កីឡាករអាល្លឺម៉ង់ John Degenkolb ទទួលបានការអបអរសាទរពីបណ្តាមិត្តរួមក្រុម Team Giant-Shimano របស់ខ្លួនបន្ទាប់ពីបានយកឈ្នះដំណាក់ទី៥ នៃព្រឹត្តិការណ៍ប្រណាំងកង់ Tour of Spain នៅប្រទេសអេស្ប៉ាញ កាលពីថ្ងៃពុធ ទី២៧ ខែសីហា ។ ការប្រណាំងក្នុងដំណាក់នេះត្រូវបានបញ្ចប់នៅទីក្រុង Ronda ។
កីឡាករអាល្លឺម៉ង់ John Degenkolb ទទួលបានការអបអរសាទរពីបណ្តាមិត្តរួមក្រុម Team Giant-Shimano របស់ខ្លួនបន្ទាប់ពីបានយកឈ្នះដំណាក់ទី៥ នៃព្រឹត្តិការណ៍ប្រណាំងកង់ Tour of Spain នៅប្រទេសអេស្ប៉ាញ កាលពីថ្ងៃពុធ ទី២៧ ខែសីហា ។ ការប្រណាំងក្នុងដំណាក់នេះត្រូវបានបញ្ចប់នៅទីក្រុង Ronda ។
Degenkolb ស្ថិតក្នុងសម្លៀកបំពាក់ក្រុមពណ៌សលាយខ្មៅបានឆ្លងកាត់គំនូសព្រ័ត្រក្នុងថិរវេលា៤ម៉ោង៤១នាទីនិង៤៧វិនាទី យកឈ្នះដំណាក់ដែលមានចម្ងាយផ្លូវ១៨០គីឡូម៉ែត្រចេញដំណើរពីទីក្រុង Priego de Cordoba ឆ្ពោះទៅកាន់ទីក្រុង Ronda ប្រទេសអេស្ប៉ាញ។ បញ្ចប់ក្នុងលំដាប់ទី២ គឺកីឡាករបារាំង Nacer Bouhanni ដោយបានប្រើអស់ថិរវេលាស្មើគ្នាជាមួយកីឡាករហូឡង់ Moreno Hofland ដែលជិះឱ្យក្រុម Belkin Pro Cycling Team។
បន្ទាប់ពីបញ្ចប់ការប្រណាំង Degenkolbបានធ្វើការឆ្លុះបញ្ចាំងថា ៖ «ការជិះឡើងភ្នំ Montjuic ពិតជាពិបាកខ្លាំងណាស់ ។ នៅពេលដែលខ្ញុំឃើញកីឡាករ Joaquim Rodriguezចាប់ផ្តើមចេញដំណើរ ខ្ញុំដឹងថា នោះជាឱកាសប្រសិនជាខ្ញុំចង់ឈ្នះ ។ បន្ទាប់មក ខ្ញុំបានសម្រុកទៅមុខយ៉ាងលឿន ។ ខ្ញុំដឹងយ៉ាងច្បាស់ថា គេមិនអាចជិះកង់លឿនជាងខ្ញុំបានទេ» ។
បើទោះជាយ៉ាងនេះក្តី នៅលើតារាងថិរវេលាសរុប រូបគេនៅតែពុំទាន់អាចដណ្តើមបានការនាំមុខជាដដែល ដ្បិត Michael Matthews ដែលបានបញ្ចប់ដំណាក់នេះក្នុងលំដាប់ទី១១នោះ នៅតែសន្សំពេលវេលាបានយ៉ាងល្អបំផុតគ្រងអាវកាក់ពណ៌ក្រហមក្នុងនាមជាអ្នកនាំមុខគេសម្រាប់ការប្រណាំងទាំងមូលដដែល ។
ឆ្លងកាត់ការប្រណាំងចំនួន៥ដំណាក់មកនេះ Michael Matthews ដែលជិះឱ្យក្រុម Orica Greenedge បានប្រើអស់ថិរវេលាតិចជាងគេបំផុតគឺ១៨ម៉ោងនិង១២នាទីនិង៣១វិនាទី នាំមុខកីឡាករអេស្ប៉ាញ Nairo Quintana ដែលប្រើថិរវេលាច្រើនជាង១៣វិនាទី ។ ចំណែកកីឡាករអេស្ប៉ាញម្នាក់ទៀតគឺ Alejandro Valverde ស្ថិតនៅលំដាប់ទី៣ បន្ទាប់ពីបានប្រើថិរវេលាច្រើនជាងកីឡាករ Matthews ២០វិនាទី ។
សូមបញ្ជាក់ថា ការប្រណាំងកម្មវិធី Tour of Spain ឆ្នាំនេះចែកចេញជា២១ដំណាក់ និងមានចម្ងាយផ្លូវសរុប៣២៤០,៥គីឡូម៉ែត្រ ។ ដោយឡែកដំណាក់ទី៦ ដែលជាដំណាក់បន្តមានចម្ងាយផ្លូវ១៦៧,៧គីឡូម៉ែត្រ ហើយការប្រណាំងចាប់ចេញដំណើរពីទីក្រុង Benalmádena ឆ្ពោះទៅកាន់ទីក្រុង Cumbres Verdes ប្រទេសអេស្ប៉ាញ ៕
ចែករំលែកព័តមាននេះ