ខេត្តកណ្តាល ៖ បុរសម្នាក់ត្រូវចោរវាយនឹងស្នាប់កាំភ្លើងប្លន់យកម៉ូតូទៅបាត់ទាំងព្រឹក ខណៈដែលអង្គុយលើម៉ូតូចាំទិញបន្លែនៅផ្សារតាខ្មៅថ្មី បង្កឱ្យភ្ញាក់ផ្អើលកាលពីវេលាម៉ោង០៥ និង១៥នាទីព្រឹកថ្ងៃទី០២ កញ្ញា ២០១៤ ស្ថិតនៅចំណុចផ្លូវជាតិលេខ២ ក្នុងភូមិដើមមៀន សង្កាត់ដើមមៀន ក្រុងតាខ្មៅ ។
ប្រភពបានឱ្យដឹងថា ជនរងគ្រោះឈ្មោះម៉េង ជាឡេង ភេទប្រុស អាយុ៣២ឆ្នាំ មានទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ។ ចំណែកជនសង្ស័យមានគ្នា០២នាក់ (មិនស្គាល់អត្តសញ្ញាណ) ប្រដាប់ដោយកាំភ្លើងខ្លីមួយដើម (មិនស្គាល់ម៉ាក) ធ្វើសកម្មភាពប្លន់ម៉ូតូ១គ្រឿងម៉ាក HONDA C125 ស៊េរីឆ្នាំ២០១២ ពណ៌ខ្មៅ ស្លាកលេខភ្នំពេញ ១BI-៣៨៨៩ ហើយគេចខ្លួនបាត់ ។
ប្រភពបន្តថា មុនពេលកើតហេតុ ជនរងគ្រោះកំពុងអង្គុយលើម៉ូតូរបស់ខ្លួនតែម្នាក់ឯង ដែលមានសោស្រាប់នៅជាប់ម៉ូតូចាំទិញបន្លែទៅលក់បន្ត ពេលនោះមានជនសង្ស័យម្នាក់ ក្នុងចំណោម២នាក់ កម្ពស់ប្រហែល១,៦០ម៉ែត្រ សម្បុរខ្មៅ ពាក់អាវដៃវែង ពណ៌ក្រម៉ៅ បានដើរមកសួរជនរងគ្រោះថា អ្នករត់ម៉ូតូឌុបប្ញ? ជនរងគ្រោះឆ្លើយថា មិនមែនទេ ខ្ញុំចាំយកបន្លែ ។
ភ្លាមនោះដែរ ជនសង្ស័យម្នាក់ទៀតមានមាឌធំខ្ពស់ កម្ពស់ប្រហែល១,៧០ម៉ែត្រ សម្បុរខ្មៅស្រអែម ពាក់អាវយឺតដៃវែងបង្កង់ ខោជើងវែង បានយកកាំភ្លើងខ្លីមកភ្ជង់ឱ្យចុះពីលើម៉ូតូ តែជនរងគ្រោះមិនព្រមចុះ ជនសង្ស័យបានវាយចំក្បាលផ្នែកខាងឆ្វេង បណ្តាលឱ្យបែកក្បាលហូរឈាម ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ