ខេត្តកំពង់ធំ ៖ កាលពីព្រឹកថ្ងៃទី៣០ ខែសីហា ឆ្នាំ២០១៤ នៅក្នុងបរិវេណសាលាស្រុកកំពង់ស្វាយ ប្រជាពលរដ្ឋរងគ្រោះដោយសារទឹកជំនន់ចំនួន៤៨០គ្រួសារទទួលបានអំណោយ ពីលោកបណ្ឌិត ងួន ញ៉ិល អនុប្រធានទី២ រដ្ឋសភាជាតិ ព្រមទាំងប្រតិភូអមដំណើរ កាលពីព្រឹកថ្ងៃទី៣០ ខែសីហា ឆ្នាំ២០១៤ នៅក្នុងបរិវេណសា
ខេត្តកំពង់ធំ ៖ កាលពីព្រឹកថ្ងៃទី៣០ ខែសីហា ឆ្នាំ២០១៤ នៅក្នុងបរិវេណសាលាស្រុកកំពង់ស្វាយ ប្រជាពលរដ្ឋរងគ្រោះដោយសារទឹកជំនន់ចំនួន៤៨០គ្រួសារទទួលបានអំណោយ ពីលោកបណ្ឌិត ងួន ញ៉ិល អនុប្រធានទី២ រដ្ឋសភាជាតិ ព្រមទាំងប្រតិភូអមដំណើរ កាលពីព្រឹកថ្ងៃទី៣០ ខែសីហា ឆ្នាំ២០១៤ នៅក្នុងបរិវេណសាលាស្រុកកំពង់ស្វាយ ។
លោក អ៊ុត សំអន អភិបាលនៃគណអភិបាលខេត្តកំពង់ធំ បានអានរបាយស្វាគមន៍ស្តីពី ផលប៉ះពាល់ខូចខាតផលដំណាំដែលបណ្តាលមកពីទឹកជំនន់ឆ្នាំ២០១៤ គឺមានស្រុកចំនួន ៤ ទទួលរងផលប៉ះពាល់រួមមានក្រុងស្ទឹងសែន ស្រុកកំពង់ស្វាយ ស្រុកស្ទោង និងស្រុកប្រាសាទបល្ល័ង្ក មានប្រជាពលរដ្ឋចំនួន៤៨០គ្រួសារដែលត្រួវមកទទួលអំណោយពី លោកបណ្ឌិត នៅថ្ងៃនេះ។
លោក បណ្ឌិត ងួន ញ៉ិល អនុប្រធានទី២នៃរដ្ឋសភាជាតិ មានប្រសាសន៍សំណេះសំណាលសួរសុខទុក្ខបងប្អូនប្រជាពលរដ្ឋដែលរងគ្រោះដោយសារទឹកជំនន់ទាំង៤៨០គ្រួសារថាសម្ភារដែលបាននាំយកមកធ្វើការចែកជូនដល់បងប្អូននាព្រឹកនេះគឺជាអំណោយដ៍ថ្លៃថ្លារបស់រដ្ឋសភាជាតិនៃព្រះរាជាណាចក្រកម្ពុជា រាជរដ្ឋាភិបាលកំពុងយកចិត្តទុកដាក់យ៉ាងខ្លាំងក្នុងការជួយសង្គ្រោះដល់ប្រជាពលរដ្ឋឲ្យបានទាន់ពេលវេលាមិនឲ្យប្រជាពលរដ្ឋណាម្នាក់ស្លាប់ដោយអត់អាហារនោះឡើយចំណែកបញ្ហាដីធ្លីមួយចំនួនដែលកើតមានទំនាស់រវាងក្រុមហ៊ុនឯកជននិងប្រជាពលរដ្ឋត្រូវដោះស្រាយឲ្យចប់ទៅតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេបតីតេជោ ហ៊ុន សែន ដែលបានមានប្រសាសន៍ឲ្យអភិបាលខេត្តទាំងអស់ត្រូវតែដោះស្រាយជាបន្ទាន់ចំពោះបញ្ហាដីធ្លីដែលកើតមានឡើងក្នុងក្នុងខេត្តនីមួយៗ រីឯព្រឹត្តការណ៍នយោបាយនៅកម្ពុជាបានឈានទៅរកការឯកភាពគ្នាមួយយ៉ាងជាក់លាក់ហើយចំពោះឋានៈលោកផ្ទាល់ដែលបានក្លាយជាអនុប្រធានទី២នៃរដ្ឋសភាជាតិនោះពុំមែនជាការទំលាក់ដំណែងនោះទេ នេះជាបរិបទនយោបាយរបស់ថ្នាក់ដឹកនាំរបស់គណបក្សដែលឈ្នះឆ្នោត។
ចុងបញ្ចប់លោកបានពាំនាំនូវការសាកសួរសុខទុក្ខពីសំណាក់សម្តេចទាំង៣ដែលជានិច្ចជាកាលតែងតែយកចិត្តទុកដាក់ចំពោះបងប្អូនប្រជាពលរដ្ឋដែលជួបគ្រោះមហន្តរាយធម្មជាតិផ្សេងៗក៍ដូចជាជួបការលំបាកខ្វះខាតផងដែរ ។ ទោះបីអំណោយទាំងនេះតិចតួចក៏ដោយក៏វាអាចជួយបានដោះស្រាយជីវភាពបងប្អូនបានមួយគ្រាផងដែរ ដែលក្នុងមួយគ្រួសារទទួលបាន អង្គរចំនួន២៥គីឡូក្រាម មុងជ្រលក់ថ្នាំ១ កន្ទេល១ ទី៤ មី១កេះ ៥.ទឹកស៊ីអ៊ីវ ១ឡូ ទឹកត្រី ១ឡូ ត្រីខ១យួរ និងអាវភ្លៀងចំនួន ១ ។
ដោយឆាយ រក្សា
ចែករំលែកព័តមាននេះ