នាយសេនាធិការកងទ័ពហ្វីដហ្ស៊ីអះអាងកាលពីថ្ងៃទី២ កញ្ញាថា ពួកយុទ្ធជនអ៊ិស្លាមនិយមនៃក្រុមរណសិរ្សអាល់ណូស្ត្រា ជាក្រុមឧទ្ទាមស៊ីរីមួយដែលឃុំទុកទាហានមួកខៀវជនជាតិហ្វីដហ្ស៊ី៤៥នាក់ចាប់តាំងពីសប្តាហ៍មុនមកនៅខ្ពង់រាបហ្គោឡង់នោះទាមទារថា ក្រុមរបស់គេគួរដកឈ្មោះចេញពីបញ្ជីខ្មៅរបស់ អ.ស.ប ដែលបញ្ជីនោះចុះឈ្មោះបណ្តាអង្គការភេរវកម្ម ព្រមទាំងឱ្យមានការចេញ
នាយសេនាធិការកងទ័ពហ្វីដហ្ស៊ីអះអាងកាលពីថ្ងៃទី២ កញ្ញាថា ពួកយុទ្ធជនអ៊ិស្លាមនិយមនៃក្រុមរណសិរ្សអាល់ណូស្ត្រា ជាក្រុមឧទ្ទាមស៊ីរីមួយដែលឃុំទុកទាហានមួកខៀវជនជាតិហ្វីដហ្ស៊ី៤៥នាក់ចាប់តាំងពីសប្តាហ៍មុនមកនៅខ្ពង់រាបហ្គោឡង់នោះទាមទារថា ក្រុមរបស់គេគួរដកឈ្មោះចេញពីបញ្ជីខ្មៅរបស់ អ.ស.ប ដែលបញ្ជីនោះចុះឈ្មោះបណ្តាអង្គការភេរវកម្ម ព្រមទាំងឱ្យមានការចេញសងការខូចខាតខាងហិរញ្ញវត្ថុដោយសារការចុះឈ្មោះក្រុមគេក្នុងបញ្ជីនោះ ។
ឧត្តមសេនីយ៍ MOSESE TIKOITOGA បន្តថា ការចរចាធ្វើឡើងដោយក្រុមមួយរបស់ អ.ស.ប ពេលនេះកំពុងតែជំរុញនៅស៊ីរី ។ លោកបន្តថា ពួកឧទ្ទាមនេះពុំប្រាប់យើងឡើយថា គេឃុំទុកបណ្តាទាហានយើងនៅកន្លែងណា ក៏បុ៉ន្តែបន្តធានាថា ពួកគេត្រូវរក្សាទុកយ៉ាងល្អ ហើយនាំចេញក្រៅតំបន់ដែលមានការប្រយុទ្ធគ្នា។
ការប្រយុទ្ធគ្នាយ៉ាងសាហាវផ្ទុះឡើងកាលពីថ្ងៃទី១ កញ្ញា រវាងកងទ័ពស៊ីរី និងពួកឧទ្ទាមអ៊ិស្លាមនិយមនៅមិនឆ្ងាយបុ៉ន្មានពីតំបន់ដែលគេចាប់ទាហានហ្វីដហ្ស៊ីទាំង៤៥នាក់នោះនៃកងកម្លាំង FNUOD កាលពីថ្ងៃទី២៨ សីហា កន្លងមកនេះ ។ក្រៅពីទាហានមួកខៀវជនជាតិហ្វីដហ្ស៊ី ដែលមុននេះថាមានចំនួន៤៤នាក់ត្រូវចាប់ពង្រត់ ទាហានមួកខៀវជនជាតិហ្វ៊ីលីពីនជាង៧០នាក់ ក៏ត្រូវពួកឧទ្ទាមអ៊ិស្លាមនិយមឡោមព័ទ្ធជាប់ដែរ តែអាចបំបែកចេញបាន ។
ក្រុមរណសិរ្សអាល់ណូស្ត្រាចោទប្រកាន់កងកម្លាំង អ.ស.ប នោះថា ជួយការពារតែអុីស្រាអែល ហើយធ្វើមិនដឹងមិនឮចំពោះការឈឺចាប់របស់ប្រជាជនស៊ីរី តាំងពីចាប់ផ្តើមការបះបោរប្រឆាំងរបបលោកបាចាអាល់អាសាដ ពីខែមីនា ឆ្នាំ២០១១ មក ៕
ចែករំលែកព័តមាននេះ