ខេត្តបន្ទាយមានជ័យ ៖ កុមារីអាយុ៣ឆ្នាំម្នាក់បានធ្លាក់ចូលទឹកស្ទឹងលង់ស្លា.ប់ ខណៈពេលទៅតាមម្តាយបោកខោអាវនៅមាត់ស្ទឹងមុខផ្ទះ កាលពីវេលាម៉ោង៩និង៣០នាទីព្រឹកថ្ងៃទី២៩ សីហា នៅភូមិសឿ ឃុំសឿ ស្រុកមង្គលបូរី ។
ខេត្តបន្ទាយមានជ័យ ៖ កុមារីអាយុ៣ឆ្នាំម្នាក់បានធ្លាក់ចូលទឹកស្ទឹងលង់ស្លាប់ ខណៈពេលទៅតាមម្តាយបោកខោអាវនៅមាត់ស្ទឹងមុខផ្ទះ កាលពីវេលាម៉ោង៩និង៣០នាទីព្រឹកថ្ងៃទី២៩ សីហា នៅភូមិសឿ ឃុំសឿ ស្រុកមង្គលបូរី ។
លោកអនុសេនីយ៍ទោ ប៉ុល សារិន នាយប៉ុស្តិ៍រដ្ឋបាលនគរបាលសឿ បានឲ្យដឹងថា កុមារីរងគ្រោះឈ្មោះ ភក្ត្រ ដាលីស អាយុ៣ឆ្នាំ ឪពុកឈ្មោះ លី សុភក្ត្រ អាយុ៣៧ឆ្នាំ ម្តាយឈ្មោះ ធួក សូនី អាយុ៤៥ឆ្នាំ នៅភូមិកើតហេតុខាងលើ គ្រួសារនេះទើបតែមានកូនដំបូងគឺក្មេងស្រីរងគ្រោះ។
លោកនាយប៉ុស្តិ៍បានបញ្ជាក់ថា តាមការរៀបរាប់ពីស្ត្រីជាម្តាយទាំងទឹកភ្នែកប្រាប់សមត្ថកិច្ចថា គាត់ពុំមានអ្នកណាមើលកូន ព្រោះប្តីគាត់រវល់ទៅស៊ីឈ្នួលបាចជីស្រូវឲ្យគេ ហើយពេលដែលទៅបោកខោអាវនៅកំពង់ទឹកស្ទឹងមុខផ្ទះ គាត់បានយកកូនស្រីទៅជាមួយឲ្យឈរលើស្ពានកំពង់ទឹក ពេលដែលកំពុងតែបោកគក់បានបន្តិចក៏ងាកមកប្រាប់កូនឲ្យដើរមកផ្ទះមុន ស្រាប់តែកូនគាត់ស្មានតែហៅឲ្យងូតទឹកក៏ស្ទុះដើរមករអិលជើងធ្លាក់ចូលទឹកស្ទឹង ដែលកំពុងតែជន់ឡើងមក ពេលឃើញកូនធ្លាក់ទឹកគាត់មិនចេះហែល ទើបមិនហ៊ានចុះចាប់ ក៏ស្រែកឲ្យអ្នកជិតខាងឲ្យជួយបង់សំណាញ់តែមិនប្រទះឃើញសពឡើយ រយៈពេលកន្លះម៉ោងទាល់តែឪពុកមកពីស្រែក៏ចុះជ្រមុជរកទើបប្រទះឃើញសពកុមារីរងគ្រោះយកមកផ្ទះ ។
លោកនាយប៉ុស្តិ៍ឱ្យដឹងទៀតថា សពកុមារីរងគ្រោះត្រូវបានឪពុកម្តាយរៀបចំធ្វើបុណ្យតាមប្រពៃណី ទាំងក្តីសោកសង្រេងនិងអាឡោះអាល័យជាទីបំផុត ដែលគ្រួសារនេះទើបតែមានកូនម្នាក់ប៉ុណ្ណោះ ហើយថែទាំមិនបានគង់វង្សទៀត ។
ជាមួយគ្នានោះដែរ លោកនាយប៉ុស្តិ៍បានផ្តាំផ្ញើដល់ប្រជាពលរដ្ឋដែលមានកូនតូច ត្រូវប្រុងប្រយ័ត្នចំពោះកូនចៅ កុំឲ្យលេងទឹក និងកន្លែងដែលមានទីទួលក៏ត្រូវប្រុងប្រយ័ត្ន ព្រោះនេះជារដូវទឹកឡើង ក្រែងមានសត្វអាសិរពិសរត់គេចពីទឹកជំនន់រស់នៅទីនោះផងដែរ៕
ចែករំលែកព័តមាននេះ