វាហាក់ដូចជាចម្លែកបន្តិចជាមួយនឹងលោក Beppe Sannino ដែលប្រកាស់លាលែងចេញពីតំណែងកៅអីគ្រូបង្វឹកចំពេលដែលការដឹកនាំរបស់លោកកំពុងទទួលបានផ្លែផ្កាគួរឱ្យកត់សម្គាល់ដែលផ្ទុយស្រឡះពីគ្រូបង្វឹកមួយចំនួនលាលែងនៅពេលដែលក្លិបប្រកួតចាញ់ ។
វាហាក់ដូចជាចម្លែកបន្តិចជាមួយនឹងលោក Beppe Sannino ដែលប្រកាស់លាលែងចេញពីតំណែងកៅអីគ្រូបង្វឹកចំពេលដែលការដឹកនាំរបស់លោកកំពុងទទួលបានផ្លែផ្កាគួរឱ្យកត់សម្គាល់ដែលផ្ទុយស្រឡះពីគ្រូបង្វឹកមួយចំនួនលាលែងនៅពេលដែលក្លិបប្រកួតចាញ់ ។
ក្រោមការដឹកនាំរបស់គ្រូបង្វឹកអីុតាលី បច្ចុប្បន្នក្លិប Watford ឈរលំដាប់លេខ២ក្នុងតារាងអង់គ្លេសឆេមពានស៊ីប បន្ទាប់ពីលេងបាន៥ប្រកួតកន្លងមក ។ នៅលើគេហទំព័ររបស់ក្លិប Watford លោក Beppe Sannino បាននិយាយថា ៖ «ខ្ញុំបានចូលមកគ្រប់គ្រងក្លិបដែលមានទេពកោសល្យដូចជា Watford ។ ពីដំបូងពួកគេហាក់ដូចជាមានបទពិសោធន៍ក្មេងខ្ចី ក៏ប៉ុន្តែពួកគេបានក្លាយទៅជាកីឡាករចាស់ទុំបន្តិចម្តងៗ ធ្វើឱ្យខ្ញុំកាន់តែមានទំនុកចិត្តជាមួយពួកគេ ។ ខ្ញុំមានមោទនភាពខ្លាំងនូវអ្វីដែលសម្រេចបាននាពេលកន្លងមក» ។
ទាក់ទងទៅនឹងការចាកចេញនេះ គ្រូបង្វឹកវ័យ៥៧ឆ្នាំ មិនបានប្រាប់ឱ្យដឹងពីមូលហេតុច្បាស់លាស់នោះទេ ដោយគ្រាន់តែនិយាយថា ៖ «ខ្ញុំហាក់បីដូចជាមានអារម្មណ៍ឃ្លាតឆ្ងាយពីពិភពបាល់ទាត់ ។ ដើម្បីផលប្រយោជន៍ក្លិប និងខ្លួនខ្ញុំផ្ទាល់ផងនោះ វាគឺជាពេលវេលាមួយដ៏ត្រឹមត្រូវដើម្បីចាកចេញនៅពេលនេះ» ៕
ចែករំលែកព័តមាននេះ