រាជធានីភ្នំពេញ៖ ដើម្បីបន្ថែមចំណេះដឹងរាជបណ្ឌិត្យសភាវិជ្ជាជីវៈតុលាការបានបញ្ជូនសិស្សសារការីជំនាន់ទី១ ចំនួន១៥រូប ទៅសិក្សាផ្នែកច្បាប់ និងតុលាការរយៈពេល៦ខែ រាប់ទាំងថ្ងៃធ្វើដំណើរពីថ្ងៃទី៣១ សីហា ២០១៤ រហូតដល់ថ្ងៃទី២៧ កុម្ភៈ ២០១៥ នៅប្រទេសបារាំង ។
ក្នុងពិធីសំណះសំណាល់កាលពីរសៀលថ្ងៃទី២៩ សីហា ២០១៤ កន្លងមក នៅសាលាភូមិន្ទរដ្ឋបាល លោករដ្ឋមន្ត្រីក្រសួងយុត្តិធម៌និងជាប្រធានក្រុមប្រឹក្សាភិបាលនៃរាជបណ្ឌិត្យសភាវិជ្ជាជីវៈតុលាការ អង្គ វង្សវឌ្ឍនា បានផ្តល់មតិផ្តាំផ្ញើដល់សិស្សសារការីទាំង១៥នាក់ ត្រូវខិតខំរៀនសូត្រ និងចេះថែរក្សាសុខភាពរបស់ខ្លួនឱ្យបានល្អ ដើម្បីឱ្យការសិក្សាប្រព្រឹត្តិទៅដោយរលូន និងទទួលបានជោគជ័យក្នុងការសិក្សានៅប្រទេសបារាំង ។
បន្ទាប់ពីទទួលចំណេះដឹងមកវិញ សិស្សទាំងអស់ត្រូវចំណេះដឹងទៅប្រើប្រាស់ប្រកបដោយវិជ្ជាជីវៈខ្ពស់ សម្រាប់ការអភិវឌ្ឍន៍សង្គមជាតិ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ