ខេត្តព្រៃវែង ៖ នារីម្នាក់ដែលគេស្គាល់ច្បាស់ថា ជាបុគ្គលិកបម្រើការនៅក្នុងភោជនីយដ្ឋានហង្សមាស ខារា៉អូខេ ដែលមានទីតាំងនៅតាមបណ្តោយផ្លូវជាតិលេខ១១ ស្ថិតក្នុងភូមិ៤ ឃុំព្រែកខ្សាយ «ខ» ស្រុកពាមរក៍ ឈ្មោះស្រីភាព អាយុ២០ផ្លាយឆ្នាំ បានផឹកស្រវឹងយា៉ងជោកជាំ ហើយប៉ុនប៉ងលោតទឹកពីលើស្ពានស្ទឹងស្លូត ដើម្បីសម្លា.ប់ខ្លួនព្រោះតែការប្រចណ្ឌប្រុសស្នេហ៍ទៅឱបថើបនារីផ្សេងចំពោះមុខនាង ។
ខេត្តព្រៃវែង ៖ នារីម្នាក់ដែលគេស្គាល់ច្បាស់ថា ជាបុគ្គលិកបម្រើការនៅក្នុងភោជនីយដ្ឋានហង្សមាស ខារា៉អូខេ ដែលមានទីតាំងនៅតាមបណ្តោយផ្លូវជាតិលេខ១១ ស្ថិតក្នុងភូមិ៤ ឃុំព្រែកខ្សាយ «ខ» ស្រុកពាមរក៍ ឈ្មោះស្រីភាព អាយុ២០ផ្លាយឆ្នាំ បានផឹកស្រវឹងយា៉ងជោកជាំ ហើយប៉ុនប៉ងលោតទឹកពីលើស្ពានស្ទឹងស្លូត ដើម្បីសម្លាប់ខ្លួនព្រោះតែការប្រចណ្ឌប្រុសស្នេហ៍ទៅឱបថើបនារីផ្សេងចំពោះមុខនាង ។
ទោះបីជាបែបណា នាងត្រូវបានគេនាំគ្នាជួយចាប់ឃាត់ទាន់ពេល កាលពីវេលាម៉ោង៤រសៀល ថ្ងៃ២៧ សីហា ។ តាមប្រភពព័ត៌មានពីមិត្តចូលរួមជាមួយនិយាយថា នៅរសៀលថ្ងៃទី២៧ សីហា នាងនិងមិត្តភក្តិជាច្រើនទៀតរួមជាមួយប្រុសស្នេហ៍បាននាំគ្នាទៅស៊ីផឹកនៅក្នុងភោជនីយដ្ឋានមួយកន្លែងមានយីហោ «ជំនោរស្ទឹងជ័យ» មានទីតាំងនៅខាងកើតស្ពានស្ទឹងស្លូត ចម្ងាយ២០ម៉ែត្រ ស្ថិតក្នុងភូមិក្រាំងក្អុក ឃុំកំពង់សឹង ស្រុកព្រះស្តេច ។ តាមការរៀបរាប់ពីមិត្តភក្តិរបស់ស្រីភាព ឈ្មោះ សុខ ហេង ភេទប្រុស អាយុ២៧ឆ្នាំ បានឱ្យដឹងថា នៅវេលារសៀលថ្ងៃដដែលពួកគេមានគ្នាចំនួន៦នាក់ប្រុស៤នាក់ ស្រី២នាក់ បានមកផឹកស៊ីនៅក្នុងហាង «ជំនោរស្ទឹងជ័យ»។
ការផឹកស៊ីយ៉ាងសប្បាយ ក៏មានបញ្ហាកើតឡើងដោយប្រុសស្នេហ៍របស់ ស្រីភាព បែរជាទៅឱបថើបស្រីម្នាក់ទៀតក្នុងហាងនោះនៅចំពោះមុខនាង ជាហេតុធ្វើឱ្យ ស្រីភាព ដែលកំពុងស្រវឹងដល់កផងខឹងច្រឡោតតោតតូង បើទោះបីប្រុសស្នេហ៍ព្យាយាមអង្វរសុំទោសយ៉ាងណា ក៏ ស្រីភាព ពុំស្តាប់ និងពុំលើកលែងទោសឱ្យទេ ហើយគិតតែពីផឹកលើកដាច់ លើកដាច់ រហូតដល់ស្រវឹងជោកជាំ ប្រកាច់ច្រឡោតពេញតែក្នុងហាង ។ ឃើញដូចនោះប្រុសស្នេហ៍ស្រីភាព លែងចាប់លែងឃាត់ឬអង្វរទៀតហើយ បែរជាដាក់មេប្រូចជាមួយមិត្តភក្តិប្រុសរបស់ខ្លួន២នាក់ទៀតទៅបាត់ ចោលស្រីភាព នៅស្រវឹងដាប ។ មិត្តភក្តិរួមកែវជាមួយនិយាយទៀតថា ចំណែករូបគេ និងស្ត្រីម្នាក់ទៀតដែលមានឈ្មោះ សោម ដាណា អាយុ២១ឆ្នាំ ជាមិត្តភក្តិមកជាមួយគ្នា មិនដាច់ចិត្តទៅចោល ស្រីភាព ទេ ។
ចំណែកស្រីភាព ឃើញសង្សារហេងស៊យទៅចោលខ្លួន ក៏កាន់តែខឹង ក៏បានរត់ចេញពីក្នុងហាងសំដៅមកលោតទឹកលើស្ពានស្ទឹងស្លូត តែសំណាងល្អដោយមិត្តភក្តិរត់តាមពីក្រោយបានចាប់ឱបចង្កេះទាន់ ហើយក៏ស្រែកឱ្យគេឯងជួយផ្អើលដល់សមត្ថកិច្ចប៉ុស្តិ៍នគរបាលឃុំអ្នកលឿង រត់ទៅជួយចាប់យកមកប៉ុស្តិ៍ ប៉ុន្តែ ស្រីភាព នៅតែរើបំរះពេញប៉ុស្តិ៍នគរបាលទៀត ។ អស់រយៈពេលជិតមួយម៉ោងទើបនាងស្វាងដឹងខ្លួន ហើយបានសុំទោសសមត្ថកិច្ច និងចាកចេញទៅកន្លែងធ្វើការវិញ ៕
ចែករំលែកព័តមាននេះ