iWatch ដែលជានាឡិកាដៃអេឡិចត្រូនិករបស់ក្រុមហ៊ុនAppleនឹងលេចរូបរាងថ្ងៃទី ៩ ខែកញ្ញា ឆ្នាំ២០១៥ ស្របពេលiPhone 6 ។
លក្ខណៈពិសេសរបស់iWatchគឺមានទំហំ១.៥អុីញ បំពាក់ដោយកញ្ចក់អក្រង់កោងOLEDនិងខ្សែនាឡិការផលិតពីស្បែកសុទ្ធ១០០ភាគរយ ។ iWatch បំពាក់ដោយបន្ទះSensor Biometric ដែលបង្ហាញព័ត៌មានជាក់ស្តែងពីរាងកាយមនុស្សដូចជា
ពណ៌សម្បុរ ដើម្បីអះអាងថា បុគ្គលរូបនោះជានរណា ។ វាមានមុខងារផ្តោតសំខាន់លើការហាត់ប្រាណ និងត្រួតពិនិត្យញ្ហាសុខភាពជាប្រចាំថ្ងៃដូចSmartwatch របស់ក្រុមហ៊ុនដទៃទៀត ។
iWatchដំណើការដោយប្រព័ន្ធប្រត្តិបត្តិការ iOS បញ្ជាដោយការប៉ះលើអក្រង់ (Touch) យ៉ាងរលូន ។ កាន់តែពិសេសជាងនេះទៅទៀតនាឡិកាអេឡិចត្រូនិកនេះប្រើប្រាស់ឆ្នាំងសាកថ្មឥតខ្សែ ។ លោក Tim Cook នាយកប្រត្តិបត្តិក្រុមហ៊ុន Apple ឱ្យដឹងថា នេះជា Smartwatch ដ៏ទំនើបរបស់ក្រុមហ៊ុន និងជាអាវុធដ៏មុតស្រួចសម្រាប់ប្រកួតប្រជែងជាមួយផលិតផលរបស់ក្រុមហ៊ុន Pebble, LG, Sony និងក្រុមហ៊ុន Samsung ដែលជាដៃគូប្រកួតប្រជែងដ៏មានសក្តានុពល ។ អ្នកវិភាគមួយចំនួនសន្និដ្ឋានពីតម្លៃរបស់iWatchគឺពី១៥០ទៅ២៣០ដុល្លារ ៕
ចែករំលែកព័តមាននេះ