រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសគណៈកម្មាធិការជាតិគាំពារ និងអភិវឌ្ឍន៍កុមារតូច បានមានប្រសាសន៍ក្នុងពិធីផ្សព្វផ្សាយគោលនយោបាយជាតិ និងផែនការសកម្មភាពជាតិស្តីពីការគាំពារ និងអភិវឌ្ឍន៍កុមារតូចឆ្នាំ២០១៤-២០១៨ កាលពីព្រឹកថ្ងៃទី១ កញ្ញា នៅវិទ្យាស្ថានជាតិអប់រំថា ទាក់ទិនទៅនឹងលទ្ធផលប្រទ្បងបាក់ឌុប ដែលបានចេញថ្មីៗនេះ បង្ហាញថា ធ្លាក់ច្រើនជាប់តិច ។
សម្តេចបញ្ជាក់ថា កុំមានការអាក់អន់ចិត្តអី វិធីតែម្យ៉ាងក្នុងការដោះស្រាយបញ្ហា គឺប្រឹង មានតែប្រឹងទេ អត់មានការដោះស្រាយតាមរយៈការសូកប៉ាន់ ឬតាមរយៈការបន្ធូរបន្ថយណាមួយដោយគ្រូបង្រៀន ឬអ្នកធ្វើកំណែនោះទេ ឬដោយក្រសួងអប់រំតែម្តង គឺមិនអាចទេ…។ បើមិនដូច្នេះយើងមិនអាចរកធនធានមនុស្សដែលពូកែបានទេ ។ សម្តេចតេជោនាយករដ្ឋមន្ត្រី បានសុំការយោគយល់ពីសំណាក់មាតាបិតា អាណាព្យាបាល និងក្មួយៗសិស្សានុសិស្សទាំងអស់ ទាក់ទងទៅនឹងការប្រទ្បងបាក់ឌុបកន្លងទៅថ្មីៗនេះ ដែលមានអត្រាជាប់នៅឆ្នាំនេះត្រឹមតែជាង២៥%តែប៉ុណ្ណោះ ។
ឱកាសប្រទ្បងលើកទី២ នឹងត្រូវធ្វើនៅថ្ងៃទី១៣-១៤ តុលា ឆ្នាំ២០១៤ ដូច្នេះក្មួយៗសិស្សានុសិស្ស ដែលប្រទ្បងមិនជាប់ត្រូវតែខំប្រឹងពីពេលនេះទៅទល់នឹងថ្ងៃប្រទ្បងលើកទី២ ។ បើសិនជាក្មួយៗខិតខំរៀន ការប្រទ្បងលើកទី២ ក្មួយៗពិតជាមានឱកាស បើមិនដូច្នេះទេ ក្មួយៗនឹងរៀនត្រួតថ្នាក់ ហើយប្រទ្បងនៅឆ្នាំក្រោយទៀត ។
សម្តេចតេជោនាយករដ្ឋមន្ត្រីមានប្រសាសន៍បញ្ជាក់ថា នៅឆ្នាំក្រោយក៏មិនប្រាកដជាមានការឱ្យប្រទ្បងជាលើកទី២ ឬអត់នោះទេ ស្រេចតែលើរដ្ឋមន្ត្រីក្រសួងអប់រំ ទទួលខុសត្រូវ ខ្ញុំគ្រាន់តែជួយរំលឹកពាក់ព័ន្ធនៅក្នុងកញ្ចប់រួម ប៉ុន្តែការចាត់ចែងនៅលើរដ្ឋមន្ត្រីនីមួយៗដែលមានសមត្ថភាពទទួលខុសត្រូវលើបញ្ហានេះ ។
សូមមាតាបិតា អាណាព្យាបាលសិស្សានុសិស្សគួរតែយល់ឱ្យច្បាស់ គឺត្រូវឱ្យក្មួយៗខិតខំតាំងពីថ្នាក់ក្រោមមក មិនមែនទើបនឹងប្រឹងចាប់ពីថ្នាក់ប្រទ្បងឌីប្លូមទេ ឬដល់ថ្នាក់ទី១២បានប្រឹងទេ គឺត្រូវប្រឹងតាំងពីក្រោមតែម្តង ។ កន្លងទៅគ្រាន់តែប្រទ្បងឌីប្លូមជាប់ រហូតដល់៩៥%ឯណោះ ឯបាក់ឌុបប្រទ្បងជាប់រហូតជាង៨០% ។ ដូច្នេះការខិតខំនេះ មិនសូវខ្លាំងទេ…។ ដូច្នេះចាប់ពីឆ្នាំនេះទៅ ឆ្នាំនេះប្រទ្បងជាប់ជាង២ម៉ឺននាក់ ស្មើនឹងជាង២៥% ដូច្នេះអ្នកដែលមិនជាប់ត្រូវប្រឹង ដើម្បីប្រទ្បងនៅលើកទី២ ហើយសង្ឃឹមថា កំណែទម្រង់មិនមែនគ្រាន់តែធ្វើនៅកម្រិតមធ្យមសិក្សាទុតិយភូមិទេ ។
បន្ទាប់ពីការផ្សាយនិទ្ទេស A មានត្រឹមតែ១១នាក់ទេ រាល់ឆ្នាំនិទ្ទេស A មាន១៥០នាក់ ហើយឆ្នាំនេះមានតែ១១នាក់ បានសេចក្តីថា ចម្រាញ់ទឹក១០យកទឹក១ ដើម្បីឱ្យដឹង ហើយត្រូវចូលរួមទាំងអស់គ្នា ទាំងមាតាបិតាអាណាព្យាបាលសិស្សានុសិស្ស ក៏ដូចជាកុមារនិងយុវជនខ្លួនឯងដែរ គឺត្រូវប្រឹងទាំងអស់គ្នា ។ ត្រូវប្រឹងទាំងអស់គ្នា ប៉ុន្តែក៏មានទស្សនៈខ្លះថា បើតឹងម្ល៉ឹងៗប្រឹងយ៉ាងម៉េចទៅ ? សម្តេចគូសបញ្ជាក់ថា បើតឹងម្ល៉ឹងៗគឺមានតែប្រឹងទេ ទើបបានមិនអាចយកការបន្ធូរបន្ថយ ហើយគិតតែរឿងឱ្យជាប់បានច្រើនទៀតទេ ។ ចុងបំផុត មិនអាចធ្វើការងារបាន គឺមិនអាចទៅរួចទេ ។
យើងសង្ឃឹមថា ប្រឹងរបៀបនេះតទៅទៀត ដើម្បីឱ្យធនធានមនុស្សរបស់យើង ចេញពីសាលាប្រទ្បងជាប់ហើយអាចធ្វើការបាន ហើយទីផ្សារការងារគេទទួលយើងយកទៅធ្វើការ ឬក៏ផ្នែករដ្ឋទទួលយកទៅធ្វើការ រហូតដល់ស្ថាប័នអន្តរជាតិ ដែលមកធ្វើការនៅក្នុងប្រទេសយើង គេរើសយើងយកទៅធ្វើការនៅក្នុងប្រទេស ឬអាចទៅធ្វើការនៅក្រៅប្រទេសទៀតផង ៕
ចែករំលែកព័តមាននេះ