ខេត្តស្វាយរៀង ៖ លោកស្រី ទុំ សាលឿង ដែលគេអះអាងថាជាភរិយាលោក គឹម ធា ប្រធានក្រុមប្រឹក្សាខេត្តស្វាយរៀង បានត្រូវមន្រ្តីរាជការនិងក្រុមអ្នកភូមិមួយចំនួន រិះគន់និងចោទប្រកាន់លោកស្រី ថាបានចាក់ដីបំពេញលុបចំណីព្រែកអូរស្មាច់ ស្ថិតនៅក្នុងភូមិធ្មល់ សង្កាត់ចេក ជាប់ព្រំប្រទល់ភូមិចុងព្រែក សង្កាត់-ក្រុងស្វាយរៀង យកធ្វើជាកម្មសិទ្ឋិឯកជន ។
បើតាមអ្នកឆ្លើយឆ្លងព័ត៌មានកោះសន្តិភាពបានស្រង់សម្តីមន្រ្តីរាជការនិងអ្នកភូមិទំាងនោះថា ដីចំណីព្រែកដែលលោកស្រីភរិយាប្រធានក្រុមប្រឹក្សាខេត្តចាក់បំពេញនេះ មានទទឹងប្រមាណ៧៧ម៉ែត្រ និងបណ្តោយជិត២០០ម៉ែត្រ អមសងខាងផ្លូវទំនប់ក្រវ៉ាត់ក្រុង ។
ឆ្លើយតបទៅនឹងការចោទប្រកាន់ខាងលើ លោកស្រី ទុំ សាលឿង ដែលមានទីលំនៅក្នុងភូមិវាលយន្ត សង្កាត់និងក្រុងស្វាយរៀងបានបំភ្លឺថា ដីដែលលោកស្រីចាក់បំពេញនេះគឺលោកស្រីបានទិញពីប្រជាពលរដ្ឋឈ្មោះ តាម៉ាប់ យាយមួន រស់នៅក្នុងភូមិធ្មល់ សង្កាត់ចេក ក្នុងតម្លៃ ៥០០ដុល្លារ ក៍ប៉ុន្តែមិនចំាឆ្នាំណាទេ គ្រាន់តែចំាថា ក្រោយពីអាជ្ញាធរលើកទំនប់ក្រវ៉ាត់ក្រុងស្វាយរៀងប្រហែលក្នុងឆ្នាំ២០០៤-២០០៥ ដោយទិញដីស្រែជាប់ព្រែកអូរស្មាច់មានទទឹង ៧៧ម៉ែត្រ អមបណ្តោយទំនប់អូរស្មាច់ ប៉ុន្តែពុំបានវាស់វែងអ្វីនោះទេ គ្រាន់តែបានបោះបង្គោលចាប់ពីលូបង្ហូរទឹកអមផ្លូវប៉ុណ្ណោះ ដោយក្នុងព្រែករូបគាត់ពុំបានយកទៀតទេ ប្រគល់ឲ្យរដ្ឋវិញហើយ គឺយកតែដីស្រែខាងលើប៉ុណ្ណោះ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព ៕
ចែករំលែកព័តមាននេះ