រាជធានីភ្នំពេញ ៖ នៅវេលាម៉ោងជាង៩យប់ ថ្ងៃទី២ កញ្ញា ២០១៤នេះអគ្គិភ័យដែលឆាបឆេះក្នុងរោងចក្រវេចខ្ជប់ផលិតផលសម្រេច របស់រោកងចក្រ ដេរកាបូបយីហោ ញូរធិច ស្ថិតនៅក្នុងភូមិទឹកថ្លា សង្កាត់ក្រំាងពង្រ ខណ្ឌដង្កោ បានរលត់ទាំងស្រុងហើយ ដោយមានការអន្តរាគមន៍ពីរថយន្តពន្លត់អគ្គិភ័យចំនួនជាង១០គ្រឿង ។
គ្រោះអគ្គិភ័យ ខាងលើនេះត្រូវបានគេសង្ស័យថាបណ្តាលមកពីទុស្សេចរន្តអគ្គិសនី និងបានបណ្តាលឱ្យឆេះសម្ភារខាងក្នុងរោងចក្រអស់ទាំងស្រុង ប៉ុន្តែក្នុងហេតុការណ៍នេះពុំមានមនុស្សណាម្នាក់រងគ្រោះថ្នាក់នោះទេ ។
បើតាមថៅកែររោងចក្រ ដែលជាជនជាតិកូរេបានប្រាប់សមត្ថមកិច្ចឱ្យដឹងថា នៅក្នុងហេតុការណ៍គ្រោះអគ្គិភ័យខាងលើបើតាមការប៉ាន់ស្មានគឺរងការខូចខាតអស់ប្រមាណជាង៥០មឺុន ដុល្លារ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ