លោករីសេបតៃយីបអ័រដូហ្គាន អតីតនាយករដ្ឋមន្ត្រីតួកគី កាលពីថ្ងៃទី២៨ សីហា បានធ្វើសច្ចាប្រណិធានចូលកាន់តំណែងប្រធានាធិបតីថ្មីរបស់តួកគី ។យោងតាមខុទ្ទកាល័យប្រធានាធិបតីថា តំណាងរបស់ប្រទេសប្រមាណជា៩០ ចូលរួមក្នុងពិធីធ្វើសច្ចាប្រណិធានចូលកាន់តំណែងរបស់លោកអ័រដូហ្គាន ។
នាឱកាសនោះ លោកអ័រដូហ្គានថ្លែងថា ក្នុងឋានៈជាប្រធានាធិបតី ខ្ញុំសូមសច្ចាចំពោះមុខសភាជាតិ និងចំពោះមុខប្រវតិ្តសាស្ត្រថែរក្សា អត្ថិភាព និងឯករាជ្យភាពរបស់តួកគី ថែរក្សាបូរណភាពដែនដីរបស់ប្រទេស និងប្រជាជាតិ ព្រមទាំងអធិបតេយ្យភាពជាតិ ។អតីតនាយករដ្ឋមន្ត្រីរូបនេះជាអ្នកឈ្នះក្នុងការបោះឆ្នោតប្រធានាធិបតីកាលពីដើមខែសីហា ដោយទទួលសំឡេង៥១,៧% ហើយក្លាយជាប្រធានាធិបតីទី១២ របស់តួកគី ៕
ចែករំលែកព័តមាននេះ