រាជធានីភ្នំពេញ ៖ បុរសម្នាក់ជិះម៉ូតូប៉ះនិងក្បាលរនាំងដែកពុះចែកទ្រូងផ្លួវបណ្តាលឱ្យដួលម៉ូតូទៅលើថ្នល់ត្រូវរថយន្តមិនស្គាល់អត្តសញ្ញាណមួយគ្រឿងបើកមកដល់កិនបែកក្បាលស្លា.ប់ក្នុងថ្លុកឈាមយ៉ាងអាណោចអាធ័មនៅនឹងកន្លែងកើតហេតុ ។ ហេតុការណ៍នេះកើតឡើងកាលពីវេលាម៉ោង ៩ យប់ ថ្ងៃទី ៣០ សីហា
រាជធានីភ្នំពេញ ៖ បុរសម្នាក់ជិះម៉ូតូប៉ះនិងក្បាលរនាំងដែកពុះចែកទ្រូងផ្លួវបណ្តាលឱ្យដួលម៉ូតូទៅលើថ្នល់ត្រូវរថយន្តមិនស្គាល់អត្តសញ្ញាណមួយគ្រឿងបើកមកដល់កិនបែកក្បាលស្លាប់ក្នុងថ្លុកឈាមយ៉ាងអាណោចអាធ័មនៅនឹងកន្លែងកើតហេតុ ។ ហេតុការណ៍នេះកើតឡើងកាលពីវេលាម៉ោង ៩ យប់ ថ្ងៃទី ៣០ សីហា ២០១៤ នៅចំណុចមុខសកលវិទ្យាល័យភូមិន្ទភ្នំពេញ តាមមហាវិថី សហព័ន្ធរុស្ស៊ី ស្ថិតក្នុងសង្កាត់ទឹកល្អក់១ ខណ្ឌទួលគោក ។
តាមប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុបុរសរងគ្រោះជិះម៉ូតូវីវ៉ា មួយគ្រឿង ពណ៌ខ្មៅ ពាក់ស្លាកលេខភ្នំពេញ 1P-0108 ដោយធ្វើដំណើរតាមមហាវិថីសហព័ន្ធរុស្ស៊ី ក្នុងទិសដៅពីកើតទៅលិច (បញ្រ្ចាសទិសដៅចរាចរណ៍ ) ខណៈមកដល់ចំណុចកើតហេតុ ម៉ូតូក៏បានប៉ះជាមួយក្បាលរនាំងដែកពុះចែកទ្រូងផ្លូវបណ្តាលឱ្យដួលម៉ូតូទៅលើផ្លូវ ស្របពេលនោះក៏មានរថយន្តមិនស្គាល់អត្តសញ្ញាណមួយគ្រឿងធ្វើដំណើរមកដល់ ក៏កិនអ្នកជិះម៉ូតូបែកក្បាលស្លាប់យ៉ាងអាណោចអាធ័មនៅនឹងកន្លែងកើតហេតុ ។
សពបុរសខាងលើមិនទាន់ត្រូវបានគេស្គាល់អត្តសញ្ញាណនៅឡើយទេ ហើយពេលនេះសមត្ថកិច្ចកំពុងធ្វើការស្រាវជ្រាវរកក្រុមគ្រួសារសពដើម្បីឱ្យមកទទួលយកសពបុរសខាងលើទៅធ្វើបុណ្យតាមប្រពៃណី ។
ចែករំលែកព័តមាននេះ