ខេត្តព្រៃវែង ៖ កុមារា ម៉ុន វាសនា នារសៀលថ្ងៃទី២៩ សីហា ត្រូវបានសមត្ថកិច្ចអធិការដ្ឋានស្រុកហៅទៅសាកសួរបន្ថែម អំពីហេតុការណ៍ដែលបានកើតឡើងលើខ្លួនរបស់គេ នៅពេលដែលរូបគេចូលទៅលួចបេះដូងក្នុងចម្ការមួយកន្លែង ក្នុងភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង ។
ខេត្តព្រៃវែង ៖ កុមារា ម៉ុន វាសនា នារសៀលថ្ងៃទី២៩ សីហា ត្រូវបានសមត្ថកិច្ចអធិការដ្ឋានស្រុកហៅទៅសាកសួរបន្ថែម អំពីហេតុការណ៍ដែលបានកើតឡើងលើខ្លួនរបស់គេ នៅពេលដែលរូបគេចូលទៅលួចបេះដូងក្នុងចម្ការមួយកន្លែង ក្នុងភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង ។
នៅចំពោះមុខសមត្ថកិច្ច កុមារា ម៉ុន វាសនា បានឆ្លើយប្រាប់ថា ខណៈពេលដែលរូបគេកំពុងបេះផ្លែដូងនៅលើដើម ក៏ត្រូវម្ចាស់គេមកទាន់ហើយបុរសឈ្មោះ ហេង វណ្ណី បានចាប់វាយរូបគេ៣ទៅ៤ដៃ និងទាត់៤ទៅ៥ជើងត្រូវត្រគៀក ឆ្អឹងជំនី បន្ទាប់មកឈ្មោះ ហេង ដាណេ បានចាប់រូបគេចងដៃទៅក្រោយជាមួយនឹងស្រទបចេក ហើយអូសរូបគេទៅរកពាងទឹក ចាប់ក្បាលរបស់គេអុកនឹងមាត់ពាង ហើយជ្រមុជចូលទៅក្នុងទឹកពាងចំនួន២ដង ដោយម្តងៗយូរស្ទើតែរូបគេដាច់ដង្ហើមស្លាប់ទៅហើយ ។ កុមារារងគ្រោះបានបញ្ជាក់ប្រាប់ថា នៅក្នុងពេលដែលបុរស២នាក់បងប្អូននោះ រួមគ្នាធ្វើទារុណកម្មលើរូបគេ ក៏មានមនុស្សប្រមាណជា១០នាក់ផ្សេងទៀត នៅឈរមើលផងដែរតែ មិនបានចូលមកជួយឬឃាត់ជនបង្កឡើយ ហើយនៅខណៈពេលដែលឈ្មោះ ហេង ដាណេ ចាប់រូបគេជ្រមុជចូលពាងនោះ ឈ្មោះ ហេង វណ្ណី ក៏បានយកទូរសព្ទ័ដៃថតរូបបងប្រុសរបស់ខ្លួន ធ្វើទារុណកម្មលើរូបគេ(ម៉ុន វាសនា ) ផងដែរ ។
ពាក់ពន្ធ័នឹងស្ថានភាពគ្រួសារវិញ ត្រូវបានកុមារា ម៉ុន វាសនា រៀបរាប់ប្រាប់ថា រូបគេជាកូនទី២ ក្នុងចំណោមកូនចំនួន៧នាក់ កូនច្បងស្រីអាយុ១៨ឆ្នាំ និងកូនប្រុសពៅអាយុ១ខួបកន្លះ មានឪពុកឈ្មោះ ទុយ ម៉ុន អាយុ៤៣ឆ្នាំ និងម្តាយ ឈ្មោះ ឈន សុខ អាយុ៣៥ឆ្នាំ មានមុខរបរនេសាទត្រី។ សព្វថ្ងៃជីវភាពគ្រួសារក្រីក្រខ្លាំងណាស់ គឺពឹងផ្អែកទាំងស្រុងទៅលើប្រាក់ ខែកូនស្រីច្បងដែលទៅធ្វើការជាកម្មករកាត់ដេរនៅក្នុងរោងចក្រក្នុងស្រុក គួបផ្សំជាមួយប្រាក់បន្តិចបន្តួចដែលបានមកពីការដាក់មង ដាក់បង្កៃត្រី គ្រាន់ដោះស្រាយជីវភាព។
ចំណែកការសិក្សាវិញ កូនទី៣និងទី៤ ទើបតែបានចូលរៀនថា្នក់ទី១ ឯកូនទី១និងទី២ឈប់ រៀនហើយព្រោះបញ្ហាជីវភាព ។ ប៉ុន្តែអ្វីដែលគួរឱ្យអណោចអធមទៅទៀតនោះ គឺឪពុក ម្តាយកុមារទាំងនេះមានផ្ទុកមេរោគអេដស៍ក្នុងខ្លួនទៅទៀត សព្វថ្ងៃត្រូវទៅបើកថ្នាំពន្យា យកមកលេបរាល់ថ្ងៃ រីឯផ្ទះវិញធ្វើពីកូនឈើប្រក់ស្លឹកទ្រេតមួយចំហៀងរកកលស្ទើតែរលំ ទៅហើយតែគ្មានលទ្ធភាពជួសជុលឡើងវិញទេ។
ចែករំលែកព័តមាននេះ