ខេត្តឧត្តរមានជ័យ ៖ សពស្ត្រីម្នាក់ត្រូវប្រជាពលរដ្ឋប្រទះឃើញដេកស្លាប់នៅកណ្តាលវាលស្រែ ដោយអាក្រាតកាយមួយកំណាត់ខាងក្រោម និងបង្កឱ្យមានការភ្ញាក់ផ្អើល កាលពីវេលាម៉ោង៦ព្រឹកថ្ងៃទី០២ កញ្ញា នៅខាងជើងរង្វង់មូលដៃ៨ ប្រហែល៣០០ម៉ែត្រ តាមបណ្តោយផ្លូវជាតិលេខ៦៨ ស្ថិតក្នុងភូមិដូនកែវ សង្កាត់សំរោង ក្រុងសំរោង ។
មន្ត្រីនគរបាលនៃអធិការដ្ឋាននគរបាលក្រុងសំរោងមួយរូបបានឱ្យដឹងថា ស្ត្រីដែលស្លាប់នេះ មានឈ្មោះ ជា សុរៀ អាយុ៤០ឆ្នាំ មានកូនក្នុងបន្ទុកចំនួន៣នាក់ រស់នៅក្នុងភូមិកើតហេតុ រីឯប្តីបានលែងលះគ្នាហើយ ។ មន្ត្រីដដែលឱ្យដឹងទៀតថា សពស្ត្រីរងគ្រោះត្រូវប្រជាពលរដ្ឋប្រទះឃើញ រួចរាយការណ៍ទៅសមត្ថកិច្ចជំនាញចុះមកពិនិត្យ ហើយក្រោយពិនិត្យសមត្ថកិច្ចក៏បានធ្វើការសន្និដ្ឋានថា ស្ត្រីដែលស្លាប់នេះ អាចជាករណីឃាតកម្ម ។
ប្រភពបញ្ជាក់ថា ដ្បិតតែស្ត្រីរងគ្រោះស្លាប់ដោយអាក្រាតកាយមួយកំណាត់ក្រោមពិតមែន តែគ្រូពេទ្យពុំពិនិត្យឃើញថា ជាករណីរំលោភសេពសន្ថវៈនោះឡើយ ៕
ចែករំលែកព័តមាននេះ