ប្រភពខាងលើនោះបន្តថា លោក KANG ជាអ្នកការទូតជាន់ខ្ពស់ម្នាក់នឹងត្រូវទៅកាន់ប្រទេសអាល្លឺម៉ង់ បែលហ្ស៊ិក ស្វ៊ីស និងអុីតាលី យ៉ាងយូរនាចុងសប្តាហ៍នេះដើម្បីជួបជាមួយបណ្តាអ្នកនយោបាយរបស់ប្រទេសទាំងនោះ ។ទស្សនកិច្ចនេះរបស់លោក KANG នៅអឺរុ៉បហាក់ដូចជាធ្វើក្នុងពេលដែលការប្រាស្រ័យទាក់ទងគ្នាខាងការទូតរបស់កូរ៉េខាងជើងជាមួយប្រទេសអឺរុ៉បទាំងនោះមានការកើនឡើង ។ ប្រភពមិនបញ្ចេញឈ្មោះមួយធ្វើការកត់សម្គាល់ថា ទស្សនកិច្ចរបស់លោក KANG មានគោលដៅពិសេស បើគិតពីតួនាទីរបស់លោកនៅកូរ៉េខាងជើង ។
ទស្សនកិច្ចនៅអឺរុ៉បរបស់លោក KANG គឺជួនពេលគ្នានឹងការធ្វើដំណើរទៅកាន់ទីក្រុងញូវយ៉ករបស់រដ្ឋមន្ត្រីការបរទេសកូរ៉េខាងជើង លោក RI SU YONG ដើម្បីចូលរួមក្នុងមហាសន្និបាត អ.ស.ប ដែលនឹងប្រព្រឹត្តទៅក្នុងខែកញ្ញានេះ ។លោក KANG ក៏ត្រូវជួបជាមួយបណ្តាមន្ត្រីជាន់ខ្ពស់ជបុ៉នក្នុងឱកាសនៃទស្សនកិច្ចរបស់លោកនៅប្រទេសស្វ៊ីសផងដែរ ខណៈមន្ត្រីជាន់ខ្ពស់ជបុ៉នម្នាក់ទទួលបន្ទុកសំណុំរឿងចាប់ពង្រត់ជនជាតិជបុ៉ននៅកូរ៉េខាងជើងទៅកាន់ប្រទេសស្វ៊ីសដែរ ដើម្បីចូលរួមក្នុងសិក្ខាសាលាមួយ៕
ចែករំលែកព័តមាននេះ