ទីភ្នាក់ងារព័ត៌មានផ្លូវការអេហ្ស៊ីប MENA គូសបញ្ជាក់កាលពីថ្ងៃទី២៧ សីហា ថា ការស៊ើបអង្កេតមួយត្រូវបានបើកធ្វើលើអតីតប្រធានាធិបតីអ៊ិស្លាមនិយម ត្រូវកងទ័ពផ្ដួលរំលំលោក ម៉ូហាម៉េដ ម័រស៊ី ដែលជាប់សង្ស័យពីបទផ្ដល់ឱ្យប្រទេសកាតានូវបណ្ដាឯកសារទាក់ទិននឹងសន្ដិសុខជាតិរបស់អេហ្ស៊ីប។
ទីភ្នាក់ងារព័ត៌មានផ្លូវការអេហ្ស៊ីប MENA គូសបញ្ជាក់កាលពីថ្ងៃទី២៧ សីហា ថា ការស៊ើបអង្កេតមួយត្រូវបានបើកធ្វើលើអតីតប្រធានាធិបតីអ៊ិស្លាមនិយម ត្រូវកងទ័ពផ្ដួលរំលំលោក ម៉ូហាម៉េដ ម័រស៊ី ដែលជាប់សង្ស័យពីបទផ្ដល់ឱ្យប្រទេសកាតានូវបណ្ដាឯកសារទាក់ទិននឹងសន្ដិសុខជាតិរបស់អេហ្ស៊ីប។
លោកម័រស៊ី ទទួលការកាត់ទោសប្រហារជីវិតរួចហើយ ក្នុងរឿងចោទប្រកាន់ជាច្រើន ហើយចាប់តាំងពីលោកត្រូវផ្ដួលរំលំ និងចាប់ខ្លួននាខែកក្កដា ឆ្នាំ២០១៣ មក ពួកអ្នកគាំទ្រលោកជាគោលដៅនៃការបង្ក្រាបបង្ហូរឈាមដែលបណ្ដាលឱ្យមនុស្សស្លាប់ជាង១៧ ៤០០នាក់។ អតីតប្រធានាធិបតីរូបនោះឥឡូវទទួលការចោទប្រកាន់ពីបទផ្ដល់ឱ្យប្រទេសកាតាតាមរយៈទូរទស្សន៍អាល់ហ្សាហ្ស៊ីរ៉ា របស់ប្រទេសនោះនូវឯកសារទាំងឡាយដែលទាក់ទិនដល់សន្ដិសុខជាតិអេហ្ស៊ីប ពេលលោកកាន់តំណែងប្រធានាធិបតីដែលបែបនេះធ្វើឱ្យប៉ះពាល់ធ្ងន់ធ្ងរដល់សន្ដិសុខរបស់ប្រទេស ។
ទំនាក់ទំនងរវាងអេហ្ស៊ីបនិងកាតា មានភាពល្អក់កករយ៉ាងខ្លាំង ក្រោយការទម្លាក់លោកម័រស៊ី ហើយអាជ្ញាធរអេហ្ស៊ីបបរិហារចំពោះការគាំទ្ររបស់ប្រទេសអ្នកមាននោះចំពោះក្រុមបងប្អូនអ៊ិស្លាម ខណៈកាតាតែងថ្កោលទោសការបង្ក្រាបពួកអ្នកគាំទ្រលោកម័រស៊ី។ ចំណែកទូរទស្សន៍អាល់ហ្សាហ្ស៊ី ក៏ត្រូវបានអាជ្ញាធរអេហ្ស៊ីបបង្ក្រាបដែរដោយអ្នកកាសែត៣នាក់របស់ទូរទស្សន៍នេះត្រូវចាប់ឃុំឃាំងនៅអេហ្ស៊ីប រួចទទួលការកាត់ទោសកាលពីខែ ឧសភា ឱ្យជាប់គុកពី៧ទៅ១០ឆ្នាំក្រោយទទួលការចោទប្រកាន់ពីបទជួយក្រុមបងប្អូនអ៊ិស្លាមដោយផ្សាយព័ត៌មានបំផ្លើសនានា ៕
ចែករំលែកព័តមាននេះ