ខេត្តប៉ៃលិន ៖ បុរសម្នាក់ចាញ់បោកមេខ្យល់ ដែលល្បួងនាំទៅធ្វើការនៅស្រុកថៃ លុះចុះទូកនេសាទនៅក្នុងសមុទ្រដ៏សែនឆ្ងាយគ្មានកោះត្រើយ ដោយធ្វើការនេសាទត្រីអស់រយៈពេលជាងបីខែ ថៅកែមិនព្រមបើកប្រាក់ខែឱ្យ ក៏លួចរត់មកស្រុកខ្មែរវិញ ។ តែគ្មានប្រាក់សូម្បី តែ១សេន ក៏ដើរសុំសោហ៊ុយអ្នកភូមិដើម្បីធ្វើដំណើរ
ខេត្តប៉ៃលិន ៖ បុរសម្នាក់ចាញ់បោកមេខ្យល់ ដែលល្បួងនាំទៅធ្វើការនៅស្រុកថៃ លុះចុះទូកនេសាទនៅក្នុងសមុទ្រដ៏សែនឆ្ងាយគ្មានកោះត្រើយ ដោយធ្វើការនេសាទត្រីអស់រយៈពេលជាងបីខែ ថៅកែមិនព្រមបើកប្រាក់ខែឱ្យ ក៏លួចរត់មកស្រុកខ្មែរវិញ ។ តែគ្មានប្រាក់សូម្បី តែ១សេន ក៏ដើរសុំសោហ៊ុយអ្នកភូមិដើម្បីធ្វើដំណើរទៅស្រុកកំណើតជួបប្រពន្ធកូន ។
ហេតុការណ៍ប្រទះឃើញបុរសរូបនេះ បានកើតឡើងកាលពីវេលាម៉ោង៣ និង៤០នាទី រសៀលថ្ងៃទី២ ខែកញ្ញា ២០១៤ ស្ថិតនៅបណ្តោយផ្លូវជាតិលេខ៥៧ ក្នុងភូមិអូរតាពុកលើ សង្កាត់ប៉ៃលិន ក្រុងប៉ៃលិន ។បុរសដែលចាញ់បោកមេខ្យល់ ឈ្មោះ ពៅ យី អាយុ៣៥ឆ្នាំ មានស្រុកកំណើតរស់នៅភូមិត្រាច ឃុំកំពូលមាស ស្រុកកំពង់ត្រាច ខេត្តកំពត ។
សូមបញ្ជាក់ថា នៅវេលាម៉ោងប្រហែល៥ និង៣០នាទីល្ងាចថ្ងៃដដែល គេបានប្រទះឃើញពលករខ្មែរចំនួន១រថយន្ត ក្នុងនោះមានក្មេងតូចៗ ចំនួន៤ទៅ៥នាក់ និងមនុស្សប្រុសស្រីក្មេងចាស់ជាង១០នាក់ ដោយត្រូវគេដឹកតាមរថយន្តឈ្នួលចេញពីច្រកព្រំដែនកម្ពុជាថៃ យកមកដាក់ នៅក្នុងក្រុងប៉ៃលិន ហើយនាំគ្នាចុះដើរសុំថវិកាអ្នកភូមិ ដើម្បីយកទិញបាយហូប សល់ខ្លះសន្សំទុក ដើម្បីបានសោហ៊ុយធ្វើដំណើរទៅស្រុកកំណើត ។ តែគេមិនដឹងថា ពួកគាត់មកពីខេត្តណាមួយក្នុងប្រទេសកម្ពុជាឡើយ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ