រាជធានីភ្នំពេញ ៖ ជនសង្ស័យម្នាក់ក្នុងចំណោម២នាក់ ត្រូវបានសមត្ថកិច្ចប៉ុស្តិ៍នគរបាលរដ្ឋបាលផ្សារដេប៉ូទី២ សហការជាមួយសមត្ថកិច្ចប៉ុស្តិ៍នគរបាលរដ្ឋបាលផ្សារដេប៉ូ៣ ចាប់ឃាត់ខ្លួនបានកាលពីវេលាម៉ោង ៥ និង១០នាទី ថ្ងៃទី ១ កញ្ញា ២០១៤ នៅចំណុចផ្លូវលេខ ១២២ ក្បែរផ្សារសាមគ្គី ស្ថិតក្នុងសង្កាត់ផ្សារដេប៉ូ៣ ខណ្ឌទួលគោក បន្ទាប់ពីធ្វើសកម្មភាពឆក់កាបូបពីនិស្សិតស្រីម្នាក់តាមផ្លូវកម្ពុជាក្រោម ។
ជនសង្ស័យមានឈ្មោះ ងួន វាសនា ភេទប្រុស អាយុ២៣ឆ្នាំ ស្នាក់នៅផ្ទះលេខ៨៣៥ ផ្លូវជាតិលេខ៥ ស្ថិតក្នុងភូមិផ្សារសាមគ្គី សង្កាត់ឬស្សីកែវ ខណ្ឌឬស្សីកែវ ចំណែកជនរងគ្រោះមានឈ្មោះ ហុង ម៉ាលីនីន ភេទស្រី ជានិស្សិតផ្នែកភាសារអង់គ្លេស នៅសកលវិទ្យាល័យបញ្ញាសាស្រ្ត រស់នៅផ្ទះលេស ២១E ផ្លូវ៣៧១ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ប្រភពព័ត៌មានបានឱ្យដឹងថា នៅមុនពេលកើតហេតុ និស្សិតស្រីរងគ្រោះបានចេញពីរៀននៅសកលវិទ្យាល័យបញ្ញាសាស្រ្ត ដោយរួមដំណើរជាមួយមិត្តភក្តិម្នាក់ទៀត តាមផ្លូវកម្ពុជាក្រោម ក្នុងទិសដៅពីកើតទៅលិច សសៀរៗ បញ្រ្ចាសផ្លូវទិសដៅចរាចរណ៍ ព្រោះដឹងថាមានជនសង្ស័យជិះម៉ូតូតាមពីក្រោយ ខណៈមកដល់មុខផ្ទះលេខ 720E0 ក្នុងសង្កាត់ផ្សារដេប៉ូ២ ជនសង្ស័យក៏បានធ្វើសកម្មភាពឆក់កាបូបពីនារីរងគ្រោះ ដែលកំពុងជិះម៉ូតូពីក្រោយមិត្តភក្តិ បានសម្រេច រួចបើកម៉ូតូគេចខ្លួន ។ នារីរងគ្រោះបានជិះម៉ូតូដេញតាមក្រុមជនសង្ស័យពីក្រោយជាប់ និងបែកស្រែកថាចោរៗ ពេលនោះសមត្ថកិច្ចក៏បានចេញអន្តរាគមន៍ជួយដេញតាមចាប់ក្រុមជនសង្ស័យ ប្រផាប់ពភីងរហូតមកដល់ផ្លូវលេខ ១២២ ក្បែរផ្សារសាមគ្គី ក្រុមជនសង្ស័យក៏បានផ្តួលម៉ូតូរួចរត់គេចខ្លួនចូលផ្សារសាមគ្គី ក៏ត្រូវសមត្ថកិច្ចឃាត់ខ្លួនបានម្នាក់ក្នុងចំណោមជនសង្ស័យ២នាក់ ។
ក្រោយពេលឃាត់ខ្លួនសមត្ថកិច្ចបានដកហូតម៉ូតូរបស់ជនសង្ស័យជិះធ្វើសកម្មភាពមួយគ្រឿងម៉ាកKYMCOពាក់ស្លាកលេខភ្នំពេញ 1CD-3748 និងដកហូតកាបូបនារីរងគ្រោះមកវិញដោយសមត្ថកិច្ចឆែកឃើញមានទូរស័ព្ទចំនួនពីរគ្រឿង គឺម៉ាក Iphone5 មួយគ្រឿង និងម៉ាក NOKIA មួយគ្រឿង លុយដុល្លារចំនួន៣០ដុល្លារ និងលុយខ្មែរចំនួន១មឺុនរៀល ប្រគល់ជូនម្ចាស់កាបូបវិញ ។
ចែករំលែកព័តមាននេះ