រាជធានីភ្នំពេញ ៖ យុវជនពីរនាក់ចេញពីក្លឹបកម្សាន្តជិះម៉ូតូត្រឡប់ទៅផ្ទះវិញ ខណៈធ្វើដំណើរមកដល់ពាក់កណ្តាលផ្លួវត្រូវក្រុមជនសង្ស័យមួយក្រុមដែលប្រដាប់ទៅដោយដាវសាំម៉ូរ៉ៃ ជិះម៉ូតូ៦គ្រឿងដេញកា.ប់ត្រូវអ្នកបើកម៉ូតូរបួសសុះសាច់ ហើយក្រុមជនសង្ស័យប្លន់យកម៉ូតូ ជិះគេចខ្លួនដោយសុវត្ថិភាព។ ហេតុការណ៍នេះ
រាជធានីភ្នំពេញ ៖ យុវជនពីរនាក់ចេញពីក្លឹបកម្សាន្តជិះម៉ូតូត្រឡប់ទៅផ្ទះវិញ ខណៈធ្វើដំណើរមកដល់ពាក់កណ្តាលផ្លួវត្រូវក្រុមជនសង្ស័យមួយក្រុមដែលប្រដាប់ទៅដោយដាវសាំម៉ូរ៉ៃ ជិះម៉ូតូ៦គ្រឿងដេញកាប់ត្រូវអ្នកបើកម៉ូតូរបួសសុះសាច់ ហើយក្រុមជនសង្ស័យប្លន់យកម៉ូតូ ជិះគេចខ្លួនដោយសុវត្ថិភាព។ ហេតុការណ៍នេះកើតឡើងកាលពីវេលាម៉ោង៣និង៣០នាទីទៀបភ្លឺ ថ្ងៃទី ២៩ សីហា ២០១៤ នៅចំណុចទល់មុខមន្ទីរពេទ្យព្រះកុសមៈ តាមផ្លូវលេខ២៧១ ស្ថិតក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
ប្រភពព័ត៌មានបានឱ្យដឹងថា នៅមុនពេលកើតហេតុជនរងគ្រោះនិងមិត្តភក្តិបានចេញពីផឹកស៊ីនិងរាំរែកនៅក្នុងក្លឹបកម្សាន្ត វ់ើលដាន់ ដែលមានទីតាំងតាមផ្លូវ២៧១ ហើយបានឡើងជិះម៉ូតូហុងដាឌ្រីម សេ១១០ ពណ៌ខ្មៅមួយគ្រឿង ពាក់ស្លាកលេខភ្នំពេញ 1BG-8858 ត្រឡប់ទៅផ្ទះវិញនៅសង្កាត់ពងទឹក ខណ្ឌដង្កោ ដោយធ្វើដំណើរគ្នាពីរនាក់ តាមផ្លូវ២៧១ ក្នុងទិសដៅពីជើងទៅត្បូង ខណៈធ្វើដំណើរមកដល់ផ្លូវសហព័ន្ធរុស្ស៊ី (ស្តុបផ្សារដីហុយ) ក៏បានជួបនឹងក្រុមជនសង្ស័យមួយក្រុមដែលប្រដាប់ដោយដាវសាំម៉ូរ៉ៃក្នុងដៃ និងជិះម៉ូតូ៦គ្រឿង ម៉ាកស៊ុយស៊ូគីនិច៣គ្រឿង និងហុងដាឌ្រីមស១២៥ បីគ្រឿង ជិះដេញកាប់ជនរងគ្រោះ ។ ពេលនោះជនរងគ្រោះបានជិះម៉ូតូត្រឡប់មកក្រោយវិញ មកដល់ចំណុចកើតហេតុ (ទល់មុខមន្ទីរពេទ្យព្រះកុសមៈ) ក្រុមជនសង្ស័យបានជិះតាមមកទាន់ជនរងគ្រោះ ហើយបានដកដាវសាំម៉ូរ៉ៃកាប់ប្រហារយុវជនជាអ្នកបើកម៉ូតូឡើងសុះសាច់ រងរបួសធ្ងន់ មិត្តភក្តិជនរងគ្រោះដែលជិះពីក្រោយរត់គេចខ្លួនទាន់រងរបួសស្រាល។ស្របពេលដែលក្រុមជនសង្ស័យកំពុងធ្វើសកម្មភាពកាប់ប្រហារជនរងគ្រោះនោះ ក៏មានយុវជនមួយក្រុមទៀតចេញពីក្លឹបកម្សាន្តវើលដាន់ បានមកដល់ ពេលនោះដែរក្រុមជនសង្ស័យស្មានថាជាក្រុមមិត្តភក្តិរបស់ជនរងគ្រោះក៏នាំគ្នាដេញកាប់ក្រុមយុវជនដែលទើបចេញក្លឹបនោះទៀត បណ្តាលឱ្យយុវជនម្នាក់រយៈដៃស្តាំ ហើយយុវជនផ្សេងទៀតបានរត់គេចខ្លួនអស់មិនមានរងរបួសនោះទេ ។ បន្ទាប់ពីកាប់ប្រហារជនរងគ្រោះហើយនោះក្រុមជនសង្ស័យក៏បានលើកម៉ូតូជនរងគ្រោះជិះគេចខ្លួនដោយសុវត្តិភាព។
ជនរងគ្រោះទី១.ឈ្មោះ អឹម ចន្ថា ភេទប្រុស អាយុ២៣ឆ្នាំ មុខរបរជាងជួសជុលរថយន្ត រស់នៅក្នុងសង្កាត់ពងទឹក ខណ្ឌដង្កោរងរបួសធ្ងន់ ,ជនរងគ្រោះទី២. ឈ្មោះ អូន សីហា ភេទប្រុស មុខរបរចុងភៅ ម្ហូបការរស់នៅក្នុងសង្កាត់ពងទឹក ខណ្ឌដង្កោ របួសស្រាល ចំណែកជនរងគ្រោះទី៣.ឈ្មោះ តឿ ភេទប្រុស អាយុ១៧ឆ្នាំ រស់នៅម្តុំគល់ស្ពានអាកាស៧មករា ភូមិត្រពាំងឈូក សង្កាត់ទឹកថ្លា ខណ្ឌសែនសុខ របួសដៃខាងស្តាំ ។
ក្រោយពេលកើតហេតុជនរងគ្រោះរបួសធ្ងន់ត្រូវគេបញ្ជូនទៅសង្រ្គោះបន្ទាន់នៅមន្ទីរពេទ្យ ហើយជនរងគ្រោះរបួសស្រាលបានទៅកាន់ប៉ុស្តិ៍នគរបាលរដ្ឋបាលទឹកថ្លាដើម្បីដាក់ពាក្យបណ្តឹង ។
ចែករំលែកព័តមាននេះ