កីឡាករប្រដាល់ទម្ងន់ធ្ងន់ពិភពលោក វ្ល៉ាឌីមៀ ឃ្លីតស្កូ បានបង្ខំចិត្តផ្អាកការប្រកួតការពារខ្សែក្រវាត់របស់ខ្លួនជាមួយកីឡាករប៊ុលហ្គារី គូប្រាត ពូលេវ នាថ្ងៃសៅរ៍សប្តាហ៍នេះ បន្ទាប់ពីរងរបួសសាច់ដុំដើមដៃអំឡុងពេលហ្វឹកហាត់ ។ម្ចាស់ខ្សែក្រវាត់ស្ថាប័ន WBO, WBA និង IBO វ័យ៣៨ឆ្នាំរបស់អ៊ុយក្រែនរូបនេះបានរងរបួស ខណៈរូបគេទៅហ្វឹកហាត់នៅប្រទេសអូទ្រីស ។
កីឡាករប្រដាល់ទម្ងន់ធ្ងន់ពិភពលោក វ្ល៉ាឌីមៀ ឃ្លីតស្កូ បានបង្ខំចិត្តផ្អាកការប្រកួតការពារខ្សែក្រវាត់របស់ខ្លួនជាមួយកីឡាករប៊ុលហ្គារី គូប្រាត ពូលេវ នាថ្ងៃសៅរ៍សប្តាហ៍នេះ បន្ទាប់ពីរងរបួសសាច់ដុំដើមដៃអំឡុងពេលហ្វឹកហាត់ ។ម្ចាស់ខ្សែក្រវាត់ស្ថាប័ន WBO, WBA និង IBO វ័យ៣៨ឆ្នាំរបស់អ៊ុយក្រែនរូបនេះបានរងរបួស ខណៈរូបគេទៅហ្វឹកហាត់នៅប្រទេសអូទ្រីស ។
ថ្លែងតាមរយៈការដកស្រង់សម្តីដោយទីភ្នាក់ងារព័ត៌មានបរទេស វ្ល៉ាឌីមៀ បញ្ជាក់ថា ៖ «ខ្ញុំអស់សង្ឃឹមខ្លាំងណាស់ដែលការប្រកួតមិនអាចដំណើរការទៅតាមគម្រោង ។ ខ្ញុំមានកម្លាំងពេញបរិបូរ ហើយមានជំរំហ្វឹកហាត់មួយអស្ចារ្យបំផុត» ។តាមគម្រោង វ្ល៉ាឌីមៀ នឹងត្រូវឡើងសង្វៀនជាលើកទី២ ប្រចាំឆ្នាំនៅថ្ងៃទី៦ ខែកញ្ញាសប្តាហ៍នេះ នាក្រុងហាំបឺក ប្រទេសអាល្លឺម៉ង់ ។ យ៉ាងណាក៏ដោយ កាលបរិច្ឆេទថ្មី ព្រមទាំងទីកន្លែងប្រកួតលើកក្រោយមិនទាន់ត្រូវបានប្រាប់ឱ្យដឹងនៅឡើយទេ ។
កាលពីថ្ងៃទី២៦ ខែមេសា កន្លងមកនេះ វ្ល៉ាឌីមៀ ទទួលបានជោគជ័យម្តងរួចមកហើយនៅក្នុងការប្រកួតការពារខ្សែក្រវាត់ទាំង៤ស្ថាប័នរបស់ខ្លួន ដោយបានផ្តួលកីឡាករអូស្ត្រាលី លីវ ឱ្យចុះចាញ់ក្នុងទឹកទី៥ ។ យ៉ាងណាក្តី ការជួបជាមួយពូលេវ ដែលមានវ័យទើប៣៣ឆ្នាំនោះ ហាក់មិនមែនជាការងាយស្រួលនោះទេ ដ្បិត២០ប្រកួត គឺគេមិនដែលចាញ់សោះ ។ អ្វីដែលពិសេស គឺគេផ្តួលដៃគូឱ្យសន្លប់ចំនួន១១លើក ។ ឯ វ្ល៉ាឌីមៀ វិញ ៦៥ប្រកួត ចាញ់៣លើក និងផ្តួលដៃគូឱ្យសន្លប់៥២លើក ៕
ចែករំលែកព័តមាននេះ