រាជធានីភ្នំពេញ ៖ ជាទូទៅការរួមភេទច្រើនលើកច្រើនសាអាចបណ្តាលឱ្យអស់កម្លាំង ហេវហត់ និងអាចបាត់បង់មនោសញ្ចេតនាស្រើបស្រាលថែមទៀត ។ តាមធម្មតាបុរសតែងប្រឈមបញ្ហានេះច្រើនជាងនារី ប៉ុន្តែនារីក៏ត្រូវមានម្ចាស់ការធានាសុខភាពរបស់ខ្លួនផងដែរ ។ ពេលវេលាដែលល្អក្នុងការរួមភេទ គួរតែអនុវត្តនៅពេលលោកអ្នកមានសុខភាពរឹងមាំ ទឹកចិត្តរីករាយមនោសញ្ចេតនា
រាជធានីភ្នំពេញ ៖ ជាទូទៅការរួមភេទច្រើនលើកច្រើនសាអាចបណ្តាលឱ្យអស់កម្លាំង ហេវហត់ និងអាចបាត់បង់មនោសញ្ចេតនាស្រើបស្រាលថែមទៀត ។ តាមធម្មតាបុរសតែងប្រឈមបញ្ហានេះច្រើនជាងនារី ប៉ុន្តែនារីក៏ត្រូវមានម្ចាស់ការធានាសុខភាពរបស់ខ្លួនផងដែរ ។ ពេលវេលាដែលល្អក្នុងការរួមភេទ គួរតែអនុវត្តនៅពេលលោកអ្នកមានសុខភាពរឹងមាំ ទឹកចិត្តរីករាយមនោសញ្ចេតនាល្អូកល្អិន មានការការពារនិងមានអនាម័យល្អ ។ ការរួមភេទបែបនេះទើបអាចនាំមកនូវអារម្មណ៍ដ៏រំភើបរីករាយ បញ្ចេញថាមពលដ៏អស្ចារ្យ និងមិនប៉ះពាល់ដល់សុខភាពឡើយ ។
លោកអ្នកមិនគួររួមភេទនៅពេលមានបញ្ហាស្មុគស្មាញ បន្ទាប់ពីធ្វើការហួសកម្លាំង មានភាពហេវហត់ និងមិនបានត្រៀមលក្ខណៈអនាម័យទុកជាមុននោះទេ ។ ក្រៅពីនេះក៏ត្រូវចៀសវាងការរួមភេទនៅក្នុងករណីមួយចំនួនទៀតដូចជាពេលជិតមករដូវ ពេលកំពុងមានរដូវ និងពេលអស់រដូវថ្មីៗ ជាពិសេសក៏មិនត្រូវរួមភេទខណៈពេលកំពុងព្យាបាលជំងឺស្ត្រី ជាហេតុនាំឱ្យឆ្លងរោគតាមរយៈការរួមភេទ ។
ចំពោះស្ត្រីមានផ្ទៃពោះក្នុងកំឡុងពីរខែដំបូង និងពីរខែចុងក្រោយមុនពេលសម្រាលកូន ក៏មិនត្រូវរួមភេទនោះដែរ ព្រោះក្នុងកំឡុងពីរខែដំបូងរាងកាយកំពុងហេវហត់ ដោយសារតែការចាញ់កូន ទារកដែលទើបតែបង្កកំណើតមិនទាន់រឹងមាំ បើរួមភេទជាមួយគ្នានោះ អាចបណ្តាលឱ្យកូនរលូតបាន ។ ចំពោះពីរខែចុងក្រោយពោះកាន់តែប៉ោងធំ ស្ត្រីតែងតែមានការហេវហត់ បើសិនជារួមភេទក្នុងអំឡុងពេលនេះក៏អាចបណ្តាលឱ្យបែកទឹកភ្លោះកូនកើតមកមិនគ្រប់ខែ ស្ត្រីអាចប្រឈមនឹងហានិភ័យច្រើន ។
បើសិនជាករណីមានបញ្ហាការរលូតកូនឬរំលូតកូន បុរសត្រូវរង់ចាំឱ្យបានយ៉ាងតិច១សប្តាហ៍ឡើងទៅដែរ ទើបប្រដាប់ភេទស្ត្រីមានសភាពធម្មតាឡើងវិញ អាចបើកប្រតិបត្តិការបានដោយមិនមានឧបសគ្គអ្វីឡើយ តែបើសិនជាឆាប់រួមភេទពេកអាចបណ្តាលឱ្យមានបញ្ហារលាកស្បួន និងប៉ះពាល់សុខភាពស្ត្រី ។
ការរួមភេទគឺជាសកម្មភាពបញ្ចេញចលនាដ៏ស្វាហាប់រវាងដៃគូបុរសនិងស្ត្រី ដើម្បីសុខស្រួលយា៉ងត្រជាក់ចិត្តលើសពីសុខដទៃ ។ ប៉ុន្តែមានករណីខ្លះក្រោយពីរួមភេទជាមួយគ្នារួច នារីត្រូវដេកឈឺនៅនឹងកន្ទេល និងមានចេញឈាមតាមទ្វារមាសយ៉ាងច្រើន បើសិនជាមានករណីនេះកើតឡើង ហើយស្ត្រីមានការខ្មាសអៀនមិនហ៊ានទៅមន្ទីរពេទ្យពិនិត្យមើលភ្លាមៗទេនោះ អាចនឹងមានគ្រោះថ្នាក់ដល់ជីវិត ហើយគ្រោះថ្នាក់នេះគឺបណ្តាលមកពីការដាច់រហែកទ្វារមាសក្រោយពេលរួមភេទ ។
ការដាច់រហែកទ្វារមាសនេះគឺអាចបណ្តាលមកពីការរួមភេទដោយបញ្ចេញថាមពលខ្លាំង តក់ក្រហល់ពេក និងអាចបណ្តាលមកពីប្រដាប់បន្តពូជស្ត្រីរាក់ឬស្តើង តែក៏អាចបណ្តាលមកពីសកម្មភាពប្រយុទ្ធមិនធម្មតាកកិតខ្លាំងនៅពេលរួមភេទផងដែរ ៕
ចែករំលែកព័តមាននេះ