកជំងឺ។
ដើម្បីឱ្យស្ងប់ចិត្ដ លោកអ្នកអាចជ្រើសរើសធ្វើការពិនិត្យដោយឆ្លុះពោះវៀនធំតែមួយមុខ ឬការឆ្លុះពោះវៀនធំ និងឆ្លុះក្រពះក្នុងពេល តែមួយ។
អត្ថបទនេះត្រូវបានតាក់តែងដោយវេជ្ជបណ្ឌិត Charles Tan
នាយកវេជ្ជសាស្ដ្រនៃមជ្ឈមណ្ឌលសល្យសាស្ដ្រ SMG
ជាគ្លីនិកមួយនៃ Singapore Medical Group (SMG)។
វេជ្ជបណ្ឌិត Charles Tan
MB ChB (Leicester), MRCS (Glasgow), FCRS (Edinburgh), FAMS (Surgery)
វេជ្ជបណ្ឌិត Charles Tan គឺជាគ្រូពេទ្យវះកាត់ទូទៅ ដែលមានបទពិសោធន៍ពិនិត្យព្យាបាល១៨ឆ្នាំ។
ឯកទេសលម្អិតរបស់គាត់ គឺការឆ្លុះ (ការឆ្លុះក្រពះ និងការឆ្លុះពោះវៀនធំ) ការវះកាត់ពោះវៀនធំ និងក្រពះ ការវះកាត់ក្រពេញអង់ដូគ្រីន និងការព្យាបាលជំងឺក្លនដោយការឆ្លុះ។
វេជ្ជបណ្ឌិត Tan បានទទួលសញាបត្រវេជ្ជសាស្ដ្ររបស់គាត់ពីសាកលវិទ្យាល័យ Leicester នៅចក្រភពអង់គ្លេស។ គាត់បានបញ្ចប់ការបណ្ដុះបណ្ដាលផ្នែកវះកាត់ទូទៅ របស់គាត់នៅប្រទេសសិង្ហបុរី នៅមន្ទីរពេទ្យសាកលវិទ្យាល័យជាតិ។ បន្ទាប់ពីនោះ គាត់បានបន្ដការបណ្ដុះបណ្ដាលឯកទេសលម្អិតរបស់គាត់នៅមន្ទីរពេទ្យ Royal North Shore Hospital នៅក្រុងស៊ីដនី រដ្ឋ TNew South Wales។
អំពី អេសអឹមជី – SMG (ស៊ីងហ្គាពួរមេឌីខលគ្រូប Singapore Medical Group)
អេសអឹមជី – (SMG) គឺជាអ្នកផ្ដល់ការថែទាំសុខភាព ឯកទេសឯកជនមួយដែលមានបណ្ដាញគ្រួពេទ្យឯកទេសចំនួន២២ ។ ក្រុមការងារនេះ ប្ដេជ្ញាចិត្ដបំពេញការសន្យារបស់ខ្លួនក្នុងការផ្ដល់ការថែទាំ និងបទពិសោធន៍ ផ្នែកវេជ្ជសាស្ដ្រដោយផ្ដោតលើអ្នកជំងឺ ដល់បុគ្គលគ្រប់រូប។
បច្ចុប្បន្ន ក្រុមការងារនេះ មានគ្លីនិកសរុបចំនួន១៤កន្លែង ដែលមានទីតាំងយុទ្ធសាស្ដ្រនៅក្នុងមជ្ឈមណ្ឌលឯកទេស Paragon មជ្ឈមណ្ឌលឯកទេស Mount Elizabeth Novena មជ្ឈមណ្ឌលវេជ្ជសាស្ដ្រ Novena និងមជ្ឈមណ្ឌលវេជ្ជសាស្ដ្រ Gleneagles ដែលមានបណ្ដាញគ្លីនិក SMGAssociates កាន់តែច្រើនឡើងៗ។
អេសអឹមជី មានភ្នាក់ងារខ្មែរពិសេសសំរាប់ជួយលោកអ្នកទៅតាមតម្រូវការ ដូចជាៈ
* ការណាត់ជួបជាមួយវេជ្ជបណ្ឌិតជំនាញ
* ការសាកសួរព័ត៌មាន និងតម្លៃ
* ការធ្វើដំណើរ និងការស្នាក់នៅ
* ការទទួលនៅអាកាសយាន្ដដ្ឋាន និងការបញ្ជូនមកកាន់មន្ទីរពេទ្យ
* សេវាកម្មបកប្រែដោយឥតគិតថ្លៃ
* ការស្នើរសុំលទ្ធផលព្យាបាល និងការទិញថ្នាំ
សំរាប់ព័ត៌មានបន្ថែម សូមទំនាក់ទំនង
បុគ្គលិកខ្មែរប្រចាំ អេសអឹមជី (SMG)
ទូរស័ព្ទទំនាក់ទំនង២៤ម៉ោង ៖ +៦៥ ៩៨៤២ ៣៥៦០
អ៊ីម៉េល ៖ vanessa.sophors@smg.sg
ទីស្នាក់ការ អេសអឹមជី – SMG ប្រចាំនៅកម្ពុជា
ទូរស័ព្ទ ៖ ០៩២ ៨៥២ ៩២៣, ០៩៧៧ ៦៦៨ ២៦៦
អីុម៉េល ៖ enquiry@singaporemedical.sg
វែបសាយ ៖ www.singaporemedical.sg
ចែករំលែកព័តមាននេះ