រាជធានីភ្នំពេញ ៖ លោកតាំង ស៊ុនឡាយ ចៅក្រមសាលាដំបូងរាជធានីភ្នំពេញ នៅថ្ងៃទី២៨ សីហា ២០១៤ នេះបានប្រកាសសាលក្រមផ្តន្ទាទោសជនជាប់ចោទឈ្មោះ ឯម សុភា ភេទស្រី អាយុ៤៤ឆ្នាំ និងឈ្មោះវ៉ាន់ ចាន់ ភេទប្រុស អាយុ២៨ឆ្នាំ ដាក់ពន្ធនាគារម្នាក់ៗ១៥ឆ្នាំ និងរួមគ្នាសងសំណង១០លានរៀលដល់កុមារីរងគ្រោះពីបទជួញដូរកុមារក្រោមអាយុ១៥ឆ្នាំ។
រាជធានីភ្នំពេញ ៖ លោកតាំង ស៊ុនឡាយ ចៅក្រមសាលាដំបូងរាជធានីភ្នំពេញ នៅថ្ងៃទី២៨ សីហា ២០១៤ នេះបានប្រកាសសាលក្រមផ្តន្ទាទោសជនជាប់ចោទឈ្មោះ ឯម សុភា ភេទស្រី អាយុ៤៤ឆ្នាំ និងឈ្មោះវ៉ាន់ ចាន់ ភេទប្រុស អាយុ២៨ឆ្នាំ ដាក់ពន្ធនាគារម្នាក់ៗ១៥ឆ្នាំ និងរួមគ្នាសងសំណង១០លានរៀលដល់កុមារីរងគ្រោះពីបទជួញដូរកុមារក្រោមអាយុ១៥ឆ្នាំ។
តុលាការបានបញ្ជាក់ថា ការសម្រេចរបស់តុលាការធ្វើឡើង បន្ទាប់ពីតុលាការរកឃើញកំហុសពួកគេក្នុងសំណុំរឿងលួចពង្រត់ក្មេងស្រីអាយុ១៣ឆ្នាំដែលគ.ថ្លង់ និងមានផ្ទុកមេរោគអេដស៍ ចេញពីអង្គការថែទាំកុមារកំព្រា និងផ្ទុកមេរោគអេដស៍ កាលពីខែមិថុនា ២០១៣កន្លងទៅ ។
សូមបញ្ជាក់ថា កុមារីរងគ្រោះឈ្មោះ ស.ន អាយុ១៣ឆ្នាំ ជាក្មេងកំព្រាឪពុក ម្តាយតាំងតែពីនាងមានអាយុជិត៥ឆ្នាំ និងមានជំងឺតាំងពីកំណើត ហើយម្តាយឪពុកនាងស្លាប់នៅក្នុងខេត្តកោះកុងដោយសារជំអឺអេដស៍ដែរ។ អ្នកជិតខាងរបស់នាងបានយកនាងមកឲ្យស្នាក់នៅជាមួយអង្គការក្តីសង្ឃឹមថ្មីនៃកុមារកម្ពុជាជាអាណាព្យាបាលទី២របស់នាងនៅក្នុងខេត្តកំពង់ស្ពឺ និងក្រោយមកបញ្ជូនមកខេត្តកណ្តាលដើម្បីឲ្យនាងបានចូលរៀនក្នុងសាលាគថ្លង់ក្នុងសង្កាត់ច្បារអំពៅទី១ ខណ្ឌមានជ័យ រាជធានីភ្នំពេញ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ