ខេត្តកំពង់ឆ្នាំង ៖ មនុស្ស២នាក់បានរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៏មួយបានកើតឡើងនៅវេលាម៉ោង៦និង៥០នាទីព្រឹកថ្ងៃទី០៣ កញ្ញា ឆ្នាំ២០១៤ នៅលើកំណាត់ផ្លូវជាតិលេខ៥ ក្នុងចន្លោះគីឡូម៉ែត្រលេខ៨៣ និង៨៤ ស្ថិតក្នុងភូមិជ្រៃបាក់ ឃុំជ្រៃបាក់ ស្រុករលាប្អៀរ ខណៈដែលរថយន្តទួរីសបើកគេចពីម៉ូតូ បុកជាមួយរថយន្តកុងតឺន័រ ។
ខេត្តកំពង់ឆ្នាំង ៖ មនុស្ស២នាក់បានរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៏មួយបានកើតឡើងនៅវេលាម៉ោង៦និង៥០នាទីព្រឹកថ្ងៃទី០៣ កញ្ញា ឆ្នាំ២០១៤ នៅលើកំណាត់ផ្លូវជាតិលេខ៥ ក្នុងចន្លោះគីឡូម៉ែត្រលេខ៨៣ និង៨៤ ស្ថិតក្នុងភូមិជ្រៃបាក់ ឃុំជ្រៃបាក់ ស្រុករលាប្អៀរ ខណៈដែលរថយន្តទួរីសបើកគេចពីម៉ូតូ បុកជាមួយរថយន្តកុងតឺន័រ ។
លោក សឿង រ៉ុន មន្ត្រីនគរបាលចរាចរស្រុករលាប្អៀរ ឱ្យដឹងថា ករណីគ្រោះថ្នាក់ចរាចរណ៏នេះបង្កឡើងដោយរថយន្តទួរីសគេចនឹងម៉ូតូ រួចទៅបុកនឹងរថយន្តកុងតឺន័រ។ លោកបន្តថា មុនពេលកើតហេតុ រថយន្តទួរីស ពណ៌ទឹកប្រាក់ ពាក់ស្លាកលេខ កំពង់ឆ្នាំង 2A-1114 បើកបរដោយឈ្មោះ គា ធ្វើដំណើរពីត្បូងមកជើង គឺពីភ្នំពេញមកកំពង់ឆ្នាំង លុះមកដល់ចំណុចកើតហេតុ បានគេចនឹងម៉ូតូមួយគ្រឿង មកឆ្វេងដៃ ហើយបានជ្រុលទៅបុកចំធុងសាំង រថយន្តកុងតឺន័រ ដឹកចំណីសត្វពាក់ស្លាកលេខភ្នំពេញ 3A-2181 បើកបរដោយឈ្មោះ គ្រុយ សំណាង អាយុ២៤ឆ្នាំ មានទីលំនៅភូមិភ្នំតូច ឃុំភ្នំតូច ស្រុកមង្គលបូរី ខេត្តបន្ទាយមានជ័យ ស្របពេលដែលអ្នកបើករថយន្តកុងតឺន័រ គេចបន្ថែមផងនោះ បណ្តាលឱ្យរថយន្តកុងតឺន័រ ធ្លាក់ចូលប្រឡាយមានទឹកតែម្តង ។
ក្រោយពេលកើតហេតុ អ្នកជិះក្នុងរថយន្តទួរីសមានអ្នកបើកឈ្មោះ គា និងម្នាក់ទៀតឈ្មោះ វ៉ា នៅស្រុកបរិបូរណ៏ បានរងរបួសធ្ងន់ ហើយត្រូវបានដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំង និងដោយសារធ្ងន់ធ្ងរគ្រូពេត្យបានបន្តដឹកទៅសង្គ្រោះនៅមន្ទីរក្រុងភ្នំពេញជាបន្តទៀត ។ ចំណែកអ្នកបើកបររថយន្តកុងតឺន័ររងរបួសស្រាល ដោយឡែករថយន្តទូរីស បានរងការខូតខាតខ្ទេច រីឯរថយន្តកុងតឺន័រ បានដាច់ធុងសាំង និងខូចខាតគួសម ៕
ចែករំលែកព័តមាននេះ