មនុស្សដល់ទៅជាង២លាននាក់កាលពីថ្ងៃទី១ កញ្ញា បានចូលរួមក្នុងសមយុទ្ធបង្ការគ្រោះមហន្តរាយដ៏ធំមួយនៅជប៉ុនក្នុងក្របខ័ណ្ឌនៃទិវាឧទ្ទិសដល់គ្រោះមហន្តរាយធម្មជាតិនៃការរញ្ជួយដីខ្លាំងមួយនៅទីក្រុងកានតូ ភាគខាងកើតប្រទេសកាលពីថ្ងៃទី១ កញ្ញា ឆ្នាំ ១៩២៣ ។
សមយុទ្ធប្រចាំឆ្នាំក្នុងកម្រិតជាតិនោះ គឺដើម្បីឱ្យពលរដ្ឋក៏ដូចជាភ្នាក់ងារជួយសង្គ្រោះ បណ្តាមន្ទីររដ្ឋបាល សហគ្រាស និងផ្នែកឯទៀតៗរៀបចំខ្លួនត្រៀមសម្រាប់ជម្លៀសមនុស្សចេញ ឬធ្វើប្រតិបត្តិការជួយសង្គ្រោះរួម ក៏ដូចជួយក្នុងការតស៊ូប្រឆាំងគ្រោះអគ្គិភ័យ ការបាក់អគារ ឬផលវិបាកឯទៀតៗនៃការរញ្ជួយដីមួយ ។
សមយុទ្ធនាថ្ងៃនោះ ផ្តោតលើការរញ្ជួយដីមានកម្លាំង៧,៣រីស្ទ័រមួយនៅក្រុងតូក្យូ នាពេលព្រឹកព្រលឹម ។ នាយករដ្ឋមន្ត្រីជប៉ុន លោក សុីនហ្សូ អាបេ ដែលចូលរួមក្នុងសមយុទ្ធនោះដែរ ថ្លែងថា ខ្ញុំបញ្ជាដល់រដ្ឋមន្ត្រីទាំងអស់ឱ្យធ្វើអ្វីគ្រប់យ៉ាង ដើម្បីឆ្លើយតបដោយឆាប់រហ័ស និងដោយសមស្របចំពោះសភាពការណ៍បន្ទាន់បែបនេះ ដោយផ្តល់អាទិភាពលើការជួយសង្គ្រោះជីវិតមនុស្ស ។
ថ្ងៃទី១ កញ្ញា ចាប់តាំងពីច្រើនឆ្នាំមកហើយ តែងប្រារព្ធទិវាបង្ការគ្រោះមហន្តរាយជាការរំឭកដល់ការរញ្ជួយដីនៅទីក្រុងកានតូ ដែលសម្លាប់មនុស្សដល់ទៅជាង១០០.០០០នាក់ កាលពី៩១ឆ្នាំមុន ៕
ចែករំលែកព័តមាននេះ