ខេត្តបន្ទាយមានជ័យ ៖ បន្ទាប់ពីភ្លៀងបានបង្អុរធ្លាក់យ៉ាងខ្លាំងកាលពីរសៀល រហូតដល់យប់ថ្ងៃទី២ កញ្ញា ២០១៤ នៅក្រុងប៉ោយប៉ែត បង្កឱ្យកម្ពស់ទឹកអូរព្រំដែនហក់ឡើង ហើយប៉ុស្តិ៍នគរបាលការពារព្រំដែនគោកលេខ៨៩១ចំនួន២កន្លែង និងភូមិចំនួន២ ដែលមានលំនៅឋានរបស់អ្នកស្រុកជាច្រើនគ្រួសារ ត្រូវរងការជន់លិចជាបណ្ដើរៗ ។
ប្រភពបានឱ្យដឹងថា ចំណែកនៅខាងជើងផ្លូវជាតិលេខ៥វិញ គេសង្កេតឃើញដងផ្លូវបេតុងមួយចំនួន ដូចជាសាលារៀនចំនួន៣ វត្ត១ ចំណតរថយន្តតូច-ធំ ក៏រងការជន់លិចដូចគ្នា ។ នៅប៉ុស្តិ៍ក្បាលស្ពានរបស់នគរបាលការពារព្រំដែនគោកវរសេនាតូចលេខ៨៩១គេក៏ឃើញសមត្ថកិច្ចជម្លៀសអីវ៉ាន់ចេញពីប៉ុស្តិ៍តាមទូកជ័រ និងទូកឈើ ឯប៉ុស្តិ៍អូរជ្រៅវិញ នគរបាលព្រំដែនគោក៨៩១ដូចគ្នា ក៏ត្រូវបានមេភូមិប៉ោយប៉ែតប្រាប់ថា ទឹកឡើងលិចជុំវិញប៉ុស្តិ៍ទៅហើយដែរ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ