ម៉ានីល ៖ តាមទិន្នន័យថ្មីមួយរបស់អាជ្ញាធរស្ថិតិជាតិបង្ហាញថា ការនាំចូលទំនិញរបស់ប្រទេសហ្វ៊ីលីពីនបន្តធ្លាក់ចុះក្នុងខែមិថុនា ឆ្នាំ២០១៤ គឺប្រមាណជា៣,៦%ពីមួយឆ្នាំទៅមួយឆ្នាំ និងបានកែសម្រួល៤%កាលពីខែឧសភា ។
ម៉ានីល ៖ តាមទិន្នន័យថ្មីមួយរបស់អាជ្ញាធរស្ថិតិជាតិបង្ហាញថា ការនាំចូលទំនិញរបស់ប្រទេសហ្វ៊ីលីពីនបន្តធ្លាក់ចុះក្នុងខែមិថុនា ឆ្នាំ២០១៤ គឺប្រមាណជា៣,៦%ពីមួយឆ្នាំទៅមួយឆ្នាំ និងបានកែសម្រួល៤%កាលពីខែឧសភា ។
ការចំណាយប្រាក់ក្នុងការនាំចូលទំនិញពីបរទេសបានធ្លាក់ចុះមកនៅ៤,៧២ពាន់លានដុល្លារ ក្នុងខែមិថុនា ធៀបនឹងអំឡុងពេលដូចគ្នា កាលពីឆ្នាំ២០១៣ ចំណាយអស់៤,៩០ពាន់លានដុល្លារប៉ុណ្ណោះ ។ រីឯការនាំចូលបន្ថែមសម្រាប់ឆមាសដំបូងនេះបានកើតឡើង៥,៤%ឬ៣១,៣៥ពាន់លានដុល្លារពីបរិមាណ២៩,៧៥ពាន់លានដុល្លារកាលពីឆ្នាំទៅ ។
អាជ្ញាធរស្ថិតិជាតិបានបញ្ជាក់ថា លទ្ធភាពអវិជ្ជមាននៃការនាំចូលទំនិញសម្រាប់ខែមិថុនា គឺដោយសារតែការធ្លាក់ចុះនៃការនាំចូលមុខទំនិញ៣ប្រភេទ ក្នុងចំណោមលំដាប់កំពូលទាំង១០ រួមមាន សម្ភារនិងគ្រឿងយន្តឧស្សាហកម្ម ផលិតផលអេឡិចត្រូនិក និងអាហារផ្សេងៗក៏ដូចជា សត្វពាហនៈ ។ ក្នុងនោះតម្លៃទឹកប្រាក់នាំចូលសម្ភារនិងគ្រឿងយន្តឧស្សាហកម្មធ្លាក់ចុះ៣២,៩% ឬ២១១,៩៧លានដុល្លារធៀបនឹងបរិមាណ៣១៥,៨១លាន កាលពីឆ្នាំ២០១៣។ ការនាំចូលផលិតផលគ្រឿងអេឡិចត្រូនិករួញខ្លី២២% ឬ១,០៩៧ពាន់លានដុល្លារ ។ ចំណែកចំណីអាហារផ្សេងៗ និងសត្វពាហនៈសម្រេចបានទឹកប្រាក់១៥៦,២៣លានដុល្លារ ធ្លាក់ចុះ៣,៣% ពីបរិមាណ១៦១,៦៤លានដុល្លារ ។
គួរបញ្ជាក់ថា ប្រទេសចិននៅតែជាប្រភពនៃការនាំចូលច្រើនជាងគេរបស់ហ្វ៊ីលីពីនជាមួយភាគហ៊ុន១៧,២% ដែលមានតម្លៃទឹកប្រាក់៨០៩,៦៤លានដុល្លារ ។ ប្រភពធំៗដទៃទៀតរួមមាន កូរ៉េខាងត្បូង ជប៉ុន និងសហរដ្ឋអាមេរិក៕
ចែករំលែកព័តមាននេះ