ខេត្តបន្ទាយមានជ័យ ៖ ក្មេងប្រុសអាយុ៥ឆ្នាំម្នាក់បានលង់ទឹកស្លាប់ ខណៈឪពុក ម្តាយនាំទៅលេងទឹក និងបង់ត្រីកាលពីវេលាម៉ោង៥ល្ងាច ថ្ងៃទី២ កញ្ញា ២០១៤ នៅចំណុចទឹកហូរត្រង់ផ្លូវ៥០ ស្ថិតក្នុងភូមិនិមិត្ត សង្កាត់និមិត្ត ក្រុងប៉ោយប៉ែត។
បើតាមការអះអាងពីឪពុកក្មេងរងគ្រោះឈ្មោះសួន សាវុន បានឱ្យដឹងថា កូនប្រុសដែលលង់ទឹកស្លាប់ឈ្មោះសឿន លីម៉េង អាយុ៥ឆ្នាំ មានទីលំនៅភូមិក្បាលស្ពាន២ សង្កាត់-ក្រុងប៉ោយប៉ែត។
ឪពុកក្មេងប្រុសរងគ្រោះបានឱ្យដឹងទៀតថា មុនពេលកើតហេតុរូបគាត់បាននាំប្រពន្ធ និងកូនទៅលេងទឹក និងបង់ត្រីកម្សាន្ត ប៉ុន្តែលេងមិនទាន់បានប៉ុន្មានផងក៏បាត់កូនប្រុស ពេលនោះគាត់បានប្រាប់ប្រពន្ធឱ្យដើររក ស្រាប់តែមានគេផ្អើលថា មានក្មេងប្រុសលង់ទឹកស្លាប់ រូបគាត់ក៏បានរត់ទៅមើលប្រទះឃើញកូនខ្លួនឯងដេកស្លាប់បាត់ទៅហើយ។
ក្រោយកើតហេតុ សមត្ថកិច្ចមូលដ្ឋានបានចុះមកពិនិត្យសពឃើញថា ក្មេងប្រុសនេះពិតជាលង់ទឹកស្លាប់មែន គឺមិនមានពាក់ព័ន្ធនឹងអំពើឃាតកម្មទេ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ