រាជធានីភ្នំពេញ ៖ បុរសពីរនាក់រងរបួសស្រាលរលាត់ស្បែកតិចតួចបន្ទាប់ពីជួបគ្រោះថ្នាក់ចរាចរណ៍ដែលបង្កឡើងរវាងម៉ូតូពីរគ្រឿងបុកគ្នាពេញទំហឹង កាលវេលាម៉ោង១០ និង៥០នាទីយប់ ថ្ងៃទី ២ កញ្ញា ២០១៤ នៅចំណុចមុខស្ថានីយ៍ប្រេងឥន្ធនះតូតាល់ តាមបណ្តោយមហាវិថីសហព័ន្ធរុស្ស៊ី ស្ថិតនៅក្នុងសង្កាត់ទឹកថ្លា ខណ្ឌសែនសុខ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញម៉ូតូហុងដាសេ១២៥ ពណ៌ខ្មៅមួយគ្រឿង ពាក់ស្លាកលេខកំពង់ចាម 1H-5346 ជិះដោយបុរសម្នាក់ធ្វើដំណើរតាមផ្លូវសហព័ន្ធរុស្ស៊ី ក្នុងទិសដៅពីលិចទៅ កើត(បញ្រ្ចាសទិសដៅចរាចរណ៍) ខណៈមកដល់កន្លែងកើតហេតុក៏បានជិះទៅបុកចំពីមុខពេញទំហឹងជាមួយម៉ូតូវីវ៉ា ដែលជិះដោយបុរសម្នាក់ តាមមហាវិថី សហព័ន្ធរុស្ស៊ី ក្នុងទិសដៅពីកើតទៅលិច បណ្តាលឱ្យរបួសទាំងពីរនាក់តែមិនធ្ងន់ធ្ងរនោះទេ។
ក្រោយពេលកើតហេតុភាគីទាំងពីរបានធ្វើការសម្រួលគ្នា នៅនឹងកន្លែងកើតហេតុដើម្បីបញ្ចប់រឿង ។
ចែករំលែកព័តមាននេះ