អ្នកផលិតរថយន្តក្នុងប្រទេសវៀតណាមបង្ហើបឱ្យដឹងថា រថយន្តស៊េរីថ្មីបានស្ថិតនៅទីខ្ពស់ជាងជំហររបស់អ្នកមានតម្រូវការក្នុងក្រុងហាណូយ និងហូជីមិញដល់ទៅ៩០% ដោយសារពន្ធដែលរដ្ឋាភិបាលបានកំណត់ក្នុងតម្លៃខ្ពស់ ។ កាសែត «វៀតណាមអុិចប្រេស្ស» កាលពីថ្ងៃទី៣១ សីហា ២០១៤ បានចុះផ្សាយដោយយោងតាមសម្តីរបស់លោកប៊ុយ ងុ៉កវៀន ប្រធានក្រុមហ៊ុនផលិត
អ្នកផលិតរថយន្តក្នុងប្រទេសវៀតណាមបង្ហើបឱ្យដឹងថា រថយន្តស៊េរីថ្មីបានស្ថិតនៅទីខ្ពស់ជាងជំហររបស់អ្នកមានតម្រូវការក្នុងក្រុងហាណូយ និងហូជីមិញដល់ទៅ៩០% ដោយសារពន្ធដែលរដ្ឋាភិបាលបានកំណត់ក្នុងតម្លៃខ្ពស់ ។ កាសែត «វៀតណាមអុិចប្រេស្ស» កាលពីថ្ងៃទី៣១ សីហា ២០១៤ បានចុះផ្សាយដោយយោងតាមសម្តីរបស់លោកប៊ុយ ងុ៉កវៀន ប្រធានក្រុមហ៊ុនផលិតរថយន្ត Vinaxuki បានថ្លែងនៅក្នុងកិច្ចប្រជុំឧស្សាហកម្មរថយន្តដែលរៀបចំឡើងនៅក្រសួងឧស្សាហកម្ម និងពាណិជ្ជកម្មថា «ទីផ្សាររថយន្តនៅក្នុងវៀតណាមនៅមិនទាន់តបស្នងតម្រូវការរបស់អ្នកប្រើប្រាស់ភាគច្រើនក្នុងទីក្រុងនៅឡើយ» ។
លោកប៊ុយ ងុ៉កវៀន បញ្ជាក់ថា ប្រហែល៩០% របស់អ្នកទិញក្នុងក្រុងហាណូយ និងហូជីមិញមិនអាចទិញរថយន្តថ្មីបាន ព្រោះតែអត្រាពន្ធឡើងខ្ពស់ ។ លើសពីនេះ លោកក៏បានបញ្ជាក់បន្តទៀតថា ម្ចាស់រថយន្តស៊េរីថ្មីនៅក្នុងប្រទេសត្រូវបង់ពន្ធ និងថ្លៃចម្បងៗចំនួន៤ករណីរួមមាន ពន្ធនាំចូល ពន្ធប្រើប្រាស់ ពិសេសពន្ធលើតម្លៃបន្ថែម និងថ្លៃសេវាផ្សេងៗនៅក្នុងប្រទេស ។
ពន្ធ និងថ្លៃសេវាទាំងនេះធ្វើឱ្យថ្លៃចំណាយក្នុងការទិញរថយន្តមានកំណើនខ្ពស់ពី២ទៅ៣ដងលើតម្លៃដើម និងកំពុងមានជំនឿចិត្តថា ពន្ធខាងលើកំណត់ឡើងដើម្បីទប់ស្កាត់ចំនួនរថយន្តធ្វើចរាចរណ៍នៅក្នុងប្រទេស ។លោកវៀន ជុងក្វាង អ្នកជំនួញក្នុងក្រុងហូជីមិញ ដែលស្ថិតក្នុងក្រុមរបស់អ្នកប្រើប្រាស់រថយន្តបានបញ្ជាក់ប្រាប់កាសែតសៃហ្គន សាយហ្វុង ថាគេបានសម្រេចចិត្តទិញរថយន្តតូយូ៉តា កាមរីសម្រាប់ធ្វើជំនួញ ហើយដោយត្រូវចំណាយថវិកាប្រហែល៦០.០០០ដុល្លារនៅវៀតណាម ខណៈពេលតម្លៃនៅសហរដ្ឋ អាមេរិកប្រហែល២២.០០០ដុល្លារ ដោយថ្លៃខាងលើរួមទាំងពន្ធនាំចូល ពន្ធប្រើប្រាស់ពិសេស ពន្ធលើតម្លៃបន្ថែម ថ្លៃសេវាផ្សេងៗ ស្លាកលេខ និងធានារ៉ាប់រង ៕
ចែករំលែកព័តមាននេះ