កីឡាការិនីវ័យ២១ឆ្នាំរបស់ស៊ែប៊ី Aleksandra Krunic បានធ្វើឱ្យបណ្តាអ្នកទស្សនានៅតារាង Louis Armstrong Stadium ទីក្រុងញូវយ៉ក សហរដ្ឋអាមេរិកភ្ញាក់ផ្អើលយ៉ាងខ្លាំង បន្ទាប់ពីរូបនាងបានបំបាក់ជើងខ្លាំងរបស់ឆែក Petra Kvitova ក្នុងព្រឹត្តិការណ៍ប្រកួតវាយកូនបាល់ក្របខ័ណ្ណ US Open ឆ្នាំ២០១៤ ។
កីឡាការិនីវ័យ២១ឆ្នាំរបស់ស៊ែប៊ី Aleksandra Krunic បានធ្វើឱ្យបណ្តាអ្នកទស្សនានៅតារាង Louis Armstrong Stadium ទីក្រុងញូវយ៉ក សហរដ្ឋអាមេរិកភ្ញាក់ផ្អើលយ៉ាងខ្លាំង បន្ទាប់ពីរូបនាងបានបំបាក់ជើងខ្លាំងរបស់ឆែក Petra Kvitova ក្នុងព្រឹត្តិការណ៍ប្រកួតវាយកូនបាល់ក្របខ័ណ្ណ US Open ឆ្នាំ២០១៤ ។
កីឡាការិនីវ័យក្មេងរូបនេះបានបំបាក់ Kvitova ក្នុងលទ្ធផល២សិតទល់នឹង០ គឺ ៦-៤ និង៦-៤ ឈានចូលទៅជុំបន្តដោយក្តីរីករាយ ។
នាងបានថ្លែងថា ៖ «ពិតណាស់ ខ្ញុំមិនបានសង្ឃឹមថាអាចយកឈ្នះការប្រកួតលើកនេះទេ ។ អ្វីដែលខ្ញុំសង្ឃឹម គឺត្រឹមតែយកឈ្នះឱ្យបាន១សិត ។ សម្រាប់ខ្ញុំ ជាកិត្តិយសមួយដែលបានប្រកួតក្នុងតារាងតែមួយជាមួយនាង Kvitova ។ នាងជាជើងឯកដ៏មហិមាមួយរូប» ។
សម្រាប់នាង Kvitova វិញ ការបរាជ័យលើកនេះ គឺជាការបិទផ្លូវឆ្ពោះទៅការឈ្នះពានក្របខ័ណ្ឌធំលើកទី២ ប្រចាំឆ្នាំរបស់នាង ។ សូមបញ្ជាក់ថា នេះគឺជាលើកទី៧ហើយ ដែលនាងចូលរួមប្រកួតក្នុងក្របខ័ណ្ឌ US Open ។ អ្វីដែលជាការកត់សម្គាល់ គឺនាងមិនដែលបានឆ្លងផុតជុំទី៣ឡើយ ពោលគឺលើកលែងតែឆ្នាំ២០០៩ប៉ុណ្ណោះ ។
ចំណែកកីឡាការិនីម្ចាស់ផ្ទះ Nicole Gibbs បានជួបនឹងសំណាងអាក្រក់ដូចនាង Kvitova ដែរ បន្ទាប់ពីបរាជ័យក្រោមថ្វីដៃកីឡាការិនីអីុតាលី Flavia Pennetta ក្នុងលទ្ធផល៤-៦ និង០-៦ ។ កាលពីឆ្នាំ២០១៣ នាង Pennetta បានឆ្លងចូលដល់វគ្គពាក់កណ្តាលផ្តាច់ព្រ័ត្រ ។
លទ្ធផលនៃការប្រកួតផ្នែកបុរសវិញ កីឡាករ John Isner ក្លាយជាកីឡាករក្តីសង្ឃឹមរបស់ម្ចាស់ផ្ទះចុងក្រោយគេ ក្រោយពីកីឡាករមិត្តរួមជាតិរបស់គេគឺ Sam Querrey បរាជ័យក្រោមថ្វីដៃកីឡាករលំដាប់ទី១ពិភពលោក ណូវ៉ាក់ យ៉ូកូវិច ។ Isner នៅជុំបន្ទាប់នឹងប៉ះជាមួយកីឡាករអាល្លឺម៉ង់ Philipp Kohlschreiber ៕
ចែករំលែកព័តមាននេះ