ក្រុងប៉ោយប៉ែត ៖ កម្លាំងការិយាល័យនគរបាលប្រឆាំងគ្រឿងញៀនខេត្ត ចុះប្រតិបត្តិការបង្រ្កាបចាប់ឃាត់ខ្លួនជនសង្ស័យជួញដូរគ្រឿងញៀន៣នាក់ និងដកហូតវត្ថុតាងគ្រឿងញៀនចំនួន១០កូនថង់ស្មើនិង៥ក្រាម។ ការចុះបង្រ្កាបនេះសមត្ថកិច្ចធ្វើឡើងកាលពីវេលាម៉ោង២និង៤៥នាទីរសៀលថ្ងៃទី១ ខែ កញ្ញា ឆ្នាំ២០១៤ នៅ
ក្រុងប៉ោយប៉ែត ៖ កម្លាំងការិយាល័យនគរបាលប្រឆាំងគ្រឿងញៀនខេត្ត ចុះប្រតិបត្តិការបង្រ្កាបចាប់ឃាត់ខ្លួនជនសង្ស័យជួញដូរគ្រឿងញៀន៣នាក់ និងដកហូតវត្ថុតាងគ្រឿងញៀនចំនួន១០កូនថង់ស្មើនិង៥ក្រាម។ ការចុះបង្រ្កាបនេះសមត្ថកិច្ចធ្វើឡើងកាលពីវេលាម៉ោង២និង៤៥នាទីរសៀលថ្ងៃទី១ ខែ កញ្ញា ឆ្នាំ២០១៤ នៅចំណុចភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
លោកវរសេនីយ៍ទោ ធិន ស៊ិនដេត នាយការិយាល័យប្រឆាំងគ្រឿងញៀនខេត្តបានប្រាប់ឱ្យដឹងថាអនុវត្តតាមបទបញ្ជារបស់លោកឧត្តមសេនីយ៍ត្រីអាត់ ខែម ស្នងការនគរបាលខេត្ត លោកបានដឹកនាំកម្លាំងការិយាល័យប្រឆាំងគ្រឿងញៀនខេត្ត ចុះការបង្រ្កាបចាប់ឃាត់ខ្លួនជនសង្ស័យជួញដូរគ្រឿងញៀនចំនួន៣នាក់ បានសម្រេចលទ្ធផលល្អ ដោយសមត្ថកិច្ចបានប្រើប្រាស់កម្លាំងសរុប វិធានការសរុប មធ្យោបាយសរុប មានវិធានការជំនាញច្បាស់លាស់ឈានដល់ការកំណត់មុខសញ្ញាជនសង្ស័យ មុនដំបូងឈ្មោះ ធឿន សាវុធ ហៅ ជាតាក ភេទប្រុស អាយុ១៦ឆ្នាំ រស់នៅក្រុប៉ោយប៉ែត ក្នុងនោះសមត្ថកិច្ចដកហូតបានគ្រឿង ញៀនមេតំហ្វេតាមីនទឹកកចំនួន១កូនថង់តូច ។
ក្រោយពីសមត្ថកិច្ចឃាត់ខ្លួននិងសាកសួរជនសង្ស័យរូបនេះ ទើបបន្តទៅចាប់ឃាត់ខ្លួនជនសង្ស័យជួញដូរនិងប្រើប្រាស់គ្រឿងញៀន២នាក់ទៀត នៅចំណុចបន្ទប់ជួលមាត់អូរព្រំដែន ខាងលិចកាស៊ីណូផ្កាយប្រាំ ដែលមានឈ្មោះសេង ឃាន់ ភេទប្រុស អាយុ២៥ឆ្នាំ និងឈ្មោះ សេង ឃាន ភេទប្រុស អាយុ១៥ឆ្នាំ រួមទាំងដកហូតបានគ្រឿងញៀនថ្នាំមេតំហ្វេតាមីនទឹកកកចំនួន៩កូនថង់ ទូរស័ព្ទដៃ២គ្រឿង ផ្លែរណាឆាបចុងស្រួច១ ជញ្ជីងថ្លឹងគ្រឿងញៀន១គ្រឿង ថង់ច្រកគ្រឿងញៀន និងឧបករណ៍ជក់មួយចំនួនទៀតផងដែរ។
ចែករំលែកព័តមាននេះ