រាជធាីភ្នំពេញ ៖ ដូចការគ្រោងទុកនាយកុយ តារាកំប្លែងល្បីល្បាញលំដាប់ជួរមុខបានត្រឡប់មកដល់ស្រុកកំណើតវិញហើយ បន្ទាប់ពីសម្តែងជូនប្រជាជនខ្មែរ នាឱកាសនោះ អស់រយៈពេលជិត៤សប្តាហ៍។ ក្នុងពេលដែលលោកបានរៀបចំបញ្ចប់ការសម្តែងជាផ្លូវការរួចមក ថែមទាំងបានធ្វើការអំពាវនាវសុំជំនួយពីអាណិកជនខ្មែរមេត្តាគិតគូដល់មន្ទីរពេទ្យគន្ឋបុប្ជា ដែលសព្វថ្ងៃក្មួយៗ កុមារច្រើសលើសលុបសម្រាកព្យាបាល និងដង្ហើយរកប្រាក់ឧបត្ថម្ភជាបន្តបន្ទាប់។
ចាត់ទុកថា នេះជាការជួយផ្សព្វផ្សាយមួយសម្រាប់តារាកំប្លែងនាយកុយ ដែលបានចាកចេញទៅសម្តែងជូនប្រជាជនខ្មែរនៅប្រទេសជប៉ុន មិនត្រឹមតែស្រូបយកប្រជាប្រិយភាពឲ្យលូតឡើងទ្វេរទៀតនោះទេ ថែមទាំងមានសន្តានចិត្តគិតពីសុខទុក្ខកុមារសម្រាកព្យាបាលនៅមន្ទីរពេទ្យគន្ឋបុប្ជាមួយចំណែកដែរ។ សកម្មភាពនេះ ជាការសម្តែងឲ្យឃើញថា អ្នកសិល្បៈរបស់ខ្មែរយើងជាច្រើនអ្នកមកហើយ បានខ្នះខ្នែងជួយដល់សង្គមជាតិ ក្នុងពេលដែលជួបប្រទះទុក្ខលំបាកណាមួយ ។ ប្រធានក្រុមកំប្លែងដែលមានប្រជាប្រិយភាពលោកជួង ជី ហៅកុយ តាំងពីលោកមានឱកាសទៅជាន់ដីក្នុងប្រទេសជប៉ុនភ្លាម លោកបានអំពាវនាវជារឿយៗ អំពីស្ថានការអ្នកជំងឺនៅមន្ទីរពេទ្យគន្ឋបុប្ជាឲ្យខ្មែរជួយខ្មែរ ក្រៅពីសម្តែងដែលមានគោលដៅជួយកុមារកំព្រា ក៏ដូចជាការកសាងវត្តមួយកន្លែងនៅប្រទេសជប៉ុន។
ក្នុងជំនួបផ្ទាល់មួយកាលពីពេលថ្មីៗ នៅស្ថានីយទូរទស្សន៍ស៊ីធីអិន លោកជួង ជី ហៅនាយកុយ បានរៀបរាប់ពីដំណើរសម្តែងនៅប្រទេសជប៉ុនថា «ក្រៅពីលោកបានសម្តែងជួយកុមារកំព្រា និងស្វែងរកថវិកាមួយចំនួនពីខ្មែរនៅទីនោះ ដើម្បីសាងវត្តអារាមមួយនៅប្រទេសជប៉ុន ក៏មិនភ្លេចគិតពីគម្រោង សម្រាប់ជូនបងប្អូននៅទីនោះ បង្កើតជាមូលនិធិមួយជួយមន្ទីរពេទ្យគន្ឋបុប្ជា ដើម្បីបានប្រាក់គ្រាន់បែងចែកអាចទិញថ្នាំសង្កូវព្យាបាលកុមារៗ ក្នុងពេលដែលមន្ទីរពេទ្យកំពុងប្រឈមនឹងការដាច់ជំនួយ។ ដោយសារតែសកម្មភាពនោះ មានពេលវេលាតិចពេក មិនអាចនៅផ្សព្វផ្សាយបានយូរ ព្រោះដល់ពេលកំណត់វិលមកស្រុកវិញ លោកបានផ្តាំដល់បងប្អូនយើងនៅក្រៅប្រទេសដែរ បន្ទាប់ពីពួកគាត់ឯកភាពយល់ស្របគិតគូរជួយមន្ទីរពេទ្យគន្ឋបុប្ជា ដូចជាបង្កើតជាសមាគម ឬជាមូលនិធិអ្វីមួយឡើងតាមការគ្រោងទុក» ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ