ខេត្តស្ទឹងត្រែង ៖ កាលពីព្រឹកថ្ងៃទី១ កញ្ញា ២០១៤នេះ ក្រុមអាជីវករផ្សារបន្លែលើសួនច្បារបានផ្ទុះការតវ៉ាជាលើកទីពីរ ដោយពួកគេប្រឹងស្រែកតវ៉ាសុំលក់ដូរនៅទីតាំងចាស់ និងមិនរុះរើតាមគោលការណ៍អាជ្ញាធរខេត្តឡើយ បើទោះជាអាជ្ញាធរខេត្ត និងក្រុងរកទីតាំងថ្មីសម្រាប់ឲ្យលក់ដូរបានត្រឹមត្រូវក៏ដោយ។
បញ្ហាខាងលើនេះបានបង្កជាភាពស្មុគ្រស្មាញមួយ បន្ទាប់ពីអាជ្ញាធរបានប្រកាសជាបន្តបន្ទាប់តាមរយៈការផ្សព្វផ្សាយ និងជូនដំណឹងដោយអាជ្ញាធរក្រុងក្រោមកិច្ចសន្យាចំនួន៦ចំណុច គឺ១-មិនត្រូវផ្ទេរសិទ្ធបន្តទៅឲ្យភាគីផ្សេងនៅពេលដែលខ្លួនឈប់លក់ ២-ត្រូវថែរក្សាអនាម័យនៅទីតាំងលក់ដូររបស់ខ្លួនជាប្រចាំ ៣-មិនត្រូវសាងសង់សំណង់ផ្សេងៗនៅលើទីតាំងលក់ដូរ ៤-ត្រូវរក្សាសណ្តាប់ធ្នាប់របៀបរៀបរយល្អ ៥-នៅពេលដែលម្ចាស់ដីត្រូវការ ខ្ញុំបាទ នាងខ្ញុំ ត្រូវរើចេញតាមការកំណត់ និងមិនទាមទារសំណងណាមួយឡើយ ៦-ត្រូវបង់ថ្លៃភាស៊ីដូចមានចែងក្នុងសៀវភៅបន្ទុក។
ក្នុងចំណោមគោលការណ៍ទាំង៦ចំណុចខាងលើនេះមានចំណុចមួយ គឺចំណុចទី៥ដែលធ្វើឲ្យពួកគាត់មិនព្រមរុះរើចេញពីទីតាំងចាស់ទៅទីតាំងថ្មី ព្រោះពួកគាត់យល់ឃើញថា ទីតាំងថ្មី គឺជាដីឯកជនថ្ងៃណាមួយគេបង្ខំឲ្យចេញ គឺត្រូវតែរើ ដោយពុំមានការកំណត់ ដូច្នេះការធ្វើអាជីវកម្មរបស់ពួកគាត់មិនបានស្ថិតស្ថេរទេ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ