ខេត្តកំពង់ចាម ៖ ផ្លូវជាតិលេខ៦ចាប់ពីត្រង់ចំណុចម្តុំរង្វង់មូលស្គន់ ស្រុកជើងព្រៃ រហូតដល់ថ្នល់កែងស្រុកបាធាយ ត្រូវបានគេមើលឃើញពិបាកនឹងធ្វើដំណើរនៅពេលដែលមានរថយន្តតូចធំបើកឆ្លងកាត់ហុយដីឲ្យទ្រលោម ។
ខេត្តកំពង់ចាម ៖ ផ្លូវជាតិលេខ៦ចាប់ពីត្រង់ចំណុចម្តុំរង្វង់មូលស្គន់ ស្រុកជើងព្រៃ រហូតដល់ថ្នល់កែងស្រុកបាធាយ ត្រូវបានគេមើលឃើញពិបាកនឹងធ្វើដំណើរនៅពេលដែលមានរថយន្តតូចធំបើកឆ្លងកាត់ហុយដីឲ្យទ្រលោម ។
ខណៈពេលដែលផ្លូវនេះពង្រីកធំ មានលក្ខណៈទូលាយជាងមុនដោយក្រុមហ៊ុនធ្វើផ្លូវទំនងជាមិនបានស្រោចទឹក កត្តានេះធ្វើឲ្យប្រជាពលរដ្ឋដែលមានផ្ទះនៅតាមដងផ្លូវរួមទាំងអ្នកធ្វើដំណើរអាចប្រឈមនឹងជំងឺផ្លូវដង្ហើមផងដែរ ។
ប្រភពពីអ្នកបើករថយន្តឈ្មួល (កំពង់ចាម-ភ្នំពេញ ) សូមមិនបញ្ចេញឈ្មោះប្រាប់ឱ្យដឹងនៅព្រឹកថ្ងៃទី២៩ សីហា ២០១៤ថា គាត់បានបើករថយន្តឈ្មួលធុនតូចរាប់ខែមកហើយមិនដែលឃើញក្រុមហ៊ុនផ្លូវប្រើរថយន្តដើម្បីស្រោចទឹកកុំឲ្យហុយនោះទេ គឺរយៈពេលជាច្រើនខែមកហើយនៅពេលដែលគាត់បើករថយន្តពីខេត្តកំពង់ចាមទៅកាន់រាជធានីភ្នំពេញម្តងៗហុយឲ្យទ្រលោមមើលរថយន្តនៅពីខាងមុខមិនចង់ឃើញនោះទេ ទាល់តែបើកភ្លើងហ្វាបន្ថែមដើម្បីជៀសវាងគ្រោះថ្នាក់ចរាចរណ៍ ។
ជុំវិញបញ្ហានេះ លោកឆាយ វ៉ាន់ស៊ី អភិបាលស្រុកជើងព្រៃ បានប្រាប់ឲ្យដឹងថា ផ្លូវជាតិលេខ៦នេះត្រូវបានក្រុមហ៊ុនចិនមួយទទួលរ៉ាប់រងការជួសជុល ពង្រីកផ្លូវឲ្យធំទូលាយពេលដែលកាប់ឈូសឆាយនោះមិនបានស្រោចទឹកនោះទេ ។ នៅពេលដែលរូបលោកតស៊ូមតិ ទើបគេស្រោចទឹកក្នុង១ថ្ងៃពី១០ទៅ២០រថយន្ត តែរាល់ថ្ងៃនេះមិនបានស្រោចឡើយ ដោយសារក្រុមធ្វើផ្លូវនេះគេឈប់សំរាក ប៉ុន្តែនៅខែតុលាខាងមុខនឹងបន្តចុះធ្វើហើយ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ