ខេត្តប៉ៃលិន ៖ គេសង្កេតឃើញ ផ្លូវលំ១ខ្សែ មានប្រវែងប្រហែល១៨គីឡូម៉ែត្រ ទទួលរងការខូចខាតយ៉ាងដំណំ មានទាំងជង្ហុកតូចធំ ស្ទើរតែធ្វើដំណើរឆ្លងកាត់ទៅមកមិនកើត ។ តែមិនទាន់ឃើញមានអាជ្ញាធរពាក់ព័ន្ធនៅក្នុងស្ថាប័នណាមួយចេញមុខ ធ្វើការជួសជុល ឬសា ងសង់ជាថ្មីឡើងវិញនោះទេ បណ្តាលខូចខាតកាន់តែ
ខេត្តប៉ៃលិន ៖ គេសង្កេតឃើញ ផ្លូវលំ១ខ្សែ មានប្រវែងប្រហែល១៨គីឡូម៉ែត្រ ទទួលរងការខូចខាតយ៉ាងដំណំ មានទាំងជង្ហុកតូចធំ ស្ទើរតែធ្វើដំណើរឆ្លងកាត់ទៅមកមិនកើត ។ តែមិនទាន់ឃើញមានអាជ្ញាធរពាក់ព័ន្ធនៅក្នុងស្ថាប័នណាមួយចេញមុខ ធ្វើការជួសជុល ឬសា ងសង់ជាថ្មីឡើងវិញនោះទេ បណ្តាលខូចខាតកាន់តែជ្រៅទៅៗ ដែលជាហេតុធ្វើឱ្យប្រជាពលរដ្ឋធ្វើដំណើរចេញចូល និងដឹកកសិផលទៅលក់នៅក្រុងប៉ៃលិន បានរិះគន់យ៉ាងខ្លាំងថាគ្មានចំណាត់ការ ។ផ្លូវលំមួយខ្សែនេះចេញពីភូមិសួនអំពៅកើត សង្កាត់ប៉ៃលិន ក្រុងប៉ៃលិន រហូតដល់ភូមិសួស្តី សង្កាត់អូរតាវ៉ៅ ក្រុងប៉ៃលិន រងការខូចខាតយ៉ាងធ្ងន់ធ្ងរ ជង្ហុកក្រឡិកក្រឡុកលំបាកក្នុង ការធ្វើដំណើរទៅមក ។
ប្រភពព័ត៌មានពីប្រជាពលរដ្ឋបានរិះគន់ថា ផ្លូវលំ១ខ្សែដែលមានប្រវែងប្រហែល១៨គីឡូម៉ែត្រ បានរងការខូចខាតយ៉ាងដំណំអស់រយៈពេលយូរឆ្នាំមកហើយ តែមិនឃើញមានអា ជ្ញាធរមូលដ្ឋានពាក់ព័ន្ធណាអើពើជួសជុល និងធ្វើថ្មីជូនពួកគាត់ធ្វើដំណើរ ឬដឹកកសិផលទៅលក់ដូរនៅក្រុងប៉ៃលិនបានស្រួលទាល់តែសោះ បើទោះបីជាពួកគាត់ធ្លាប់ត្អូញត្អែរនៅចំពោះមុខអាជ្ញាធរមូលដ្ឋានពីទុក្ខលំបាកក្នុងការធ្វើដំណើរ និងដឹកផលដំណាំកសិកម្មទៅលក់ដូរនៅក្រុងប៉ៃលិន យ៉ាងណាក៏ដោយ មិនទាន់ឃើញមានការជួសជុល ឬធ្វើជាថ្មីឡើងវិញនោះដែរ ។ ប្រភពបន្តទៀតថា ខណៈឈ្មួញយករថយន្តទៅដឹកកសិផលដែលគាត់ផលិតបាននៅចម្ការ គេតែងតែបញ្ចុះតម្លៃ ព្រោះផ្លូវមានការលំបាកក្នុងដឹកយកទៅលក់បន្ត ហើយបើសិនជាផ្លូវល្អពួកគាត់ក៏អាចដឹកយកទៅលក់ខ្លួនឯងបាន នោះពិតជាទទួលផលច្រើនជាក់ជាមិនខានឡើយ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ