រាជធានីភ្នំពេញ ៖ រថយន្តកុងតឺន័រមួយគ្រឿងពេលកំពុងបើកបរបានដាច់កន្លះសម្រាប់ថ្ពក់ក្បាលរថយន្តជាមួយនិងកន្ទុយក្រោយរថយន្តបណ្តាលឱ្យកន្ទុយក្រោយរថយន្តដាច់ចេញពីក្បាលរថយន្តកណ្តាលផ្លូវប៉ុន្តែពុំបណ្តាលឱ្យ មានមនុស្សរងរបួសទេ ។ ហេតុការណ៍នេះកើតឡើងកាលពីវេលាម៉ោង ១១និង៣០នាទីយប់ថ្ងៃទី ២៨ សីហា ២០១៤ នៅចំណុចទល់មុខស្ថានីយ៍ប្រេងឥន្ធនះស៊ូគីមិច តាមបណ្តោយផ្លូវ២៧១ ស្ថិតក្នុងសង្កាត់ផ្សារដើមថ្កូវ ខណ្ឌចំការមន។
ប្រភពព័ត៌មានបានឱ្យដឹងថា នៅមុនពេលកើតហេតុគេឃើញរថយន្តកុងតឺន័រមួយគ្រឿង ដែលក្បាលរថយន្តពាក់ស្លាកលេខ ភ្នំពេញ3C-5324 និងកន្ទុយក្រោយពាក់ស្លាកលេខភ្នំពេញ 4A-0746 បានធ្វើដំណើរតាមផ្លូវលេខ២៧១ ក្នុងទិសដៅពីត្បូងទៅជើង ខណៈមកដល់ចំណុចកើតហេតុ រថយន្តបានដាច់កន្លះថ្ពក់ក្បាលរថយន្តទៅនឹងកន្ទុយក្រោយរថយន្តដែលមិនមានដឹកទូកុងតឺន័រ បណ្តាលឱ្យកន្ទុយក្រោយបានដាច់ចេញពីក្បាលរថយន្តកណ្តាលផ្លូវ ប៉ុន្តែមិនបណ្តាលឱ្យមានមនុស្សរងរបួសនោះទេ។
ក្រោយពេលកើតហេតុគេឃើញអ្នកបើករថយន្តនិងព្រូរថយន្តបានចុះមកពិនិត្យមើលកន្លែងដែលដាច់កន្លះថ្ពក់នោះផងដែរ។
ចែករំលែកព័តមាននេះ