ខេត្តព្រៃវែង ៖ មកដល់ម៉ោង១និង១៥នាទីរសៀល ថ្ងៃទី២៩ សីហា ២០១៤ ជនដៃដល់ដែលធ្វើទារុណកម្មវាយដំ និងចាប់ក្មេងចងក្រពាត់ដៃទៅក្រោយរួចចាប់ក្បាលជម្រុជក្នុងទឹកពាង (ទឹកមិនស្អាត) ដោយសារតែលួចបេះផ្លែដូង ដែលប្រព្រឹត្តឡើងកាលពី រសៀលថ្ងៃទី២៨ សីហាម្សិលមិញនេះ បានត្រូវសមត្ថកិច្ចកំពុងសាកសួរនៅអធិការស្រុកពារំាង និង កសាងសំណុំរឿង ត្រៀមបញ្ជូនទៅសាលាដំបូងចាត់ការតាមផ្លូវច្បាប់ ។
ចំណែកក្មេងប្រុសរងគ្រោះ បានត្រូវសមត្ថកិច្ចដោះលែងឲ្យទៅលំនៅដ្ឋានវិញហើយ នៅព្រឹកថ្ងៃទី២៩ សីហានេះ ហើយក៍កំពុងសាកសួរផងដែរពីសកម្មភាពធ្វើទារុណកម្មពីសំណាក់ជនដៃដល់ទំាងពីរនាក់ ។
គួរបញ្ជាក់ឲ្យដឹងថា ជនដៃដល់ទំាងពីរនាក់នោះ ម្នាក់ឈ្មោះ ហេង ដាណា អាយុ៣៥ឆ្នាំ និង ម្នាក់ទៀតឈ្មោះ ហេង វណ្ណី អាយុ ២៨ឆ្នាំ ទំាងពីរនាក់រស់ នៅក្នុងភូមិ-ឃុំកើតហេតុខាងលើ ។
ចំណែកក្មេងប្រុសរងគ្រោះឈ្មោះ ម៉ុន វាសនា ហៅទិត្យ អាយុ១៤ឆ្នាំ ។
ព័ត៌មានលម្អិតនឹងមានផ្សាយជូននៅលើសារព័ត៌មានកោះសន្តិភាព.
ចែករំលែកព័តមាននេះ